செய்தி
செங்கல்பட்டு முகாமில் உள்ள ஈழத் தமிழர்களை விடுதலை செய்ய சீமான் கோரிக்கை
[ செவ்வாய்க்கிழமை, 24 ஏப்ரல் 2012, 08:19.06 AM GMT ]
செங்கல்பட்டு சிறப்பு முகாமில் காவலில் வைக்கப்பட்டுள்ள ஈழத் தமிழர்களை விடுதலை செய்ய நாம் தமிழர் கட்சித் தலைவர் சீமான் கோரிக்கை விடுத்துள்ளார்.

இதுகுறித்து அவர் வெளியிட்ட அறிக்கை:

செங்கல்பட்டு சிறப்பு முகாமில் சட்டத்திற்குப் புறம்பாக தடுத்து வைக்கப்பட்டுள்ள ஈழத் தமிழ்ச் சொந்தங்கள் 13 பேர், தங்களை விடுதலை செய்யக்கோரி மீண்டும் ஒரு முறை பட்டிணிப் போராட்டத்தில் ஈடுபட்டு வருகின்றனர். இன்றோடு 9வது நாளாக போராட்டத்தில் ஈடுபட்டுவரும் அவர்களில் பலரின் உடல் நிலை மிகவும் நலிவுற்றுள்ளது என்கிற செய்தி வரு்த்தத்தையும், ஆதங்கத்தையும் ஏற்படுத்துகிறது.

போரின்போது இலங்கைக்கு மண்ணெண்ணை கடத்தினார்கள், மருந்து கடத்தினார்கள், காயம்பட்டவர்களைக் காப்பாற்ற குருதி கடத்தினார்கள் என்பது போன்ற குற்றச்சாற்றுகளின் அடிப்படையிலும், விடுதலைப் புலிகள் இயக்கத்தைச் சேர்ந்தவர்கள் என்ற ஐயத்திலுமே இவர்கள் பல ஆண்டுகளாக செங்கல்பட்டிலுள்ள சிறையில், சிறப்பு முகாம் என்ற பெயரில் தடுத்து வைக்கப்பட்டிருக்கின்றனர்.

இவர்களுக்கு எதிராக தமிழக காவல் துறையினர் தொடர்ந்த வழக்குகளை நீதிமன்ற விசாரணைக்கு உட்படுத்தவில்லை. இதில் சிலர் நீதிமன்றத்தால் விடுவிக்கப்பட்டவர்கள். ஆனால், அதற்குப் பிறகும் ஐயத்தின் பேரில் அவர்களை தடுத்து வைத்துள்ளது தமிழக காவல் துறை. இது எப்படி நியாயமாகும், சட்டப்பூர்வமான செயலாகும்?

இதுதவிர, குற்றஞ்சாட்டப்பட்டவர்கள் நீதிமன்றம் சென்று பிணைய விடுதலை உள்ளிட்ட சட்ட ரீதியான நிவாரணங்களைப் பெறக்கூட தமிழக காவல்துறையின் கியூ பிரிவு அனுமதிக்க மறுக்கிறது.

தங்களை விடுவிக்கக்கோரி ஒவ்வொரு முறையும் இவர்கள் பட்டிணிப் போராட்டம் நடத்தும்போது அவர்களோடு மாவட்ட நிர்வாகம் பேச்சுவார்த்தை நடத்தி, விடுதலை செய்வது தொடர்பாக அரசுடன் பேசி முடிவெடுக்கிறோம் என்றுதான் உறுதியளிக்கிறது.

அவர்களின் உறுதிமொழியை ஏற்று இவர்கள் பட்டிணிப் போராட்டத்தை கைவிட்டுள்ளனர். ஆனால், அதன் பிறகு அவர்களைக் கண்டுகொள்வதில்லை. அரசு நிர்வாகத்தின் இப்படிப்பட்ட பொறுப்பற்ற போக்குதான் இப்போது நடைபெற்றுவரும் பட்டிணிப் போராட்டத்திற்குக் காரணமாகும்.

தமிழ்நாட்டில் ஆட்சி மாற்றம் ஏற்பட்டும், ஈழத் தமிழர்கள் தொடர்பாக காவல்துறையினரின் பார்வையிலும், அணுகுமுறையிலும் மட்டும் எந்த மாற்றமும் ஏற்படவில்லை. தாங்கள் வாழ்ந்த நாட்டில் உரிமை மறுக்கப்பட்டு, உயிர் பறிக்கப்படும் நிலையில் இங்கு ஓடி வந்த நம் சொந்தங்களை, நம்மால் தேர்வு செய்யப்பட்ட அரசின் காவல் துறை இப்படி சித்ரவதைக்கு உள்ளாக்குவது வேதனையைத் தருகிறது.

