புலிகள் அமைப்பு பிளவடைந்ததாலேயே தோற்றது: தமிழ்த் தேசியக் கூட்டமைப்பிற்கும் அதே நிலையா?

Report Print Kumar in அரசியல்
advertisement

விடுதலைப்புலிகள் அமைப்பு கூட பிளவடைந்த நிலையிலேயே தோல்வி நிலைக்கு சென்றது. அந்த வகையிலேயே கட்சிகளை உடைத்து சுயலாப அரசியல் செய்யும் வகையில் சில சக்திகள் செயற்படுகின்றன என பாராளுமன்ற உறுப்பினர் சி.சிறீநேசன் தெரிவித்துள்ளார்.

மட்டக்களப்பில் நேற்று மாலை நடைபெற்ற விசேட செய்தியாளர் சந்திப்பிலேயே அவர் இதனை கூறினார்.

மேலும் செய்திகள் விளம்பரத்திற்கு கீழ் தொடரும்
advertisement

இங்கு தொடர்ந்து கருத்து தெரிவித்த அவர்,

தமிழ்த் தேசியக் கூட்டமைப்பு என்பது நான்கு கட்சிகள் ஒன்றிணைந்த தமிழ் மக்களின் பொது நோக்கத்தை அடிப்படையாகக் கொண்டு உருவாக்கப்பட்ட கட்சி என்ற அடிப்படையில் சீ.வி.விக்னேஸ்வரனை முதலமைச்சராக ஆக்க வேண்டும் என ஏகமனதாக செயற்பட்டது.

வடமாகாண சபையை பொறுத்தமட்டில் சீ.வி.விக்னேஸ்வரன் பழுத்த புத்திஜீவி என்ற அடிப்படையில் அமைச்சர்கள் அனைவரையும் ஒன்றிணைத்து வழிகாட்டியாக நடத்திச் செல்லக்கூடிய தலைமைப்பீடத்திலுள்ள முதலமைச்சராக காணப்படுகின்றார்.

அவர் மீது எங்களுக்கு கடந்த காலத்தில் பாரிய நம்பிக்கை இருந்தது. நான்கு அமைச்சர்களுக்கு எதிராக ஊழல் குற்றச்சாட்டுக்கள் கொண்டுவரப்பட்டிருக்கின்றன.

தலைமைப் பீடத்திலிருக்கின்ற சீ.வி.விக்னேஸ்வரன் தவறுகள் விடுகின்ற போது கண்காணித்து கட்டுப்படுத்தி அதை முளையில் கிள்ளியெறிந்து கொண்டு செல்ல வேண்டும் என்பது எங்களுடைய எதிர்பார்ப்பாகும். ஏனென்றால் அவர் ஒரு புத்திஜீவி என்ற அடிப்படையில் அவ்வாறான பார்வை எங்களுக்கு இருக்கின்றது.

நான்கு அமைச்சர்கள் மீதம் விசாரணைகள் நடத்தப்பட்டு இருவர் குற்றவாளிகளாக இனங்காணப்பட்டு அவர்கள் தங்களுடைய பதவியை இராஜினாமா செய்ய வேண்டும் என்றும் ஏனைய இருவரும் குற்றவாளிகளாக இனங்காணப்படும் முன்பே அவர்கள் கட்டாய விடுமுறையில் செல்ல வேண்டும் என்ற நிலையை ஏற்படுத்தியிருக்கின்ற நிலையில் வட மாகாணசபையில் இதன் காரணமாக ஒரு சலசலப்பு ஏற்பட்டிருக்கின்றது.

இதனால் அவர்கள் தன்னிச்சையாக செயற்பட்டு முதலமைச்சருக்கு எதிராக நம்பிக்கையில்லா தீர்மானத்தை கொண்டு வந்திருக்கின்றார்கள்.

இந்த தீர்மானம் சரியா பிழையா என்பதை விட இது தமிழ் மக்கள் மத்தியில் தமிழ்க் கட்சிகள் மத்தியில் உள்ள ஒற்றுமையை கூட்டுறவை பலவீனப்படுத்திவிடும் என்ற போக்கு எங்கள் பார்வையில் தெரிகின்றது.

இப்பிரச்சினையை சமரசம் செய்ய வேண்டும். பாராளுமன்ற உறுப்பினர் சிறீதரன் மற்றும் சித்தார்த்தன் போன்றவர்கள் தமிழ்த் தேசியக் கூட்டமைப்பின் தலைவர் சம்பந்தனும் தமிழரசுக் கட்சித் தலைவர் மாவை சேனாதிராஜாவுடனும் பேச்சுவார்த்தைகளை நடத்திக் கொண்டிருக்கின்றார்கள்.

ஏனெனில் தமிழர்களின் பலமாக காணப்படுகின்ற தமிழ்த் தேசியக் கூட்டமைப்பு உடைந்துவிடக்கூடாது.

