2012 இல் நடந்த சில முக்கிய நிகழ்வுகளின் மீள்பதிவுகள்

நடந்து வந்த பாதை தன்னை திரும்பிப் பாரடா என்பதற்கிணங்க, மனித சமுதாயத்தில் கடந்த காலம் என்பது மிக முக்கியமானதொன்றாகும். ஒரு நாட்டில் வரலாறு என்பது கடந்த கால  நிகழ்வுகளைக் கொண்டே பதியப்படுகிறது.

அந்தவகையில், நாம் புதியதொரு ஆண்டில் (2013) கால்பதிக்க தயாராகி விட்டாலும் கடந்த 2012ம் ஆண்டின் பல நிகழ்வுகள் எம்மனதில் ஆழமாக இடம்பிடித்து விட்டுள்ளன.

இலங்கையைப் பொறுத்தவரையில் அதுவும் தமிழர்களைப் பொறுத்தவரையில் மிக மறுக்க முடியாத பல நிகழ்வுகள் 2012ம் ஆண்டில் இடம்பெற்றுள்ளமை யாவரும் அறிந்த விடயமே.

எனவே 2012ம் ஆண்டில் நடந்த சில முக்கிய நிகழ்வுகளின் மீள்பதிவுகளை தொகுப்பாக்கி ஒரே பார்வையில் உங்களுக்காக....!

விடுதலைப் புலிகளின் முத்திரைகள் வெளியீடு
விடுதலைப் புலிகள் இயக்கம் சார்ந்த முத்திரைகளை பல புலம்பெயர்நாடுகளில் வெளியிட்டு, தமிழீழத்தை உலகெங்கும் நிலைநாட்டவும் உலகநாடுகள் அங்கீகரிக்கவேண்டும் என்பதற்காகவும் பற்பல போராட்டங்களின் மத்தியிலும் தலைவர் பிரபாகரன் அவர்களின் முகம், புலிக்கொடி, மற்றும் தமிழீழ சின்னங்கள் போன்றவற்றை முத்திரைகளாக்கி வெளீயிட்டுள்ளனர். இருப்பினும் அம்முத்திரைகள் ஒட்டி அஞ்சலிடப்படும் தபால்கள் எதுவும் விநியோகிக்கப்படமாட்டாது என இலங்கை அரசு தனது கோபத்தைக் காட்டியது.
அவை சம்பந்தமான விபரங்களை பார்வையிட..

ஐ.நாவில் அமெரிக்காவால் இலங்கைக்கு எதிராக நிறைவேற்றப்பட்ட குற்றப் பிரேரணை
ஐ.நா மனித உரிமைச் சபையில் இலங்கை தொடர்பில் அமெரிக்காவினால் முன்வைக்கப்பட்ட பிரேரணை, தீர்மானமாக நிறைவேற்றியுள்ளது. இலங்கை அரசாங்கம் மாபெரும் இராஜதந்திரச் தோல்வியைச் சந்தித்துள்ளது.உலகத் தமிழர்களின் எதிர்பார்ப்புக்கு மட்டுமல்ல, இலங்கைத் தீவை மையப்படுத்திய உலக அரசியல் வெளியிலும், இப்பிரேரணை விவகாரம் முக்கிய விடயமாக மாறியிருந்தது.

சிறைச்சாலையும் கைதிகளும்
சிறைச்சாலைகளில் தடுத்துவைக்கப்பட்டிருக்கும் கைதிகளை வெவ்வேறு சிறைச்சாலைகளுக்கு அடிக்கடி மாற்றுவதும், அவர்களுக்கான உரிய தீர்ப்பு வழங்காமல் காலவரையறையின்றி தடுத்து வைத்திருப்பதனாலும் சிறைச்சாலைகளில் அவ்வவ்ப்போது கலவரங்கள் வெடித்துவந்தன. மேலும் பல அரசியல் கைதிகள் சிறைச்சாலையிலேயே உயிரிழந்துள்ள சம்பவங்களும் நடந்தன. அண்மையில் வெலிக்கடைச் சிறையில் மாபெரும் கலவரம் ஏற்பட்டு பலத்த சேதங்கள் ஏற்பட்டன.

முள்ளிவாய்க்கால் யுத்தமும் ஐ.நா. இரகசிய அறிக்கையும்
இலங்கையில் முன்றரை ஆண்டுக்கு முன் யுத்தத்தின் இறுதிக் கட்டத்தில் பொதுமக்களை அழிவிலிருந்து பாதுகாக்க ஐ.நா சபை மோசமாகத் தவறியுள்ளது என்று .ஐநாவுக்குள் நடத்தப்பட்ட விசாரணை அறிக்கையில் குறிப்பிடப்பட்டுள்ளது என ஒரு இரகசிய அறிக்கை பிபிசியிடம் கசியவிடப்பட்டுள்ளது. இருப்பினும் அவ் அறிக்கையின் பல பகுதிகள் கறுப்புமையினால் அழிக்கப்பட்டிருந்தமையும் குறிப்பிடத்தக்கது. ஆனாலும் அப்பக்கங்களும் வெளியாகியமை இலங்கை அரசை அதிர்ச்சிக்குள்ளாக்கியது.

