ரணிலுக்கு உதவ முயன்ற ஹக்கீமுக்கு ஏற்பட்ட நிலை

Report Print Gokulan Gokulan in அரசியல்

தனக்கு எதிராக செயற்பட்ட பிரதியமைச்சர் ஹரீஸை, பிரதமர் ரணில் விக்ரமசிங்க வேண்டிக்கொண்டதற்கு இணங்க ஒழுக்காற்று நடவடிக்கை எடுக்க முயற்சித்த அமைச்சர் ரவூப் ஹக்கீம் மூக்குடைந்த சம்பவம் ஒன்று அரங்கேறியமை அம்பலமாகியுள்ளது.

முஸ்லிம் சமூகத்திற்கு எதிராக மேற்கொள்ளப்பட்ட சம்பவங்களுக்கு எதிராகவும், முன்னாள் சட்ட ஒழுங்குகள் அமைச்சராக இருந்த பிரதமர் ரணில் விக்ரமசிங்கவுக்கு எதிராகவும் ஸ்ரீலங்கா முஸ்லிம் காங்கிரஸில் இருந்து போராடிய பிரதியமைச்சர் ஹரீஸ் உடனடியாக இடைநிறுத்த வேண்டும் என அமைச்சர் ரவூப் ஹக்கீமிடம் பிரதமர் கோரியதாக தெரிவிக்கப்படுகிறது.

இதனையடுத்து, அதற்கு தான் நடவடிக்கை எடுப்பதாக அமைச்சர் ரவூப் ஹக்கீம் தொலைபேசி ஊடாக பிரதமருக்கு வாக்குறுதி கொடுத்திருக்கின்றார்.

இதன் காரணமாக குறித்த ஒழுக்காற்று நடவடிக்கை சென்ற 11ஆம் திகதி இடம்பெற்ற ஸ்ரீலங்கா முஸ்லிம் காங்கிரஸின் உயர்பீட கூட்டத்தில் “ஹரீஸுக்கு எதிராக நாம் நடவடிக்கை எடுக்க வேண்டும் ” என கல்முனை மாநகர சபையின் முன்னாள் முதல்வரும், கட்சியின் செயலாளருமான ஜனாதிபதி சட்டத்தரணி நிசாம் காரியப்பர் கூட்டத்தில் பிரேரணை கொண்டு வந்ததாக தெரிவிக்கப்படுகிறது.

இதன் போது, பிரதியமைச்சர் ஹரீஸுக்கு ஆதரவான கருத்துக்கள் மேலேங்கியதால் ஒழுக்காற்று நடவடிக்கை எடுக்கப்படவில்லை.

அமைச்சர் ரவூப் ஹக்கீம் அவர்களும், நிசாம் காரியப்பரும் அவரை சார்ந்த சிலரும் ஒழுக்காற்று நடவடிக்கை முயற்சியில் தோல்வியடைந்தாக தெரிவிக்கப்படுகிறது.