செய்தி
ஒலிவடிவம்:
இலங்கைக்கு தொடர்ந்தும் பிரித்தானியா ஆயுத உதவி! விளக்கமளிக்குமாறு ஆயுத விற்பனைக்கு எதிரான அமைப்பு கோரிக்கை
[ சனிக்கிழமை, 17 மார்ச் 2012, 01:53.58 AM GMT ]
இலங்கை இராணுவத்தினால் மேற்கொள்ளப்பட்ட மனித உரிமை மீறல்கள் பற்றிய மேலதிகமான சட்சியங்களை சனல் 4 ஆவணப்படம் வெளிப்படுத்தியுள்ள நிலையில், இலங்கைக்கான ஆயுதங்களை பிரித்தானியா தொடர்ந்தும் விற்பனை செய்து வருவதற்கு கடும் கண்டனம் தெரிவிக்கப்பட்டுள்ளது.

இலங்கைக்கு ஆயுதங்களை ஏற்றுமதி செய்வதற்காக அனுமதி தொடர்ந்து வழங்கப்பட்டுள்ளது ஏன் என்று விளக்கமளிக்கமாறு, பிரித்தானிய அரசிடம் ஆயுத விற்பனைக்கு எதிரான பரப்புரை அமைப்பு கோரியுள்ளது.

விடுதலைப் புலிகளுக்கு எதிரான போர் 2009 மே மாதம் முடிவுக்கு வந்த பின்னர் பிரித்தானியா, 3 மில்லியன் ஸ்ரேலிங் பவுண்ட்ஸ் பெறுமதியான இராணுவ மற்றும் இருபயன்பாட்டு கருவிகளை இலங்கைக்கு ஏற்றுமதி செய்ய அனுமதி வழங்கியுள்ளதாக இந்த அமைப்பு தெரிவித்துள்ளது.

அதேவேளை, பிரித்தானிய அனுமதி பெற்ற ஆயுதங்களை, இலங்கை அரசாங்கம் விடுதலைப் புலிகளுடன் இடம்பெற்ற இறுதிக்கட்ட யுத்தத்தில் பயன்படுத்தவில்லை என்று உத்தரவாதம் அளிக்க முடியாது என்று பிரித்தானிய நாடாளுமன்றக் குழுநிலைக் கூட்டத்தில், ஆயுத ஏற்றுமதி கட்டுப்பாட்டகம் தெரிவித்துள்ளது.

பிந்திய தகவல்களின்படி, 2011ம் ஆண்டின் முதல் 9 மாதங்களில், பிரித்தானியா 1.5 மில்லியன் பவுண்ட்ஸ் பெறுமதியான ஆயுதங்கள் ஏற்றுமதிக்கு அனுமதியளித்துள்ளது. இவற்றில் 1.3 மில்லியன் பவுண்ட்ஸ் பெறுமதியான கருவிகள் இலங்கை இராணுவத்துக்குரியவையாகும்.

இவற்றில் கவச வாகனங்கள், குண்டுதுளைக்காத உடற் கவசங்கள், “ பொறியில் சிக்க வைக்கும் எதிர் நடவடிக்கை கருவிகள் மற்றும் கூறுகள்” என்ற தலைப்பின் கீழ் வரும் கைக்குண்டுகள், குண்டுகள், ஏவுகணைகள் என்பன அடங்கியுள்ளன.

இது பற்றிக் கருத்து வெளியிட்டுள்ள ஆயுத விற்பனைக்கு எதிரான பரப்புரை அமைப்பின் பேச்சாளர் காயி ஸ்ரியமன், “கிளர்ச்சியில் ஈடுபடும் சொந்த மக்களுக்கு எதிரான அரசாங்கங்களின் அடக்குமுறைகளை அரபுலக எழுச்சி உலகின் கவனத்துக்கு கொண்டு வந்தது.

“இலங்கையின் கொலைக்களங்கள்- தண்டிக்கப்படாத போர்க்குற்றங்கள்‘ அதேபோன்று. தனக்கு எதிரானவர்கள் மற்றும் போர் வலயத்தில் சிக்கிய ஆயிரக்கணக்கான பொதுமக்கள் மீது ஏவி விடப்பட்ட இலங்கை அரசின் கொடூரமான நடவடிக்கைளை வெளிப்படுத்தியுள்ளது.

