அரசாங்கத்திலிருந்து விலகுவோம்! மைத்திரியிடம் நேரடியாக சொன்ன ரணில்

Report Print Steephen Steephen in அரசியல்

நல்லாட்சி அரசாங்கத்தில் அங்கம் வகிக்கும் தமது கட்சியினருக்கு எதிராக தொடர்ந்தும் அழுத்தங்களும், தொந்தரவுகளும் கொடுக்கப்பட்டால்,எதிர்வரும் ஜனவரி மாதம் அரசாங்கத்தில் இருந்து விலக ஐக்கிய தேசியக் கட்சி தீர்மானித்துள்ளதாக அரசியல் தரப்புத் தகவல்கள் கூறுகின்றன.

பிரதமர் ரணில் விக்ரமசிங்க, ஜனாதிபதி மைத்திரிபால சிறிசேனவை தனிப்பட்ட ரீதியில் சந்தித்து இந்த முடிவை அறிவித்துள்ளதாக ஐக்கிய தேசியக் கட்சியின் சிரேஷ்ட அமைச்சர் ஒருவர் கூறியுள்ளார்.

நல்லாட்சி அரசாங்கத்தில் ஐக்கிய தேசியக் கட்சிக்கு 106 ஆசனங்கள் இருப்பதுடன் ஸ்ரீலங்கா சுதந்திரக்கட்சிக்கு 35 ஆசனங்கள் மாத்திரமே உள்ளன.

ஐக்கிய தேசியக் கட்சியின் பெரும்பான்மை பலத்தை கவனத்தில் கொள்ளாது ஸ்ரீலங்கா சுதந்திரக் கட்சி பல சந்தர்ப்பங்களில் ஐக்கிய தேசியக் கட்சியை புறந்தள்ளி விட்டு தன்னிச்சையாக செயற்பட்டுள்ளது என பிரதமர், ஜனாதிபதியிடம் சுட்டிக்காட்டியுள்ளார்.

ஐக்கிய தேசியக் கட்சியின் நாடாளுமன்ற உறுப்பினர்கள் மற்றும் கட்சியினருக்கு நடக்கும் அநீதிகள் இதே விதமாக தொடர்ந்தால், எதிர்வரும் ஜனவரி மாதம் அரசாங்கத்தில் இருந்து விலக நேரிடும் என பிரதமர், ஜனாதிபதியிடம் கூறியுள்ளதாக சிரேஷ்ட அமைச்சர் மேலும் குறிப்பிட்டுள்ளார்.

advertisement