ஊழல்மோசடிக் குற்றச்சாட்டுக்கள் யார் செய்தாலும் சரியான முறையில் அது நிரூபணமாக்கப்பட்டால் தார்மீகரீதியாக அதனை ஏற்றுக்கொள்ள வேண்டிய கடமை எங்களுக்கு இருக்கின்றது.

ஆனால் விசாரணைகள் நடுநிலையான முறையில் பக்கச்சார்பின்றி நடத்தப்பட்டது உறுதி செய்யப்பட வேண்டும். விசாரணையின் பின்னர் விசாரணைக்குழுவின் மீது எங்களுக்கு நம்பிக்கை இல்லை என்ற கருத்துக்கள் அங்கு பரிமாறப்படுகின்ற நிலையை காணக்கூடியதாக இருக்கின்றது.

advertisement

எதிர்காலத்தில் தமிழ் மக்களின் நம்பிக்கையை பெற்றுக்கொண்டு வழிநடத்துகின்ற கட்சியாக தமிழ்த் தேசியக் கூட்டமைப்பு இருக்க வேண்டும் என்கின்ற அடிப்படையில் இந்தப் பிரச்சனையானது சமரசமான முறையில் தீர்க்கப்பட வேண்டும்.

மேலும் செய்திகள் விளம்பரத்திற்கு கீழ் தொடரும்
advertisement

ஊழல் குற்றச்சாட்டுகள் முன்வைக்கப்பட்டால் அதில் ஈடுபட்டவர்கள் தார்மீகமாக விலகிச் செல்ல வேண்டும் என்ற எதிர்பார்ப்பு மக்களிடம் இருக்கின்றது.

இந்த விசாரணையானது பக்கச்சார்பில்லாத நடுநிலையான விசாரணையாக இருக்கும் பட்சத்தில் அந்த தீர்ப்பை ஏற்றுக்கொள்வதில் தாமதங்கள் இருக்கக்கூடாது.

நான்கு அமைச்சர்களையும் வழிநடத்திச் செல்கின்றவர் என்ற வகையில் விக்னேஸ்வரனிற்கும் சில தார்மீக பொறுப்புகள் இருக்கின்றன. ஒரு அமைச்சர் மீது சிலசில குற்றச்சாட்டுக்கள் வருகின்றபோது அவர் சிறு கருத்துப்பரிமாறல்களுடன் முளையிலேயே அகற்றியிருக்கலாம்.

ஒட்டுமெத்தமாக நால்வரையும் குற்றவாளிக்கூண்டில் நிறுத்துகின்ற நிலை வரும் பட்சத்தில் மேற்பார்வையில் குறைபாடுகள் இருக்கின்றதோ அல்லது கட்டுப்படுத்துவதற்கு தாமதித்திருக்கின்றோமே போன்ற கேள்விகளை அவரிடமும் கேட்கக்கூடிய நிலைமை மக்களுக்கு இருக்கின்றது.

இவ்வாறானதொரு சூழ்நிலையே முதலமைச்சர் மீது நம்பிக்கையில்லாத் தீர்மானத்தை கொண்டுவரும் நிலையை உருவாக்கியிருக்கின்றது.

நம்பிக்கையில்லாத் தீர்மானமொன்று கொண்டுவரப்படும் போது ஜனநாயக நடைமுறையொன்று இருக்கின்றது. அந்த மாகாணசபையில் இருக்கின்ற உறுப்பினர்களில் பெரும்பாலான உறுப்பினர்கள் அதை நிராகரித்தால் தொடர்ந்தும் அவர் முதலமைச்சராக பதவி வகிக்கும் தகுதி அவருக்கு இருக்கும்.

மக்களின் அபிப்பிராயமும் மாகாணசபை உறுப்பினர்களின் அபிப்பிராயமும் ஒருமித்த நிலையிலிருந்து நம்பிக்கையில்லாத் தீர்மானத்தை வடமாகாணசபையில் விவாதித்து நிறைவேற்றப்பட வேண்டும் என்று இருந்தாலும்கூட அந்த முதலமைச்சர் மீது மாகாணசபை உறுப்பினர்கள் பலர் பெரும்பான்மை நம்பிக்கையை காட்டுகின்ற பட்சத்தில் அந்த நம்பிக்கையில்லாத் தீர்மானம் தோல்வியில் முடிவடைந்துவிடும்.

எவ்வாறாயினும் நடைமுறைச் சத்தியமான அணுகுமுறைகளுக்கு அமைய இந்த விடயத்தில் சமரசத் தீர்வு காண்பதா அல்லது நம்பிக்கையில்லாத் தீர்மானத்தை விவாதித்து முடிவெடுப்பதா என்பது வடபுலத்திலுள்ள மக்கள் பிரதிநிதிகள் சார்ந்த விடயமாகவும் மக்கள் சார்ந்த விடயமாகவும் இருக்கின்றது.