முன்னாள் போராளிகளும் இராணுவப் புலனாய்வுப் பிரிவினரும்
சரணடைந்து தடுப்புக்காவலில் வைக்கப்பட்டிருந்த விடுதலைப் புலிகளின் முன்னாள் உறுப்பினர்களுக்கு புனர்வாழ்வளிக்கப்பட்டு விடுதலை செய்யப்பட்டு, அவர்களுக்கு பலவழிகளில் நிவாரணங்களும் பல வசதிகளையும் வழங்கியுள்ளது அரசாங்கம். இருப்பினும் அண்மையில் யாழ், கிளிநொச்சி, முல்லத்தீவு மாவட்டங்களில் இராணுவப் புலனாய்வாளர்களால் பலர் கைதாகியுள்ளபோதிலும் அவர்களுள் புனர்வாழ்வளிக்கப்பட்டு விடுதலையான முன்னாள் போராளிகளும் அடங்கியுள்ளனர்.

பிரதம நீதியரசர் விவகாரம்
திவிநெமு சட்டத்தை அமுலாக்க முடியாது என பிரதம நீதியரசர் ஷிராணி பண்டாரநாயக்க தெரிவித்ததை அடுத்து அவரைப் பழிவாங்கும் முகமாக அவர் மீது குற்றப் பிரேரணையை தாக்கல் செய்தது அரசு.

தமிழீழ மாவீரர் நாள்
தமிழீழ விடுதலைப் புலிகளின் வரலாற்றில் மாவீரர் நாள் என்பது ஒரு புனிதநாள். ஈழ விடுதலை வானில் விண்மீன்களாய், நித்தமும் நீங்காதொளிரும் புனிதர்களாம் மாவீரர்களை, தம்முயிரை அர்ப்பணித்துத் தரணியிலே தமிழினத்தைத் தலைநிமிர வைத்த மானமறவர்களை, இவ்வுலகெங்கும் பரந்துள்ள தமிழரெல்லோரும் தம் நெஞ்சம் நெகிழக் கண்கள் பனிக்க மலர்தூவிச் சுடரேற்றி வழிபடும் திருநாள். இத்திருநாளை புலம்பெயர் நாட்டில் வசிக்கும் அனைத்து தமிழ் மக்களும் உணர்வுபூர்வமாக இம்மாவீரச் செல்வங்களுக்காக அஞ்சலி செலுத்தி வந்தனர்.

மாவீரர்நாளும் பல்கலைக்கழக மாணவர்களும்
2012ம் ஆண்டு திருக்கார்த்திகை விளக்கீட்டு நாளும் மாவீரர் நாளும் ஒரேதினம் வந்ததனால், யாழில் மக்கள் மாவீரர்தினத்தை விளக்கேற்றி அனுஸ்டித்துவிடுவார்கள் என்ற அச்சத்தினால் படையினர் பலத்த பாதுகாப்பை மேற்கொண்டிருந்த போதிலும், மாவீரர் நாள் தொடர்பான சுவாரொட்டிகள் ஒட்டப்பட்டு, சுடரேற்றி வீரவணக்கம் செலுத்தினர் என்ற குற்றச்சாட்டில் யாழ்.பல்கலைக்கழக மாணவர்கள் பலர் கைதான போதிலும் சிலர் விடுதலை செய்யப்பட்டுள்ளனர்.

மாயன் கலண்டரும் உலக அழிவும்
மாயன் நாள்காட்டி 21.12.2012 ஆம் திகதி காலை 11:11 மணியளவில் முடிவுக்கு வருவதை மேற்கோள் காட்டி உலகம் அழிவை நெருங்குகின்றது என்று செய்திகள் வேகமாக பரவி வந்ததோடு, இலங்கையில் பல பாகங்களில் அதிசயிக்கத்தக்க சில இயற்கைக்கு மாறான செயற்பாடுகளும் நிகழ்ந்தன.

மேலும், 2012ம் ஆண்டில் நாட்டில் பல கைதுகளும், கொலைகளும், ஆலயங்களிலும் வீடுகளிலும் கொள்ளைகளும், பல அரசியல் கட்சிகள் பிரச்சினைகளும், தீர்க்கப்படாத அரசியல் செயற்பாடுகளும், பல்வேறான ஆர்ப்பாட்டங்களும், சட்டவிரோதமாக அவுஸ்திரேலியாவுக்கு பயணித்தவர்கள், நாடுகடத்தப்பட்ட தமிழர்கள் என இன்னும் பல நிகழ்வுகள் நடந்துள்ளன.

