செய்தி
ஜெயலலிதாவின் அறிக்கைக்கு கருணாநிதி பதிலடி
[ செவ்வாய்க்கிழமை, 20 மார்ச் 2012, 05:54.47 PM GMT ] [ பி.பி.சி ]
ஐ.நா. மனித உரிமைப் பேரவையில் இலங்கைக்கெதிரான அமெரிக்கத் தீர்மானத்தை இந்தியா ஆதரிக்கக்கூடும் என்ற பிரதமர் மன்மோகன் சிங் கூறியிருந்தது திமுக தலைவர் கருணாநிதியின் நாடகத்திற்கு துணை போகும் செயல் என்று தமிழக முதல்வர் ஜெயலலிதா கூறியிருந்ததை கருணாநிதி பதிலுக்கு விமர்சித்துள்ளார்.

பிரதமரின் பேச்சின் போது தமிழகத்தைச் சேர்ந்த அதிமுக நாடாளுமன்ற உறுப்பினர்கள் உள்ளிட்ட அனைவரும் மேசையைத் தட்டி வரவேற்ற காட்சி, தொலைக்காட்சியில் காட்டப்பட்டுள்ளதையும் கருணாநிதி தானது அறிக்கையில் சுட்டிக்காட்டியிருக்கிறார்.

திங்கட் கிழமையன்று பிரதமரின் அறிவிப்பிற்குப் பிறகு, செய்தியாளர்களிடம் பேசிய கருணாநதி, திமுக நடத்துவதாக இருந்த மாநிலம் தழுவிய உண்ணாவிரத ஆர்ப்பாட்டம் கைவிடப்படுவதாகவும், அடுத்த கட்ட நடவடிக்கை குறித்து விவாதிக்கவென கூடவிருந்த கட்சியின் உயர்நிலை செயல்திட்டக்குழுக் கூட்டமும் ரத்து செய்யப்படுவதாகவும் கூறிய கருணாநிதி, இந்தியா அமெரிக்கத் தீர்மானத்தை ஆதரிக்க முன்வராவிட்டால் மத்திய அமைச்சரவையிலிருந்தே வெளியேறி, கொள்கை அடிப்படையில் மத்திய அரசுக்கு ஆதரவளிக்கலாம் என்ற வகையில் நடவடிக்கைகளை உத்தேசித்திருந்ததாகவும் கருணாநிதி குறிப்பிட்டுள்ளார். மேலும் அவர் பிரதமரின் அறிவிப்பு திமுகவின் போராட்டங்களுக்குக் கிடைத்த வெற்றி எனவும் கூறிக்கொண்டிருந்தார்.

மழுப்பல்

தொடர்புடைய விடயங்கள்ஜெயலலிதா, கருணாநிதி முதல்வர் ஜெயலலிதாவோ, பிரதமரின் உரை மழுப்பலாகவே இருக்கிறது, போர்க்குற்றங்கள் தொடர்பாக இலங்கையை பன்னாட்டு விசாரணைக்குட்படுத்த வேண்டும் என்ற அக்கறை அவரிடம் இல்லை, இருந்தும் ஆர்ப்பாட்டங்களைக் கைவிடுவதாக கருணாநிதி அறிவித்திருப்பது 2009ல் அவர் நடத்திய மூன்று மணிநேர உண்ணாவிரத நாடகம்போல் தான் எனக்கூறியிருந்தார்.

போர் நிறுத்தம் கோரி உண்ணாவிரதம் அறிவித்த கருணாநிதி, கனரக ஆயுதங்கள் பயன்படுத்தப்படமாட்டாது என்ற அறிவிப்பை சாக்காக வைத்துக்கொண்டு தனது எதிர்ப்பைக் கைவிட்டார் எனக்கூறியிருந்தார் ஜெயலலிதா.

அதற்கு மறுமொழியாக கருணாநிதி செவ்வாய்கிழமை வெளியிட்டுள்ள அறிக்கையில், தான் அப்போது உண்ணாவிரதம் இருந்தது உண்மையான அக்கறையினால்தான் என்று கூறியிருக்கிறார்.

