செய்தி
 Photo
47நாடுகளையும் பல அரசாங்கங்களையும் உள்ளடக்கிய மனிதவுரிமைகள் சபையில் நாம் சென்று எப்படி பங்குகொள்ள முடியும்? சுமந்திரன்
[ திங்கட்கிழமை, 05 மார்ச் 2012, 07:38.39 PM GMT ]
2009ம் ஆண்டின் பின்னர் ஜ.நா மனிதவுரிமைகள் அமையம் தற்போது 12ஆவது தடவை அமர்வினைக் கூட்டியிருக்கின்றது. இதற்கு முன்னரும் 11தடவை கூட்டப்பட்டிருக்கின்றது. அப்போது கூட்டமைப்பிடம் யாரும் கேட்காத கேள்வி இப்போது; ஏன் கேட்கப்படுகின்றது? இதை புரிந்தும் புரியாததுபோல சிலர் கேட்கத் தூண்டுகிறார்கள்.

47நாடுகளையும் பல அரசாங்கங்களையும் உள்ளடக்கியதாக மனிதவுரிமைகள் சபை உள்ளது. இதில் ஒரு நாட்டில் அங்கம் வகிக்கும் ஒரு கட்சியான நாம் அங்கு சென்று எப்படி பங்கு கொள்ள முடியும்? என கூட்டமைப்பின் பாராளுமன்ற உறுப்பினர் சுமந்திரன் கேட்டுள்ளார்.

“ஜெனீவா அமர்வுகளிற்கு கூட்டமைப்பு செல்லாமைக்கான காரணம்” குறித்து விளக்கமளிக்கும் வகையில் இன்று நல்லூர் - இளங்கலைஞர் மன்றத்தில் இடம்பெற்ற பொதுமக்கள் பிரதேச சபை உறுப்பினர்களுடனான சந்திப்பிலேயே இந்தக் கேள்வியை எழுப்பியுள்ளார்.

இதன்போது அவர் மேலும் பேசுகையில் இந்த அமர்வுகளில் பதிவு செய்யப்பட்ட மனிதவுரிமை அமைப்புக்கள் சிலவற்றுக்கு அனுமதியிருக்கின்றது. அதில் கலந்து கொண்டு உரையாற்றக் கிடைத்தாலும் 3நிமிடங்கள் மட்டுமே வழங்கப்படும் அதேபோன்று பேசுகிறவர் தான் சார்ந்த கட்சியின் பெயரைக் கூறி பேசமுடியாது.

அவ்வாறு பேசினால் அங்குள்ள ஒழுங்கு விதிகளை மீறியதாக அந்த மனிதவுரிமைகள் அமைப்பின் பதிவு ரத்துச் செய்யப்படும். அரசு மட்டுமே பேச முடியும். இது எழுதப்பட்டிருக்கின்ற சட்டம். ஆனால் பக்க நிகழ்வு என்ற ஒன்றில் அமர்வில் கலந்து கொண்ட தூதுவர்கள் இராஜதந்திரிகளை அழைத்துப் பேசமுடியும்.

அதுவும் நுழைவாயிலில் நின்று சாப்பாடு வைத்திருக்கின்றோம் என கூறி சிலரை அழைத்து சில விடயங்களை அவர்களுக்குச் சொல்லமுடியும் அதுவும் அந்த மனிதவுரிமைகள் அமைப்பின் சார்பில். தமிழ் தேசிய கூட்டமைப்பு பல அரசினால் அரசியல் இயக்கமான அங்கீகரிக்கப்பட்டிருக்கின்றது.

உதாரணத்திற்கு சென்ற ஐப்பசி மாதம் அமெரிக்க இராஜங்கத் திணைக்களம் எம்மை அழைத்துப் பேசியிருக்கின்றது. வேறு யாரையும் அவ்வாறு அழைக்கவில்லை அமெரிக்காவினுடையதும் இந்தியாவினுடையதும் அறிக்கைகளில் தமிழ் தேசியக் கூட்டமைப்புடன் பேசுங்கள் என கூறுகிறார்கள்.

