International
Notification
Notification
Submit Cancel

விடுதலைப் புலிகளின் சின்னம் பொறிக்கப்பட்ட முத்திரை குறித்து பிரான்ஸ் தூதரகம் விளக்கம்

பிரான்ஸில் தமிழீழ விடுதலைப் புலிகளின் தலைவர் வேலுப்பிள்ளை பிரபாகரனின் உருவம் பதித்த எந்த முத்திரையும் உத்தியோகபூர்வ வெளியிடப்படவில்லை என்றும் அவ்வாறானதொரு முத்திரை பிரான்ஸ் தபாலகங்களில் விற்பனைக்கு வைக்கப்படவில்லை எனவும் இலங்கையிலுள்ள பிரான்ஸ் தூதரகம் இன்று அறிக்கை ஒன்றின் ஊடாகத் தெரிவித்துள்ளது.

அந்த அறிக்கையில் மேலும் தெரிவிக்கப்பட்டுள்ளதாவது,

பிரபாகரனிதும் மற்றும் புலிகள் இயக்கத்தின் சின்னங்கள் கொண்டதுமான முத்திரைகள் உத்தியோகபூர்வ பிரான்ஸில் வெளியிடப்பட்டதாக ஊடகங்களில் வெளியான செய்திகளில் எவ்வித உண்மையும் இல்லை.

பிரெஞ்சு தபால் சேவையான "லா போஸ்ட்" டில் சில நிபந்தனைகளின் அடிப்படையில் பிரத்தியேக முத்திரைகளை குறித்த அளவில் அச்சிட்டுக்கொள்ளும் அனுமதியை பொதுமக்களுக்கு வழங்கியுள்ளது.. இந்த வசதியை பயன்படுத்தியே தனி நபர்கள் சிலர் இவ்வாறான முத்திரைகளை அச்சிட்டுள்ளனர்.

இதேவேளை, முத்திரைகளுக்கான கட்டளை கொடுக்கப்பட்ட போது, அவை உரிய நிபந்தனைகளை பூர்த்தி செய்யவில்லை என்பதை அதிகாரிகள் கவனிக்க தவறியும் உள்ளனர் என்பதை லா போஸ்ட் உணர்ந்துள்ளது.என்றும் அது தெரிவித்துள்ளது.

அத்துடன் புலிகள் பயங்கரவாத இயக்கமாக ஐரோப்பிய ஒன்றியத்தினால். பட்டியல் படுத்தப்பட்டமை குறித்து பிரெஞ்சு வெளிவிவகார அமைச்சு உத்தியோகபூர்வமாகத் தெரிவித்துள்ள நிலையில் இந்த முத்திரிகைகள் மேலும் அச்சிடப்படமாட்டாது எனவும் லா போஸ்ட் தெரிவித்திருந்தது என்றும் அந்த அறிக்கையில் கூறப்பட்டுள்ளது.

advertisement