மத்திய அமைச்சர் ப.சிதம்பரமும், பிரதமர் டாக்டர் மன்மோகன் சிங் அவர்களும், சோனியா காந்தி அவர்களும் தலையிட்டு என்னிடம் இலங்கையிலே உள்ள நிலை குறித்து விளக்கி தன் உடல் நிலை கருதி உண்ணாவிரதத்தை நிறுத்திக் கொள்ள வேண்டுமென்று கேட்டுக் கொண்டனர் என நினைவு கூர்ந்திருக்கிறார்.

மக்கள் சாவது சகஜம்

வயது முதிர்ந்த நிலையில் தனது கோரிக்கையினை வலியுறுத்த ஏதோ சில மணி நேரங்களாவது தான் உண்ணாவிரதம் இருந்ததாகவும், அதைக்கூட இலங்கைத் தமிழர்களுக்காக ஜெயலலிதா செய்ய முன்வரவில்லை என்றும், “போர் என்றால் அப்பாவிப் பொது மக்கள் கொல்லப்படுவது சகஜம்தான் என்று ஒரு கட்டத்தில் கூறியது அவரே என்றும் கருணாநிதி கூறியிருக்கிறார்.

தவிரவும் கூடங்குளம் அணுமின் நிலையப் பணிகளை நிறுத்திவைக்குமாறு மத்திய அரசை கேட்டுக் கொண்டு தீர்மானம் நிறைவேற்றிய ஜெயலலிதா, போராட்டக்காரர்களுக்கு ஊக்கமும் கொடுத்துவிட்டு இப்போது அவர்களை கைது செய்து வருவதற்குப் பெயர் தான் நாடகம் என்றும் கருணாநிதி குறை கூறியிருக்கிறார்.

கூடங்குளம்கூடங்குளம் கடந்த ஆறு மாதங்களாக மூடிக் கிடக்க யார் காரணம்? போராட்டக் குழுவினரை ஜெயலலிதா அழைத்துப் பேசி, அவர்களின் கோரிக்கையை ஏற்று 22-9-2011 அன்று நடைபெற்ற அமைச்சரவைக் கூட்டத்தில் கூடங்குளம் அணு நிலைய பணிகளை நிறுத்திவைக்குமாறு பிரதமரையும், மத்திய அரசையும் கேட்டுக் கொண்டு தீர்மானம் நிறைவேற்றி அனுப்பியதால் தானே கடந்த ஆறு மாதமாக அந்த அணு மின் நிலையம் மூடப்பட்டு, தமிழகத்திலே வரலாறு காணாத அளவிற்கு மின்சாரப் பற்றாக்குறையும் ஏற்பட்டு- இருள் சூழ்ந்ததோடு, கடந்த ஆறு மாத காலமாக அந்த கூடங்குளம் நிலையம் மூடப்பட்டு அலுவலர்களுக்கெல்லாம் பணியே இல்லாமல் ஊதியம் கொடுத்த அளவிலே மட்டும் 900 கோடி ரூபாய் அளவுக்கு அரசுக்கு இழப்பு ஏற்படக் காரணம் யார் என்று வினவுகிறார் கருணாநிதி.

அது மாத்திரமல்ல, போராட்டக்காரர்களை சமாதானப்படுத்துவதற்குப் பதிலாக, அவர்களின் போராட்டத்திற்கு தமிழக அரசே ஊக்கம் கொடுத்த காரணத்தால், அப்பாவிப் பொதுமக்கள் ஏமாந்து நிற்கும் சூழ்நிலை ஏற்பட்டு, இன்று அந்தப் போராட்டக்காரர்களையும் காட்டிக் கொடுக்கும் வகையில் ஏமாற்றி அவர்களையே கைது செய்கின்ற நிலைமைக்குக் கொண்டு வந்திருக்கிறார், அதுதான் நாடகம், அதேபோன்று கூடங்குளம் வளர்ச்சிப் பணிக்கு 500 கோடி ரூபாய் ஒதுக்கீடு செய்யப்போவதாக தமிழக அரசு அறிவித்திருப்பதும் நாடகமே என்கிறார் கருணாநிதி..

