International
Notification
Notification
Submit Cancel

ஆளுநர் சந்திரசிறியின் ஏற்பாட்டில் முல்லைத்தீவில் அத்துமீறி குடியேறும் சிங்கள குடும்பங்கள்

முல்லைத்தீவு கொக்கிளாயில் வடக்கு மாகாண ஆளுநர் ஜீ.ஏ.சந்திரசிறியின் ஏற்பாட்டில், எதிர்வரும் 26ஆம் திகதி மேலும் 110 வரையான சிங்கள குடும்பங்கள் தமிழர் நிலங்களில் குடியேற்றப்படவுள்ளனர்.

கடந்த சனிக்கிழமையன்று குறித்த பகுதிக்குச் சென்றிருந்த ஆளுநரிடம் சிங்கள மக்கள் தமக்கான காணி மற்றும் வீடுகளை பெற்றுத் தருமாறு கோரிக்கை விடுத்திருக்கின்றனர்.

இதற்கமைய, அத்துமீறி தமிழர் பகுதியில் குடியேறியுள்ள சிங்கள மீனவக் குடும்பங்களை அந்தப் பகுதிகளிலேயே நிரந்தரமாக குடியேற்ற நடவடிக்கை எடுக்கப்பட்டிருக்கின்றது.

இதேவேளை, ஏற்கனவே சுமார் 87 வரையான குடும்பங்கள் நிரந்தர பதிவுகள் மற்றும் மீள்குடியேற்றத்திற்கான இதர வசதிகளுடன் குடியேற்றப்பட்டிருக்கின்றனர்.

இந்த நிலையிலேயே சுமார் 110 குடும்பங்களைச் சேர்ந்த சிங்கள மீனவர்கள் தமிழர் நிலங்களில் குடியேற்றப்படவுள்ளனர். இதற்கென சுமார் 100 ஏக்கர் வரையான நிலம் அபகரிக்கப்படவுள்ளது.

இதற்காக தமிழர்களுக்கு நஷ்டஈடு வழங்கப்படும் எனவும் ஆளுநர் சிங்கள மக்களிடம் தெரிவித்திருக்கின்றார். மேலும் இந்த விஜயத்தின்போது எந்த விதமான அறிவித்தல்களையும் வழங்காமல் ஆளுநர் திடீரென சென்றிருந்தார்.

இதேவேளை இந்தப் பகுதியில் ஏற்கனவே தமிழருக்குச் சொந்தமான சுமார் 1500 ஏக்கர் நிலம் சிங்களவர்களால் இராணுவத்தினரின் ஆதரவுடன் ஆக்கிரமிக்கப்பட்டிருக்கின்றமை குறிப்பிடத்தக்கது.

advertisement