செய்தி
 Photo
கூட்டமைப்பை விமர்சிப்பது போன்று ஏனைய கட்சிகளை விமர்சித்தால் அவர்கள் கடத்தப்படலாம்: பா.அரியநேத்திரன்
[ செவ்வாய்க்கிழமை, 20 மார்ச் 2012, 03:21.08 PM GMT ]
இலங்கையில் இன்று உள்ள 67 அரசியல் கட்சிகளிலும் ஜனநாயகக் கட்சியென்று சொல்லக் கூடிய தகுதி தமிழ் தேசியக் கூட்டமைப்புக்கு மட்டும்தான் உண்டு என பாராளுமன்ற உறுப்பினர் பா.அரியநேத்திரன் தெரிவித்தார்.

மட்டக்களப்பு அரசடித்தீவு, விக்னேஸ்வரா மகா வித்தியாலயத்தில் அண்மையில் நடைபெற்ற உடல் திறனாய்வு இல்ல விளையாட்டுப் போட்டியில் கலந்துகொண்டு உரையாற்றுகையிலேயே அவர் இவ்வாறு தெரிவித்துள்ளார்.

அவர் மேலும் தெரிவிக்கையில்,

தமிழ் தேசியக் கூட்டமைப்பை யார் வேண்டுமென்றாலும் விமர்சிக்கலாம். விரும்பினால் கூட்டமைப்பு வேட்பாளர்களின் கொடும்பாவியைக் கூட எரிக்கலாம். எங்களிடம் ஆயுதங்கள் இல்லை மக்கள் பலம் மட்டும்தான் உண்டு.

எனவே, கூட்டமைப்பை பற்றி எவரும் எந்த இடத்திலும் விமர்சித்து பேசலாம். உதாரணமாகக் கூறவேண்டுமானால் காத்தான்குடியில் பிறந்த அமைச்சர் கிஸ்புல்லா மகிழடித்தீவில் வந்து கூட்டமைப்பை விமர்சிப்பதற்கு உரிமையுண்டு. அதேபோன்று ஓட்டமாவடியில் பிறந்த சுபைர் கடுக்கமுனை வாணிவித்தியாலயத்தில் வந்து கூட்டமைப்பை விமர்சிப்பதற்கு உரிமையுண்டு.

இதேபோன்று சிங்கள பெரும்பான்மைக் கட்சிகளும், அரசாங்கமும் கூட கூட்டமைப்பை விமர்சிப்பதற்கு உரிமையுண்டு. ஆனால் தமிழ் தேசியக் கூட்டமைப்பு பாராளுமன்ற உறுப்பினராகிய நான் காத்தான்குடிக்கு சென்று அமைச்சர் ஹிஸ்புல்லாவையோ அல்லது ஓட்டமாவடிக்கு சென்று சுபைரையோ அல்லது வேறு இடத்திற்கு சென்று அரசாங்கத்தைச் சேர்ந்தவர்களையோ விமர்சிக்க முடியாது.

எனவே ஜனநாயகக் கட்சியென்று சொல்லக் கூடிய தகுதி தமிழ் தேசியக் கூட்டமைப்புக்கு மட்டும்தான் உண்டு. ஆனால் இலங்கையில் வேறு எந்த கட்சியையும் தமிழ் தேசியக் கூட்டமைப்பை விமர்சிப்பதைப் போன்று விமர்சிப்பார்களேயானால், அவர்கள் இனம் தெரியாத நபர்களினால் தாக்கப்படலாம் அல்லது கடத்தப்படலாம் அல்லது கொலைசெய்யப்படலாம் அல்லது வெளிநாட்டிற்கு தாப்பியோடவேண்டிய சூழ்நிலை உருவாகலாம்.

இது தனிநபராக இருந்தாலும் சரி கட்சி உறுப்பினர்களாக இருந்தாலும் சரி அல்லது தமிழ், சிங்கள ஊடகங்களாக இருந்தாலும் சரி எல்லோருக்கும் இதே நிலைதான். இந்த பயம் காரணமாகத்தான் இன்று இலங்கையில் உள்ள அனைத்துக் கட்சிகள் உட்பட தமிழ் ஊடகங்கள் தமிழ் அரசியல் கட்சிகள் என எல்லோரும் கூட்டமைப்பை தங்கள் விரும்பியபடி விமர்சிக்கின்றனர்.

இன்று இலங்கையில் எல்லாக்கட்சிகளிலும் தாக்கத்தை ஏற்படுத்தக்கூடிய ஜனநாயகப் போக்கு தமிழ் தேசியக் கூட்டமைப்புக்கு உண்டு. இந்த ஜனநாயகப் போக்குத்தான் இன்று ஜெனிவா உட்பட உலகம் முழுவதும் கூட்டமைப்பை, இலங்கை அரசுக்கு சமமாக மதித்து நடப்பதற்கு காரணமாக அமைந்துள்ளது என பாராளுமன்ற உறுப்பினர் அரியநேத்திரன் தெரிவித்துள்ளார்.

