செய்தி
ஐ.நா மனித உரிமைகள் பேரவைக் கூட்டத் தொடரில் இலங்கைக்கு எதிரான தீர்மானத்தை கனடா கொண்டு வரலாம்- இலங்கை அச்சம்
[ செவ்வாய்க்கிழமை, 21 பெப்ரவரி 2012, 02:22.48 AM GMT ]

ஐ.நா மனித உரிமைகள் பேரவைக் கூட்டத்தொடரில் இலங்கைக்கு எதிரான தீர்மானம் கொண்டு வரப்படவுள்ளது உறுதியாகியுள்ள நிலையில், இந்தத் தீர்மானத்தைச் சமர்ப்பிக்கப் போவது யார் என்ற கேள்வி எழுந்துள்ளது.

இந்தத் தீர்மானத்தை சமர்ப்பிக்கவுள்ள நாடு எது என்று தீர்மானிக்க முடியாமல் இலங்கை வெளிவிவகார அமைச்சு குழப்பமடைந்துள்ளதாக தகவல்கள் தெரிவிக்கின்றன. ஆரம்பத்தில் இந்தத் தீர்மானத்தை அமெரிக்காகவே சமர்ப்பிக்கலாம் என்று இலங்கை வெளிவிவகார அமைச்சு நம்பியிருந்தது.

ஆனால், அமெரிக்கா இராஜதந்திரிகள் பிளேக்கும், மரியா ஒரேரோவும் கொழும்பில் வைத்து இலங்கைக்கு எதிராக கொண்டு வரப்படும் தீர்மானத்தை ஆதரிக்கப் போவதாக அறிவித்ததை அடுத்து, அமெரிக்கா இதனை சமர்ப்பிக்காது என்ற முடிவுக்கு வந்துள்ளது.

இதேவேளை, அண்மையில் இலங்கையில் வெளிவிவகார அமைச்சுக்கு கிடைத்த மற்றொரு அறிக்கை, கனடா இந்த முயற்சியில் ஈடுபடலாம் என்று கூறியது. கடந்த செப்டம்பர் மாதம் நடைபெற்ற அமர்வில், இலங்கைக்கு எதிரான தீர்மானத்தை கொண்டு வரும் முயற்சியில் கனடா ஈடுபட்டிருந்தது. ஆனால், அதற்குப் போதிய ஆதரவு கிடைக்காததால் அந்த முடிவைக் கனடா கைவிட்டிருந்தது.

எனினும், இம்முறை இலங்கைக்கு எதிராக கொண்டு வரப்படும் தீர்மானத்திற்கு கனடா இதற்குத் தலைமை தாங்கலாம் என்று அந்தத் தகவல் கூறியது. இந்தநிலையில் இலங்கை வெளிவிவகார அமைச்சு அதிகாரிகள் வேறொரு நாடு இந்தத் தீர்மானத்தை முன்மொழியலாம் என்றும் கருதுகின்றனர்.

அமெரிக்கா அல்லது கனடா இந்தத் தீர்மானத்தைக் கொண்டு வந்தால், அவற்றின் வெளிநாட்டுக் கொள்கை நிலைப்பாடுகள் காரணமாக, சில உறுப்பு நாடுகள் குழப்பமடையலாம் என்பதாலேயே வேறொரு நாட்டின் மூலம் இந்தத் தீர்மானம் கொண்டு வரப்படலாம் என்று இலங்கை அதிகாரிகள் நம்புகின்றனர்.

அது, அணிசேரா அமைப்பிலுள்ள ஆபிரிக்க நாடாக இருப்பதற்கான வாய்ப்புகளையும் நிராகரிக்க முடியாது என்று சிறிலங்கா அதிகாரிகள் கருதுகின்றனர்.

இன்னொரு பக்கத்தில் ஐரோப்பிய ஒன்றியமும் இந்தத் தீர்மானத்தைக் கொண்டுவரும் முயற்சியில் இறங்கலாம் என்ற பரவலான கருத்தும் நிலவுவது குறிப்பிடத்தக்கது.