ஈழ மண்ணில் கொடுமை என்று இங்கு ஓடி வந்தால், தாய்த் தமிழ் மண்ணில் அதையும் விட கொடுமையான நிலை. எங்குதான் போவான் ஈழத் தமிழன்?

எனவே தமிழக அரசு இந்த மக்களின் நிலையை நியாயமான பார்வையுடன் சீர்தூக்கிப் பார்க்க வேண்டும். தமிழக காவல் துறையின் கியூ பிரிவின் நடவடிக்கை சட்டப்பூர்வமானதுதானா என்பதை ஆராய வேண்டும். தமிழக அரசு நல்ல முடிவை எடுத்து இவர்கள் அனைவரையும் விடுவிக்க வேண்டும்.

இவ்வாறு சீமான் தனது அறிக்கையில் குறிப்பிட்டுள்ளார்.

Content of Popup
பிந்திய 5 செய்திகள்
[ Saturday, 01-08-2015, 09:22.34 AM ]
கடந்த ஜனாதிபதி தேர்தலின் முன் வேலை மற்றும் மஹிந்த ராஜபக்சவின் பிரச்சார நடவடிக்கைகளுக்காக அரச பொறியியல் கூட்டுத்தாபனத்தின் 98 ஊழியர்கள் ஈடுபடுத்தப்பட்டதோடு, வாடகை அடிப்படையில் வாகனங்களை பெற்றுக்கொள்வதற்காக 41,073,937 ரூபாய் செலவிடப்பட்டுள்ளது.
[ Saturday, 01-08-2015, 09:16.21 AM ]
ஐக்கிய தேசியக் கட்சியின் பலப்பிட்டிய தொகுதி அமைப்பாளர் கமல் ஜயந்த டி சில்வா ஐக்கிய மக்கள் சுதந்திர முன்னணியில் இணைந்து கொண்டார்.
[ Saturday, 01-08-2015, 08:19.22 AM ]
தேசத்துக்கு மகுடம் கண்காட்சி நடத்தப்பட்ட இரண்டு வருடத்தினுள் 500 மில்லியனுக்கும் அதிக பணம் மோசடி செய்யப்பட்டுள்ளதாக, தேசத்துக்கு மகுடம் செயலகத்தின் முன்னாள் பிரதம நிறைவேற்று அதிகாரி, வழக்கறிஞர் ஊடாக லஞ்ச ஊழல் ஆணைக்குழுவில் முறைப்பாடு செய்துள்ளார்.
[ Saturday, 01-08-2015, 07:57.24 AM ]
எதிர்வரும் 17ம் திகதி நடைபெறும் பொதுத் தேர்தலில் ஐக்கிய மக்கள் சுதந்திர முன்னணி வெற்றி பெற்று ஆட்சியமைத்தால், தமிழ் மக்களின் பிரச்சினைக்கு அரசியல் தீர்வை பெற்று தரப் போவதாக முன்னாள் ஜனாதிபதி மகிந்த ராஜபக்ச தெரிவித்துள்ளார்..
[ Saturday, 01-08-2015, 07:53.53 AM ]
கொழும்பு மாவட்ட ஐக்கிய மக்கள் சுதந்திர முன்னணியின் வேட்பாளர் சுசில் பிரேமஜயந்த, புவியியல் ஆய்வு மற்றும் சுரங்கப் பணியகத்தில் 15 லட்சம் பணம் பெற்றுக்கொண்டுள்ளதாக அரசு கண்காணிப்பிடம் இருந்து உறுதியாகியுள்ளது.
[ Saturday, 01-08-2015 07:21:18 GMT ]
மது விலக்கு கேட்டு போராடி உயிர் விட்டவர் சசி பெருமாள், அவரது உடலில் ரத்தம் இருந்தது குறித்து பலவித சர்ச்சைகள் எழுந்துள்ளது.
[ Saturday, 01-08-2015 07:59:35 GMT ]
அவுஸ்திரேலிய ‘ஏ’ அணிக்கு எதிரான இரண்டாவது டெஸ்டில் இந்திய ‘ஏ’ அணி 10 விக்கெட் வித்தியாசத்தில் தோல்வியடைந்தது.
[ Saturday, 01-08-2015 08:35:18 GMT ]
ஜப்பானிய மக்கள் புத்துணர்ச்சியோடு இருக்கவும், உடல் பளபளப்பாகவும் ஒயின் குளியல் போட்டு வருகின்றனர்.
Advertisements
நாளாந்தம் மின்னஞ்சலில் செய்திகளை பெற
[ Thursday, 30-07-2015 12:41:47 ]
'வேலுப்பிள்ளை பிரபாகரன் ஓர் உன்னதமான போராளி' - என்று நான் எழுதியதில் இருந்த ஒவ்வொரு எழுத்துக்கும் உயிரிருக்கிறது. அதிலிருந்த ஒவ்வொரு வார்த்தையும் நிஜம். வெற்று வார்த்தைகள் இல்லை அவை.