அந்தளவுக்கு உலகளவில் எமக்கு அங்கீகாரம் இருக்கின்றது. அப்படியான தமிழ்தேசிய கூட்டமைப்பு அப்படியான அமைப்பின் தலைவர் ஒரு நுழைவாயிலில் நின்று எதோவொரு மனிதவுரிமை அமைப்பின் பெயரில் நான் பேச விழைகிறேன் எனக்கு நேரம் தாருங்கள் எனக்கேட்டு பேசுவது முறையா?.

அப்படியான தமிழ் தேசிய கூட்டமைப்பின் உறுப்பினர்கள் நுழைவாயிலில் நின்று கொண்டு சாப்பாட்டுப் பொதி கொடுத்து அங்கு வருபவர்களை அறைகளுக்கு அழைத்துச் செல்வது முறையா? அப்படி செய்வது பிழை என்று நான் சொல்லவில்லை அப்படியானதொரு நிலை எதிர்வரும் யூன் மாதத்திலோ செப்ரெம்பர் மாத்திலோ வரலாம்.

ஆனால் இன்றுள்ள நிலையிலே நாம் எங்களை நாம் இருக்கிற ஸ்தானத்திலிருந்து நாங்களே எங்களை கிழே இற்க்கும் நிர்ப்பந்தம் எமக்குக் கிடையாது. இந்த சபையில் கூட்டத்தொடரில் முன்வைக்கப்படும் பிரேரணை எப்படி உருவானது. உலகின் வல்லரசு தானாக முன்வந்து ஒரு பிரகடனத்தை எப்படிக் கொண்டு வந்திருந்தது.

நாலு மாதங்களுக்கு முன்னர்தானே நாம் அமெரிக்க இராஜங்கத் திணைக்களத்தின் அழைப்பை ஏற்று அங்கு சென்று வந்திருந்தோம். எனவே மக்களுக்கு எல்லாம் புரிந்திருக்கும் என நான் நினைத்திருந்தேன். நாலையும் நாலையும் கூட்டிப்பார்க்கத் தெரியாதா?

அந்தச் சந்திப்பின் பின்னர் அமெரிக்க இராஜங்கத் திணைக்களத்தினர் சொன்னார்கள். இலங்கை தொடர்பான எமது கொள்கையை மீள வகுத்துக் கொள்ளவிருக்கின்றோம். நீங்கள் சொன்னதை கருத்திலெடுத்து இலங்கை தொடர்பான எமது புதிய கொள்கையை வகுப்போம் அது உங்கள் மக்களுக்குத்தான் பயனுள்ளதாக இருக்கும் என சொன்னார்கள்.

கனடா சென்றிருந்தபோது அதில் ஒருநாள் வாசிங்டன் சென்றிருந்தேன். இராஜங்கத் திணைக்களத்துடன் ஒன்றரை மணிநேரம் பேசினேன். ஐ.நா நிறைவேற்றப் படக்கூடிய தீர்மானங்கள் 3 வகைப்படும். ஒன்று செயற்பாடுடைய தீர்மானம். சென்ற செப்ரெம்பர் மாதம் கனடா கொண்டு வந்த தீர்மானம் கலந்துரையாடல் தீர்மானம் இரண்டாவது.

இந்த இரண்டையும் தள்ளிப்போட்டோம். இந்த இரண்டிற்கும் இடைப்பட்டது. ஒன்றை பிரகடனப்படுத்தும் தீர்மானம். அந்த பிரகடனத்தின் குறிப்பிடப்படும் விடயங்கள் நடைமுறைப்படுத்தப்படா விட்டால் அடுத்த கூட்டத்தில் அதற்கான நடவடிக்கை எடுக்கப்படும் அவ்வாறானதொரு தீர்;மானமே இன்று அமெரிக்கா கொண்டுவரும் தீர்மானம்.

ஜனவரி மாதம் அமெரிக்க இராஜங்கத் திணைக்களத்தில் பேசியிருந்தேன். அதை மட்டுமே நான் கூறமுடியும் அதன் பின்னர் எழுந்ததே அமெரிக்காவின் இந்தப் பிரகடனத் தீர்மானம். 2009ம் ஆண்டு இலங்கை தொடர்பாக ஒரு விசேட தீர்மானம் கொண்டுவரப்பட்டது. அது 12அதிக படி வாக்குகளால் தோற்கடிக்கப்பட்டது.