இந்தநிலையில் பிரித்தானிய அரசு தொடர்ந்தும் இலங்கைக்கு ஆயுதங்களை ஏற்றுமதி செய்வதற்கான அனுமதியை வழங்கியுள்ளது ஏன் என்று நாம் கேட்க வேண்டியுள்ளது,“என்று அவர் தெரிவித்துள்ளார்.

Content of Popup
பிந்திய 5 செய்திகள்
[ Thursday, 03-09-2015, 04:19.56 AM ]
பெருந்தோட்ட தொழிலாளர்களின் பிள்ளைகளுக்கான இந்திய அரசாங்கத்தின் புலமைப்பரிசில்கள் அறிவிக்கப்பட்டுள்ளன.
[ Thursday, 03-09-2015, 04:14.11 AM ]
இலங்கையின் 8 ஆவது பாராளுமன்றத்தின் எதிர்க்கட்சித் தலைவராக தமிழ்த் தேசியக் கூட்டமைப்பின் பாராளுமன்ற உறுப்பினர் இரா.சம்பந்தன் தெரிவு செய்யப்பட்டுள்ளார்.
[ Thursday, 03-09-2015, 04:08.39 AM ]
எல்லா வகையான தீவிரவாதங்களையும் முறியடித்த அனுபவத்தைக் கொண்ட ஒரே நாடாக இலங்கை விளங்குவதாக மேஜர் ஜெனரல் உதய பெரேரா தெரிவித்துள்ளார்.
[ Thursday, 03-09-2015, 03:30.17 AM ]
அமெரிக்காவும் நேச நாடுகளும் உக்கிரைன் பிரச்சினையை சாட்டாக வைத்து 12 ஆயிரம் துருப்புக்கள், பல நூற்றுக்கணக்கான விமானங்கள், கனரக ஆயுதங்கள், கடற்படைக் கப்பல்கள் என ரஸ்யாவை சுற்றி நின்றுள்ள நிலையில்,
[ Thursday, 03-09-2015, 03:13.57 AM ]
தமிழ்த் தேசியக் கூட்டமைப்பின் நாடாளுமன்றக் குழுத் தலைவர் சம்பந்தனுக்கு எதிர்க்கட்சித் தலைவர் பதவி வழங்கப்பட்டால், தனியான எதிர்க்கட்சி ஒன்றை அமைக்க கட்சியின் 57 உறுப்பினர்கள் தீர்மானித்துள்ளனர்.
[ Thursday, 03-09-2015 00:12:15 GMT ]
அகதிகளை பிரித்தானியாவுக்கு அனுமதிக்கவில்லை என்றால் ஐரோப்பிய ஒன்றியத்தில் சீர்திருத்தம் மேற்கொள்ள முடியாது என்று ஜேர்மனி மற்றும் ஆஸ்திரியா எச்சரிக்கை விடுத்துள்ளன.
[ Wednesday, 02-09-2015 16:47:43 GMT ]
சிவகங்கை மாவட்டத்தில் மாணவிக்கு கத்தி குத்து நடந்த சம்பவம் அப்பகுதி மக்களிடையே பெரும் அதிர்ச்சியை ஏற்படுத்தியுள்ளது.
[ Wednesday, 02-09-2015 14:13:16 GMT ]
இந்திய கிரிக்கெட் அணியின் புதிய தலைவராக கலக்கி வருகிறார் விராட் கோஹ்லி.
[ Wednesday, 02-09-2015 15:00:04 GMT ]
உடல் எடை குறைப்பு சிகிச்சை, மருத்துவ உலகில் சில ஆண்டுகளுக்கு முன்பு வரை திறந்த நிலை அறுவைச் சிகிச்சை (ஓபன் சர்ஜரி) முறையில் செய்யப்பட்டு வந்தது.
Advertisements
நாளாந்தம் மின்னஞ்சலில் செய்திகளை பெற
[ Wednesday, 02-09-2015 18:16:29 ] []
இலங்கை வரலாற்றிலே புதிய சக்தி பாய்ச்சப்பட்டுள்ள ஒரு பாராளுமன்றமாக 8வது பாராளுமன்றம் உருவாகியுள்ளது. இடம்பெற்ற முதலாவது அமர்விலே பிரதமர் ரணில் விக்கிரமசிங்கவிற்கும், உதய கம்மன்பில ஆகியோருக்கும் இடையிலான கருத்து முரண்பாடுகள், உறுதியான ஒரு எதிர் கட்சியின் தேவையினை மிக தெளிவாக உணர்த்தியுள்ளது.