பாடசாலையின் அதிபர் வீ.கோபாலபிள்ளை தலைமையில் நடைபெற்ற இந்நிகழ்வில், மட்டக்களப்பு மேற்கு கல்விப்பணிப்பாளர் தேவசிங்கம், மண்முனை மேற்கு பிரதி கல்விப்பணிப்பாளர் சிறிநேசன், மண்முனை தென்மேற்கு பிரதேச தவிசாளர் எ.பேரின்பராசா ஆகியோருடன் பெற்றோர் அசிரியர்களும் கலந்து கொண்டு சிறப்பித்தனர்.

Content of Popup
பிந்திய 5 செய்திகள்
[ Saturday, 30-05-2015, 06:53.12 AM ]

நமது சமூகத்தின் இன்றைய சூழ்நிலை அருவருக்கத்தக்க விடயங்களை வெளிக்கொண்டு வந்து எமது கடந்தகால புனிதங்களுக்கு அபகீர்த்தி ஏற்படுத்துவதாக பாராளுமன்ற உறுப்பினர் சி.சிறீதரன் தெரிவித்துள்ளார்.

[ Saturday, 30-05-2015, 06:40.43 AM ]
சட்டவிரோதமாக நடாத்திச் சென்ற பாரிய அளவிலான இரத்தினக்கல் சுரங்கம் தொடர்பில் மேற்கொள்ளப்பட்ட சுற்றிவளைப்பு காரணமாகவே பவித்ரா வன்னியாரச்சி தனது பதவியை இராஜினாமா செய்துள்ளார் என தகவல் வெளியாகியுள்ளது.
[ Saturday, 30-05-2015, 06:30.03 AM ]
ஸ்ரீலங்கா சுதந்திரக் கட்சியில் இருக்கும் முன்னாள் ஜனாதிபதி மகிந்த ராஜபக்ச ஆதரவாளர்களை களையெடுக்கும் நடவடிக்கைகளை ஜனாதிபதி மைத்திரிபால சிறிசேன ஆரம்பித்துள்ளதாக அரசியல் வட்டார தகவல்கள் தெரிவிக்கின்றன.
[ Saturday, 30-05-2015, 06:13.58 AM ]
இலங்கையில் தமிழர்களுக்கு அளிக்கப்பட்ட வாக்குறுதிகளும், செய்யப்பட்ட அறிவிப்புகளும் பல; ஆனால் இதுவரை நடைமுறைக்கு வந்தது ஒரு சிலவே; அல்லது எதுவும் நடைமுறைக்கே வரவில்லை என்று தான் கூற வேண்டும். ஒரு சில நாட்களிலேயே சாதிக்கப்படக் கூடியவை கூட இதுவரையில் நடைபெறவில்லை.
[ Saturday, 30-05-2015, 06:02.11 AM ]
 கடந்த 14 நாட்களில் மாத்திரம் வடமாகாணத்தில் 10 பாடசாலை மாணவிகள் பாலியல் வன்புணர்வுக்கு உட்படுத்தப்பட்டுள்ளதாக அதிர்ச்சித் தகவலை இராஜாங்க கல்வியமைச்சர் வீ.இராதாகிருஷ்ணன் வெளியிட்டுள்ளார்.
[ Saturday, 30-05-2015 05:59:52 GMT ]
பாகிஸ்தானில் பலுசிஸ்தான் மாகாணத்தில் தீவிரவாதிகளால் துப்பாக்கி முனையில் கடத்தப்பட்ட 19 பயணிகள் சுட்டுக்கொலை செய்யப்பட்டுள்ளனர்.
[ Saturday, 30-05-2015 06:53:03 GMT ]
கன்னியாகுமரியில் பள்ளி மாணவி ஒருவர் பெற்றோரை வீட்டுக்குள் பூட்டி வைத்துவிட்டு காதலனுடன் ஓட்டம் பிடித்துள்ளது பெரும் பரபரப்பை ஏற்படுத்தியுள்ளது.
[ Saturday, 30-05-2015 06:51:48 GMT ]
சர்வதேச கால்பந்து கூட்டமைப்பின் (பிபா) தலைவராக செப் பிளாட்டர் 5வது முறையாக தெரிவு செய்யப்பட்டுள்ளார்.
[ Saturday, 30-05-2015 07:10:41 GMT ]
நமது உடலில் மாரடைப்பு, நீரிழிவு மற்றும் புற்றுநோயை வரும் முன் அறிந்து கொள்ளும் நவீன கருவி கண்டுபிடிக்கப்பட்டுள்ளது.
Advertisements
நாளாந்தம் மின்னஞ்சலில் செய்திகளை பெற
[ Friday, 29-05-2015 23:23:01 ]
முள்ளிவாய்க்கால் நினைவுகளுடன் கடந்து போன நாளொன்றில், 'வன்னியுத்தம் " என்ற பொத்தகம் ஒன்றை வாசிக்கும் சந்தர்ப்பம் கிடைத்தது. எழுத்தாளர் 'அப்பு" கண்ணீரையும் இரத்தத்தையும் சாட்சி வைத்து எழுதியிருந்த அப்பதிவில் எனது இதயத்தை ஊடுருவிய பக்கமொன்றை வாசகர்களுக்காக அப்படியே தருகின்றேன்.