ஆதனால்தான் இலங்கை தொடர்பான தீர்மானம் கொண்டுவர 3வருடங்களாகியது. உலக அரசியல் நிலைமைகளை சீர்தூக்கிப் பார்த்து என்ன விதமான இது செய்யப்படக்கூடும் என சிந்தித்தோம். மேற்குலக நாடு கொண்டுவந்தால் அது தோற்கடிக்கப்படும் அமெரிக்கா கொண்டு வருவதாக இருந்தாலும்,

அடுத்த வாரம் யார் இந்த தீர்மானத்தை கொண்டுவரப் போகிறார்கள் என்பது வெளியே கொண்டுவரப்படும். ஜெனீவாவில் எமது பிரசன்னம் உதவியாக இருக்குமா? பிரச்சினையாக இருக்குமா என்றும் ஆலோசித்தோம் உலகத்தின் வல்லரசு ஒரு தீர்மானத்தை கொண்டு வரும்போது உலகத்தின் சிறிய அமைப்பு அதன் உந்துதலால் தான் இது கொண்டுவரப்பட்டது என்பதை ஏற்றுக் கொள்ளுமா?

யூன் செப்ரெம்பர் மாதத்தில் நிலை வேறாக இருக்கமுடியும். ஆனால் இன்றிருக்கின்ற நிலைமையில் எமக்கு கேடாக அமையும் என்ற தீர்மானத்தை சந்தேகத்திற்கிடமற்ற தீர்மானத்தை எடுத்துள்ளோம். அதுவே மக்களுக்கு அறிவிக்கப்பட்டது. மக்களுடைய எதிர்பார்ப்பு வித்தியாசமாய் இருந்திருக்கிறது.

இந்த தடவை அவ்வாறான எதிர்பார்ப்பு வந்திருக்கின்றது. இந்த நிலையில் தமிதேசியக் கூட்டமைப்பு வரலாற்றுத் துரோகத்தை செய்து விட்டது என்பதை நம்பிக் கொண்டிருக்காமல் அவர்களிடம் அவர்கள் புரிந்து கொள்ளும் வகையில் உன்மையை சொல்லவேண்டும் என்றார்.

இதனைத் தொடர்ந்து உரையாற்றிய பாராளுமன்ற உறுப்பினர் சி.சிறிதரன் தனதுரையில் நாம் சிலவேளை பார்க்கின்ற விடயங்கள் பிழையாக இருந்தால் வரலாற்றில் தவறான மனிதர்களாக மாற்றப்படுவோம் சரியாக நடந்தால் வரலாற்றில் நல்ல தீர்மானத்தை எடுத்தவர்களாக கருதப்படுவோம்.

பல பிரச்சினைகளை சந்திக்கின்றபோது நாம் பட்டை தீட்டப்படுகின்றோம். இன்று ஜெனீவாவிலுள்ள பிரச்சினைதான் இன்று எமக்கு ஒரு வெளிச்சத்தை காண்பிப்பதாகவுள்ளது. ஆனால் இன்று ஜெனீவாவில் கொண்டுவரப்படும் தீர்மானம் கூட இலங்கை அரசாங்கத்தினால் நியமிக்கப்பட்ட நல்லிணக்க ஆணைக்குழுவின் அறிக்கையினை நிறைவேற்றுங்கள் என்பதாக இருக்கின்றது.

ஆனால் அது பொருத்தமற்றது. அது எமக்கு எதையுமே தராது என்பதை வெளிப்படையாவே நிராகரித்திருக்கின்றோம். எனவே அதை ஆமோதிப்பதாக அதை நிறைவேற்றுங்கள் என்பதாக அங்கு சென்று வலுச்சேர்க்க முடியுமா என்ற கேள்வி எமக்கிருக்கின்றது.

