International
Notification
Notification
Submit Cancel

அமெரிக்காவின் உற்பத்தி பொருட்களை இலங்கையில் தடைசெய்ய வேண்டும்!- விமல் வீரவன்ச

அமெக்காவின் பொருட்களை இலங்கையில் தடைசெய்ய வேண்டும். கூகுல் மற்றும் ஜிமெயில் போன்ற இணையத்தளங்களையும், கோலா குளிர்பானம் கே.எப்.சி. உணவு வகைகளையும் இளைய சமூகத்தினர் புறக்கணிக்க வேண்டுமென்று அமைச்சரும் தேசிய சுதந்திர முன்னணியின் தலைவருமான விமல் வீரவன்ச தெரிவித்தார்.

ஜெனீவாவில் பிரேரணை நிறைவேற்றப்பட்டால் ஐந்து நாடுகளின் பிரதிநிதிகள் இலங்கைக்குள் வந்து இராணுவத்தினரை சுதந்திரமாக விசாரணை செய்வார்கள். எனவே, அரசு பிரேரணைக்கு அடிபணிந்து விடக் கூடாது.

மீறி அடிபணிந்தால் அடுத்த நிமிடம் அரசாங்கத்தைவிட்டு வெளியேறி விடுவேன் என்று அவர் குறிப்பிட்டார்.

ஜெனீவா பிரேரணைக்கு எதிரான பேரணியினை நேற்று செவ்வாய்க்கிழமை ஹைட்பாக் மைதானத்தில் தேசிய சுதந்திர முன்னணி நடத்தியது. இதன்போது உரையாற்றுகையிலேயே அமைச்சர் விமல் வீரவன்ச மேற்கண்டவாறு கூறினார்.

அவர் தொடர்ந்தும் உரையாற்றுகையில்,

ஜெனீவாவில் ருத்திரகுமாரன் தலைமையிலான புலிகள் கூடாரமிட்டு இலங்கைக்கு எதிரான தீர்மானத்திற்கு ஆதரவாக போராட்டம் நடத்துகின்றனர்.

எதிர்வரும் 22 ம் அல்லது 23 ம் திகதிகளில் பிரேரணைக்கு உறுப்பு நாடுகளிடையே வாக்கெடுப்பு மேற்கொள்ளப்படும். அமெரிக்காவின் இலங்கைக்கு எதிரான பிரேரணை நிறைவேற்றப்பட்டால் அது நாட்டிற்கு பெரும் ஆபத்தாகவே அமையும்.

புலிகளை தோற்கடித்தமைக்காகவே அமெரிக்கா இலங்கையை பழிவாங்குகிறது.

யுத்தத்தை காரணம் காட்டி நன்மைகளை பெற்றுக்கொள்ளவோ பிரச்சினைகளை மூடி மறைக்கவோ அரசிற்கு தேவையில்லை. இலங்கைக்கு எதிராக செயற்படும் அமெரிக்காவின் பொருட்கள் உள்நாட்டில் தடை செய்யப்பட வேண்டும்.

இளைய சமூகத்தினர் அமெரிக்காவின் உற்பத்திப் பொருட்களை புறக்கணித்து விட்டு நாட்டை பாதுகாப்பதற்கான போராட்டத்தில் இணைந்துகொள்ள வேண்டும்.

அரசாங்கம் பிரேரணை நிறைவேற்ற அனுமதியளிக்கக் கூடாது என்றார்.






advertisement