தம்புள்ள சம்பவத்தைத் தொடர்ந்து ஆளும் கட்சியிலிருந்து விலகிக் கொண்டால், அடுத்த கட்ட நடவடிக்கைகள் குறித்து பேச்சுவார்த்தை நடத்தப்பட உள்ளது.

ஸ்ரீலங்கா முஸ்லிம் காங்கிரஸின் சிரேஸ்ட உறுப்பினர்கள் சிலர் ஏற்கனவே உத்தியோகப்பற்றற்ற ரீதியில் பேச்சுவார்த்தை நடத்தி வருவதாகத் தெரிவிக்கப்படுகிறது.

ஐக்கிய தேசியக் கட்சியின் நாடாளுமன்ற உறுப்பினரான மங்கள சமரவீர, ஜோன் அமரதுங்க மற்றும் சிரேஸ்ட உறுப்பினரான மலிக் சமரவிக்ரம ஆகியோர் இந்தப் பேச்சுவார்த்தைகளில் பங்கேற்று வருவதாக கட்சித் தகவல்கள் தெரிவிக்கின்றன.

முஸ்லிம் காங்கிரஸ் கட்சி ஆளும் கட்சிக்கு அளித்து வரும் ஆதரவினை வாபஸ் பெற்றுக் கொண்டால், சில ஆளும் கட்சி முஸ்லிம் அமைச்சர்கள் சுயாதீனமாக இயங்கத் தீர்மானித்துள்ளனர்.

இதேவேளை, முஸ்லிம் வர்த்தகர்களும், சில தூதுவராலயங்களும் ஆளும் கட்சியை விட்டு விலகுமாறு முஸ்லிம் அமைச்சர்களுக்கு அழுத்தம் கொடுத்து வருவதாகத் தெரிவிக்கப்படுகிறது.