நாம் ஒரு பகிரங்கமான சர்வதேச விசாரணையினை நாம் வலியுறுத்தி வருகின்றோம். இன்று மக்களை வழி நடத்தவேண்டிய கடப்பாட்டில் இன்றிருக்கின்றோம் அதனையே சம்பந்தன் செய்திருக்கின்றார். நாம் எடுத்த முடிவில்தான் எமது வரலாற்று இருப்பும் மறைவும் இருக்கின்றது என்றார்.

Content of Popup
பிந்திய 5 செய்திகள்
[ Sunday, 26-04-2015, 04:40.04 PM ]
1999ம் ஆண்டு முன்னாள் ஜனாதிபதி சந்திரிகா குமாரதுங்க மீது நடத்தப்பட்ட தற்கொலை தாக்குதலை அடுத்து நேற்று மிகமுக்கியஸ்தர் பாதுகாப்பில் பாரிய பின்னடைவு ஏற்பட்டதாக தெரிவிக்கப்பட்டுள்ளது.
[ Sunday, 26-04-2015, 04:21.45 PM ]
தாங்கள் விரைவாக சொந்த இடங்களில் மீள்குடியேற வேண்டும் என்று தீபங்களை ஏற்றி விசேட வழிபாட்டில் ஈடுபட்டுள்ளார்கள் சம்பூர் பிரதேச மக்கள்.
[ Sunday, 26-04-2015, 04:17.22 PM ]
சீனா, இலங்கைக்கு வழங்கிய கடன்களுக்கு அதிக வட்டி அறவிடப்பட்டதாக சுமத்தப்படும் குற்றச்சாட்டை சீனாவின் வர்த்தக சம்மேளனம் நிராகரித்துள்ளது.
[ Sunday, 26-04-2015, 04:08.16 PM ]
நீதிக்கான சமூக அமைப்பின் தலைவர் மாதுலுவாவே சோபித்த தேரர், நாளை முற்பகல் 10 மணிமுதல் கொழும்பு சுதந்திர சதுக்கத்தில் சத்தியாக்கிரகப் போராட்டத்தில் ஈடுபடவுள்ளார்.
[ Sunday, 26-04-2015, 03:50.50 PM ]
ஜனாதிபதியின் பாதுகாப்பு மீறப்பட்டதாக சுமத்தப்படும் குற்றச்சாட்டு குறித்து தெரியாது நாடாளுமன்ற உறுப்பினர் நாமல் ராஜபக்ச தெரிவித்துள்ளார்.
[ Sunday, 26-04-2015 16:37:10 GMT ]
அமெரிக்காவில் தந்தை ஒருவர், மகனது முகத்தை தனது தாடையில் பச்சை குத்தியுள்ளது ஆச்சரியத்தை ஏற்படுத்தியுள்ளது.
[ Sunday, 26-04-2015 14:07:16 GMT ]
நாமக்கல்லைச் சேர்ந்த கூலித் தொழிலாளி ஒருவரின் மகள் சிவில் நீதிபதி தேர்வில் தமிழக அளவில் முதலிடம் பிடித்து சாதனை படைத்துள்ளார்.
[ Sunday, 26-04-2015 15:08:52 GMT ]
டெல்லி அணிக்கெதிரான ஐ.பி.எல் தொடரின் இன்றைய போட்டியில் பெங்களூர் அணி 10 விக்கெட் வித்தியாசத்தில் அபார வெற்றி பெற்றது.
[ Sunday, 26-04-2015 14:29:53 GMT ]
உடல் அரிப்பு என்பது குழந்தைகள் முதல் பெரியவர் வரை யாரையும் விட்டு வைப்பதில்லை.
Advertisements
நாளாந்தம் மின்னஞ்சலில் செய்திகளை பெற
[ Sunday, 26-04-2015 02:56:58 ]
புதிய அரசாங்கத்தின் 100 நாள் செயற்திட்டம் முடிவடைவதற்கு முதல்நாளான கடந்த புதன்கிழமை ஜனாதிபதி மைத்திரிபால சிறிசேனவை அமெரிக்கா, பிரித்தானியா, ஜேர்மனி ஆகிய நாடுகளின் தூதுவர்கள் சந்தித்துப் பேசியிருந்தனர்.