Warning: Invalid argument supplied for foreach() in /var/www/html/sites/tamilwin/desktop/system/app/template/meta_view.php on line 4
சர்வதேச பெண்கள் தினத்தை முன்னிட்டு ஜெர்மனியில் நடைபெற்ற கவனயீர்ப்பு நிகழ்வு - Tamilwin

சர்வதேச பெண்கள் தினத்தை முன்னிட்டு ஜெர்மனியில் நடைபெற்ற கவனயீர்ப்பு நிகழ்வு

ஜெர்மனியின் தலைநகர் பெர்லின் மாநிலத்தில் சர்வதேச பெண்கள் தினத்தை முன்னிட்டு பல்லின பெண்கள் அமைப்புகளின் ஏற்பாட்டில் நேற்று கவனயீர்ப்பு நிகழ்வு நடைபெற்றது.

இந்நிகழ்வில் ஈழத்தமிழ்ப் பெண்களும் கலந்து கொண்டு இலங்கையில் அரசின் அடக்குமுறையில் தமது உறவுகள் அனுபவிக்கும் சொல்லனா துன்பங்களை எடுத்துக் கூறினார்கள்.

மேலும், சிறீலங்கா இனவெறி அரசின் இனவழிப்பு போரினால் தமது கணவர்களை பறிகொடுத்த பெண்கள் இன்று எவ்வித பாதுகாப்பும் இல்லாத பயங்கரமான சூழ்நிலையில் வாழ்கின்றனர். தனிமையாக வாழும் பெண்கள் தினமும் கடத்தி செல்லப்படுகிறார்கள், கொல்லப்படுகிறார்கள்.

சகோதரி இசைப்பிரியாவின் பெயரை கேட்டாலே எமது அனைவருக்கும் இதயத் துடிப்பு நிற்கும் என்பது நிச்சயம். அந்தவகையில் இன்றும் ஈழத்தமிழ் பெண்கள் படும் அவலத்தை தமிழ் பெண்கள் கூட்டமைப்பு - ஜெர்மனி அமைப்பினால் இந்நிகழ்வில் எடுத்துக் கூறப்பட்டது.

அத்தோடு துண்டுப் பிரசுரங்களும் மக்களுக்கு வழங்கப்பட்டது. நிகழ்ச்சி ஏற்பாட்டாளர்கள் அனைவரும் பெண்கள் உரிமைக்காக உழைக்கும், தமிழ் பெண்களின் பங்களிப்பை சுட்டிக் காட்டி பாராட்டுக்களுகம் தெரிவிக்கப்பட்டது.

ஈழத்தமிழர் மக்கள் அவை, ஜெர்மனி.

advertisement