இலங்கையர்கள் 46 பேரைக் கொண்ட படகை இந்தோனேசிய கடற்படையினர் கைப்பற்றினர்!
[ வெள்ளிக்கிழமை, 04 சனவரி 2013, 01:38.14 AM GMT ]

சுமாத்ரா தீவிலிருந்து 330 கடல்மைல்களுக்கு அப்பால் 46 பேரைக் கொண்ட இலங்கையர்களின் படகு ஒன்றை இந்தோனேசிய கடற்படையினர் நேற்று மீட்டுள்ளனர்.

ஏற்கனவே இந்தப்படகு இந்தோனேசிய கடற்படையினரால் கடந்த 23 ஆம் திகதி அவதானிக்கப்பட்ட போதும் அது வர்த்த நோக்கில் வந்த படகாக இருக்கலாம் என்ற அடிப்படையில் கண்காணிக்கப்படவில்லை.

எனினும் நேற்று அருகில் சென்று பார்த்தபோதே குறித்த படகு பழுதடைந்திருந்தமை கண்டுபிடிக்கப்பட்டது. அத்துடன் அதில் இருந்த 46 இலங்கையர்களும் மீட்கப்பட்டனர்.

இவர்கள் கிறிஸ்மஸ் தீவுக்கு செல்லும் நோக்குடன் இலங்கையில் இருந்து புறப்பட்டதாக தெரிவிக்கப்பட்டுள்ளது.

Copyright (c) 2008-14 TamilWin.com, All rights reserved.