மேலும் 2012ம் ஆண்டு பதியப்பட்ட செய்திகள் அனைத்தையும், திகதி, மாத ரீதியாக பார்வையிட CLICK HERE

பிந்திய 5 செய்திகள்
[ Sunday, 19-04-2015, 07:56.16 PM ]
இலங்கைக்கு விசா மறுக்கப்பட்ட ஈழத் தமிழர் ஆதரவாளரான திரு. பற்றிக் பிரவுனை இந்தியப் பிரதமர் மோடி தனது சகோதரன் என அழைப்பதும், இருவருடைய 10 வருட கால நட்பும் கனடா ஊடகங்களால் வியப்பாகப் பார்க்கப்பட்டது.
[ Sunday, 19-04-2015, 04:00.21 PM ]
யாழ்.மாவட்டத்தில் மக்களுடைய நிலங்களை கையகப்படுத்தி உயர்பாதுகாப்பு வலயங்களை வைத்திருப்பதாக அரசாங்கமும், படையினரும் கூறிவந்த நிலையில் உயர்பாதுகாப்பு வலயத்திற்குள் உள்ளடங்கியிருந்த மக்களுடைய பெறுமதியான விவசாய நிலங்களை படையினர் குப்பை கொட்டுவதற்காக பயன்படுத்தியமையினை கண்டு மக்கள் அதிர்ச்சியில் ஆழ்ந்துள்ளனர்.
[ Sunday, 19-04-2015, 03:11.01 PM ]
வெளிநாடுகளின் நம்பிக்கைக்கு பாத்திரமாக இலங்கையின் புதிய அரசு தொடர்ந்தும் இருந்து வருகின்றதா? இந்தச் சந்தேகத்தை சர்வதேச ஊடகங்கள் பல எழுப்பி வருகின்றன.
[ Sunday, 19-04-2015, 02:37.42 PM ]

புலம்பெயர் மக்களின் உதவிகள் எமது மக்களுக்கு எப்பொழுதும் ஆறுதலை தரவல்லனவாக இருக்கின்றது என நாடாளுமன்ற உறுப்பினர் சிறீதரன் தெரிவித்துள்ளார்.

[ Sunday, 19-04-2015, 02:24.33 PM ]
மூன்றாம் உலகப்போர் நீரினால் தான் ஏற்படும் என்றும் இயற்கையால் தான் அது அமையும் என்றும் விஞ்ஞானிகளும் அறிஞர்களும் தெரிவித்துக் கொண்டிருக்கையில் மூன்றாம் உலகப்போர் என்று தன் படைப்பை படைத்தார் கவிப்பேரரசு வைரமுத்து.
[ Sunday, 19-04-2015 08:43:08 GMT ]
தமிழகத்தில் இரு காதலர்களிடையே மாட்டிக் கொண்ட பெண் ஒருவர், பேசும் வசனங்கள் மற்றும் புகைப்படங்கள் WhatsApp-ல் தீயாய் பரவி வருகிறது.
[ Sunday, 19-04-2015 15:19:41 GMT ]
எட்டாவது ஐ.பி.எல் தொடரின் இன்றைய போட்டியில் பெங்களூர் அணியை 18 ஓட்டங்கள் வித்தியாசத்தில் வீழ்த்தி மும்பை இண்டியன்ஸ் அணி அபார வெற்றி பெற்றது.
[ Sunday, 19-04-2015 08:57:23 GMT ]
சுவிட்சர்லாந்தில் பெரும்பாலான மக்கள் இணையதளங்கள் மூலமாக ஷொப்பிங் செய்ய விரும்புவதாக சமீபத்தில் சுவிஸ் புள்ளியியல் துறை மேற்கொண்ட ஆய்வில் தெரியவந்துள்ளது.
[ Sunday, 19-04-2015 03:19:10 GMT ]
தொழில்நுட்பத்தின் அசுர வளர்ச்சி காரணமாக இன்று அனைத்து இலத்திரனியல் சாதனங்களின் அளவு உள்ளங்கையில் அடக்கப்படக்கூடியதாக மாறிவருவருடன் அவற்றுக்கான பல்வேறு துணைச் சாதனங்களும் கண்டுபிடிக்கப்பட்டு வருகின்றன.
[ Sunday, 19-04-2015 14:35:06 GMT ]
எத்தியோப்பிய நாட்டை சேர்ந்த 30 கிறிஸ்த்துவர்களை ஐ.எஸ் தீவிரவாதிகள் துடிக்க துடிக்க கொல்வது போன்ற இரண்டாவது வீடியோ வெளியாகி அதிர்ச்சியை ஏற்படுத்தியுள்ளது.
Advertisements
[ Sunday, 19-04-2015 02:17:31 ]
கடந்த மாத இறுதியில் சீன - இலங்கைப் படையினருக்கு இடையில் ஆரம்பிக்கப்பட்ட போர்ப்பயிற்சிக்கு, சீனா வைத்திருக்கும் பெயர் பட்டுப்பாதை ஒது்துழைப்பு 2015  என்பதாகும்.