பெரும்பாலும் கடற்றொழிலில் ஈடுபடும் குடும்பங்களே அதிகம் வாழ்ந்து வருகின்றனர். சுமார் 98வரையான குடும்பங்கள் வாழ்ந்துவருகின்ற இக்கிராமத்தில், நீர் பிரச்சினை தற்போது இந்த மக்களுக்கு இடர் தருவதாக காணப்படுகின்றது.

இப்பிரச்சினை தொடர்பாக கிளிநொச்சி கரைச்சி பிரதேசசபை உப தலைவர் நகுலேஸ்வரன், உறுப்பினர் பொன்னம்பலநாதன் இவர்களுடன் கிளிநொச்சி மாவட்ட பா.உறுப்பினர் சி.சிறீதரனும் மக்களை சந்தித்து கலந்துரையாடினர்.

தற்போது குறைந்த அளவு நீர்த்தாங்கிகள் இருந்தபோதும், கண்டாவளையின் குடிநீர் பற்றாக்குறையுள்ள பல கிராமங்களுக்கு கரைச்சி பிரதேசசபை, நீர் விநியோகத்தில் ஈடுபட்டு வருகின்ற நிலையிலும் தட்டுவன்கொட்டி போன்ற கிராமங்களின் தண்ணீர் தேவை பூரணப்படுத்தப்படாத நிலையாகவே காணப்படுகின்றது.

இக்கிராமத்தின் நீர் பிரச்சினை கருத்திலெடுத்துள்ள பிதேசசபை உறுப்பினர்கள் விரையில் தீர்வளிப்பதாக உறுதியளித்தனர்.

அக்கிராம மக்கள் கருத்து தெரிவிக்கும்போது, போருக்குமுன் விடுதலைப்புலிகளால் தட்டுவன்கொட்டி கிராமத்திற்கு இயக்கச்சியில் இருந்து குழாய்மூலம் சிறந்த முறையில் நீர்ப்பாசனம் செய்யப்பட்டதாகவும் அந்த திட்டத்தின் அடிப்படையில் நீர் விநியோகம் மேற்கொண்டால் கிராமத்தின் நீர் பிரச்சனைக்கு நிரந்தர தீர்வு கிடைக்கும் என குறிப்பிட்டனர்.

இதே வேளை தட்டுவன்கொட்டிக்குளம் இராணுவ ஆக்கிரமிப்பு காரணமாக பயன்தர முடியாதபடி இருக்கின்றது என்பதும் குறிப்பிடத்தக்கது.

கல்வி நிலையை பொறுத்தவரை தட்டுவன்கொட்டி பாடசாலை மாணவர்களுக்கு கணித விஞ்ஞான பாடத்திற்கு ஆசிரிய பற்றாக்குறை நிலவுவதாக அறியமுடிந்தது. தட்டுவன்கொட்டிகிராமத்தின் எதிர்பார்ப்புகளும் ஏக்கங்களும் அதிகம் என்பது அந்த மக்களின் முகங்கள் உணர்த்தியது.