Content of Popup
பிந்திய 5 செய்திகள்
[ Thursday, 11-02-2016, 02:25.08 PM ]
புதிய அரசியலமைப்பு தொடர்பாக மக்களின் கருத்தினை அறியும் ஆலோசனை குழுவின் இரண்டாவது அமர்வு இன்று காலை மன்னார் மாவட்ட செயலகத்தில் ஜய்கா மண்டபத்தில் மேற்கொண்டது.
[ Thursday, 11-02-2016, 02:24.57 PM ]
கிழக்கு மாகாணம் உள்ளிட்ட இலங்கையின் சுற்றுலாத்துறையை அபிவிருத்தி செய்யும் நோக்காகக் கொண்டு ஐக்கிய நாடுகளின் உலக சுற்றுலா நிறுவனத்தின் ஏற்பாட்டில் எதிர்வரும் யூலை மாதத்தில் பாசிக்குடாவில் சர்வதேச சுற்றுலா மாநாடு நடைபெறவுள்ளது.
[ Thursday, 11-02-2016, 01:44.37 PM ]
இலங்கையின் தற்போது அமுலிலுள்ள அரசியல் அமைப்புச் சட்டத்தை நீக்கிப் புதிய அரசியலமைப்புச் சட்டமொன்றினை உருவாக்குவதற்கான ஆரம்ப வேலைகளை அரசாங்கம் ஆரம்பித்துள்ளது.
[ Thursday, 11-02-2016, 01:08.44 PM ]
வடக்கு கிழக்கு இணைந்த தாயகத்தில் தமிழ் மாநில அரசு உருவாக்கப்பட வேண்டும் என மன்னார் மாவட்ட பொது அமைப்புக்களின் ஒன்றியம் கோரிக்கை விடுத்துள்ளது.
[ Thursday, 11-02-2016, 12:59.16 PM ]
சிறிமாவோ, சந்திரிக்கா, மகிந்த முன்னோக்கி கொண்டு சென்ற ஸ்ரீலங்கா சுதந்திரக் கட்சியை ஜனாதிபதி மைத்திரிபால சிறிசேன சிறந்த முறையில் முன்னெடுத்துச் செல்வார் என அந்த கட்சியின் இளைஞர் முன்னணியின் தலைவர் சாந்த பண்டார தெரிவித்துள்ளார்.
[ Thursday, 11-02-2016 13:59:39 GMT ]
சவுதி அரேபியாவில் பள்ளி அலுவலகத்தில் துப்பாக்கியுடன் நுழைந்த ஆசிரியர் ஒருவர் தன்னுடன் பனியாற்றிய 6 சக ஆசிரியர்களை சுட்டுக்கொன்றுள்ளதாக அதிர்ச்சி தகவல்கள் வெளியாகியுள்ளன.
[ Thursday, 11-02-2016 07:04:55 GMT ]
தமிழ்நாடு முதலமைச்சர் செல்வி ஜெ.ஜெயலலிதா அவர்களுக்கு நன்றி தெரிவித்து தாயகம் செல்லவிரும்பும் மக்கள் அமைப்பின் சார்பில் சுவரொட்டிகள் ஒட்டப்பட்டுள்ளது.
[ Thursday, 11-02-2016 09:07:14 GMT ]
இந்திய அணித்தலைவர் டோனி தான் மேட்ச் பிக்சிங்கில் ஈடுபட்டதாக செய்தி வெளியிட்ட பத்திரிகை மீது ரூ.100 கோடி நஷ்ட ஈடு கேட்டு வழக்கு தொடரவுள்ளதாக கூறியுள்ளார்.
[ Thursday, 11-02-2016 13:50:23 GMT ]
மட்டன், சிக்கன் உணவுகளை சாப்பிடுவதை தவிர்த்துவிட்டு கடல்வகை உணவுளை சாப்பிடுவதில் கவனம் கொள்ளுங்கள்.
Advertisements
நாளாந்தம் மின்னஞ்சலில் செய்திகளை பெற
[ Wednesday, 10-02-2016 22:15:52 ]
முன்னாள் ஆட்சியாளர் மகிந்த ராஜபக்சவின் இளைய புதல்வர் நீதிமன்ற கட்டளைக்கு அமைய சிறையில் அடைக்கப்பட்டுள்ளார்.