Content of Popup
பிந்திய 5 செய்திகள்
[ Wednesday, 28-01-2015, 04:04.35 AM ]
அரசாங்கத்தில் பதவியை பெற்றுக் கொண்டதோடு சரியான பாதையில் கொண்டு செல்வதற்கான நடவடிக்கைகளை மேற்கொள்ள வேண்டும் என ஜனாதிபதி மைத்திரிபால தெரிவிக்கிறார்.
[ Wednesday, 28-01-2015, 02:52.11 AM ]
முன்னாள் அமைச்சர்களான பசில் ராஜபக்ச மற்றும் விமல் வீரவன்ச ஆகியோரின் அமைச்சுப் பொறுப்புக்கள் தொடர்பில் சர்வதேச கணக்காய்வு நிறுவனங்கள் மூலம் ஆராயப்படவுள்ளன.
[ Wednesday, 28-01-2015, 02:12.52 AM ]
நோர்வூட் பொலிஸ் பிரிவிற்குட்பட்ட கெசல்கமுவ ஓயா ஆற்றிற்கு நீர் வழங்கும் எல்பட ஆற்றில் சட்டவிரோதமான முறையில் மாணிக்ககல் அகழ்ந்து கொண்டிருந்த 8 பேர் கைது செய்யப்பட்டுள்ளனர்.
[ Wednesday, 28-01-2015, 02:09.54 AM ]
தற்போதைய அரசாங்கம் மாற்றுக் கருத்துடையவர்களுக்கு பல்வேறு வழிகளில் இடையூறு ஏற்படுத்தி வருவதாக முன்னிலை சோசலிச கட்சியின் பிரச்சாரச் செயலாளர் புபுது ஜாகொட தெரிவித்துள்ளார்.
[ Wednesday, 28-01-2015, 01:55.34 AM ]
நிறைவேற்று அதிகார ஜனாதிபதி முறைமையை ரத்து செய்வதற்கு ஆதரளிப்பது குறித்து இன்னமும் தீர்மானிக்கவில்லை என எதிர்க்கட்சித் தலைவர் நிமல் சிறிபால டி சில்வா தெரிவித்துள்ளார்.
[ Tuesday, 27-01-2015 13:35:38 GMT ]
லிபியா தலைநகர் திரிபோலியில் தீவிரவாதிகள் தாக்குதல் நடத்தியதில் 3 காவலர்கள் சுட்டுக்கொல்லப்பட்டுள்ளனர்.
[ Tuesday, 27-01-2015 14:34:56 GMT ]
மோடி ஆட்சிக்கு வந்த பிறகு பெண்களின் வாழ்வாதாரமாக திகழ்ந்த 100 நாள் வேலைவாய்ப்புத் திட்டத்தை சீர்குலைத்து விட்டனர் என்று குஷ்பு ஆவேசமாக பேசியுள்ளார்.
[ Tuesday, 27-01-2015 15:20:01 GMT ]
ஐரோப்பிய கால்பந்து போட்டிகளில் ஏ.சி. மிலன் அணியின் தற்காப்பு வீரர் பிலிப் மெக்சஸ் எதிர் தரப்பு அணியை சேர்ந்த லஸ்சியோ அணித்தலைவர் ஸ்டெபானோ மவுரியை கடுமையாக தாக்கியுள்ளார்.
[ Tuesday, 27-01-2015 08:08:50 GMT ]
ஆரோக்கியமற்ற உணவுப் பழக்கவழக்கத்தால் இதயத்தை பாதிக்கும் காரணிகள் ஏராளம்.
Advertisements
நாளாந்தம் மின்னஞ்சலில் செய்திகளை பெற
[ Tuesday, 27-01-2015 13:55:27 ]
நடந்து முடிந்த ஜனாதிபதி தேர்தல் சிறுபான்மைக்கு ஓர் பெரும் சோதனை தேர்தலாகவே கணிக்கப்பட்டது. ஆம் இந்த தேர்தலில் சிறுபான்மையின மக்கள் என்ன நடந்தாலும் நடக்கட்டுமே என்ற தோரணையில் தமிழ் அரசியல்வாதிகளை புறந்தள்ளியதோடு தனி முடிவாக இதயத்தின் அடி மனதில் தோன்றியதை வெளிகாட்டினர்.