மக்களின் நாடித்துடிப்பு எப்படி இருக்கின்றது என்பதை உணர்ந்து செயற்படவேண்டிய தேவை வடமாகாணசபை உறுப்பினர்களுக்கு இருக்கின்றது.

கட்சிக்குள் முரண்பாட்டை உருவாக்கி உடைத்து விடக்கூடிய போக்கில் சில கட்சிகள் காரசாரமான அறிக்கைகளை விட்டுக்கொண்டு இருக்கின்றார்கள்.

இந்த அறிக்கைகள் சமரசத் தீர்வுக்கு தடையாக இருக்கின்றது. வடமாகாண மக்கள் மத்தியில் நன்கு சிந்திக்கக்கூடிய புத்திஜீவிகள் காணப்படுகின்றார்கள்.

அவர்கள் அரசியலில் ஈடுபடுகின்ற பிரதிநிதிகளுக்கும் ஆலோசனைகள் கூறக்கூடிய முதிர்ச்சி பெற்றவர்களாக இருக்கின்றார்கள். எனவே புத்திஜீவிகளுடன் இதுபற்றி கலந்துரையாடி தமிழர்களின் எதிர்கால தலைவிதியை நிர்ணயிக்கக்கூடிய விதத்தில் தீர்வை தீர்க்கமாகவும் நியாயமாகவும் காணவேண்டிய தேவை இருக்கின்றது.

எங்காவது சிறுபிளவு சிறு வெடிப்பு ஏற்படுமாகவிருந்தால் அந்த வெடிப்பில் ஆப்பினை வைத்து பிளந்துவிடும் போக்கு காணப்படுகின்றது.

ஒவ்வொரு கட்சி தலைவர்களும் உணர்ந்து கொள்ள வேண்டிய விடயமென்னவென்றால் எப்போது எல்லாம் நாங்கள் பிளவடைந்தோமோ, பிரிவினைக்குள்ளாக்கப்பட்டமோ, ஒற்றுமையிழந்தோமோ அப்போது எல்லாம் நாங்கள் தோல்வியினைக் கண்டுள்ளோம்.

advertisement

எப்போது எல்லாம் நாங்கள் ஒன்றுபட்டோமோ அப்போது எல்லாம் நாங்கள் வெற்றியைக்கண்டுள்ளோம்.

மேலும் செய்திகள் விளம்பரத்திற்கு கீழ் தொடரும்
advertisement

தமிழ்த் தேசியக் கூட்டமைப்பு உருவாக்கப்பட்டதை தொடர்ந்து 15 ஆசனங்களை கைப்பற்றினோம், 22 ஆசனங்களை கைப்பற்றினோம் என்றால் அனைவரும் ஒன்றுபட்டு செயற்பட வேண்டும் என்றே மக்கள் விரும்புகின்றார்கள்.

எப்போது எல்லாம் பிளவடைந்துள்ளோமோ, அப்போது எல்லாம் நாங்கள் தோல்வியை கண்டுள்ளோம். கடந்த காலத்தில் விடுதலைப்புலிகள் அமைப்புக்கூட பலமாக இருந்தபோது வெற்றிமேல் வெற்றிபெற்று சர்வதேசத்தில் பேசப்பட்ட விடுதலை அமைப்பாக காணப்பட்டது. அது பிளவடைந்த நிலையிலேயே தோல்வி நிலைக்கு சென்றது.

கடந்த கால நிலைமையினை கவனத்தில் கொள்ளும்போது கட்சிகளை உடைத்து சுயலாப அரசியல் செய்ய வேண்டும் என்ற அடிப்படையில் செயற்படும் சில சக்திகள் காணப்படுகின்றது.

அவ்வாறானவர்கள் பொங்கி எழுந்து உணர்ச்சிபூர்வமான கருத்துகளை வெளியிட்டு வருகின்றனர். அவர்கள் அடுத்த கட்ட அரசியலுக்கு ஒரு பலத்தினை பெற்றுக்கொள்ளலாம் என்று நினைக்கின்றனர்.

மீண்டும் மீண்டும் மக்களிடம் சென்று பலப்பரீட்சை நடாத்தவேண்டிய அவசியம் இல்லை. மக்கள் பல தடவைகள் தங்களது நிலைப்பாட்டினை நிரூபித்துள்ளனர்.

இந்த நிலையில் கட்சியை உடைத்தி சுயநல அரசியல் செய்ய வேண்டும் என்று யாராவது நினைக்காமால் நிதானமாக அளந்து கருத்துகளை பரிமாறவேண்டிய நிலையில் உள்ளோம் என தெரிவித்தார்.

advertisement