பணிப்புறக்கணிப்பில் வவுனியா பொது வைத்தியசாலை வைத்தியர்கள்

Report Print Theesan in சமூகம்

சைட்டத்திற்கு எதிர்ப்பு தெரிவித்து வவுனியா மாவட்ட பொது வைத்தியசாலையின் வைத்தியர்கள் மேற்கொண்டு வரும் பணிப்புறக்கணிப்பினால் நோயாளர்கள் சிரமங்களை எதிர்நோக்கியுள்ளனர்.

சைட்டம் மருத்துவக்கல்லூரியை மூடக்கோரி அரச வைத்திய அதிகாரிகள் சங்கத்தினரால் மாவட்ட மட்டத்தில் எதிர்ப்பு போராட்டங்கள் மேற்கொள்ளப்பட்டு வருகின்றன.

இந்த நிலையில் குறித்த போராட்டத்திற்கு ஆதரவு தெரிவிக்கும் வகையில் வவுனியா வைத்தியசாலையின் வைத்தியர்கள் இன்று காலை முதல் பணிப்புறக்கணிப்பில் ஈடுபட்டுள்ளனர்.

இந்த பணிப்புறக்கணிப்பினால் வைத்திய சேவைகள் ஸ்தம்பிதமடைந்துள்ள நிலையில் சிகிச்சைகளை பெற்றுக் கொள்வதற்காக வைத்தியசாலைக்கு வந்த நோயாளர்கள் சிரமங்களை எதிர்கொண்டுள்ளமை குறிப்பிடத்தக்கது.