சுயாதீன தேர்தல் ஆணைக்குழு நிறுவப்பட வேண்டும்: ஐ.தே.க

இலங்கையில் சுயாதீன தேர்தல் ஆணைக்குழு நிறுவப்பட வேண்டுமென ஐக்கிய தேசியக் கட்சி கோரிக்கை விடுத்துள்ளது.

தேர்தல் ஆணைக்குழு உள்ளிட்ட சுயாதீன ஆணைக்குழுக்கள் நிறுவப்பட வேண்டியது அவசியமானது என ஐக்கிய தேசியக் கட்சியின் நாடாளுமன்ற உறுப்பினர் ஹர்ச டி சில்வா தெரிவித்துள்ளார்.

ஜெனீவா மனித உரிமை பேரவை அமர்வுகளில் அரசாங்கம் அடைந்த தோல்வியை ஈடு செய்யும் நோக்கில் சில மாகாண சபைகளுக்கான தேர்தல்களை துரிதப்படுத்த முயற்சிக்கப்படுகின்றது.

வடமத்திய, கிழக்கு மற்றும் சபரகமுவ ஆகிய மாகாணங்களுக்கான தேர்தல்களை விரைவாக நடாத்த அரசாங்கம் ஆர்வம் காட்டி வருகின்றது.

சுயாதீன ஆணைக்குழுக்கள் உருவாக்கப்படும் வரையில் தேர்தல்கள் பக்கச்சார்பின்றி நடைபெறும் என்பதனை நம்ப முடியாது என நாடாளுமன்ற உறுப்பினர் ஹர்ச டி சில்வா தெரிவித்துள்ளார்.

அனுராதபுரத்தில் நடைபெற்ற நிகழ்வு ஒன்றில் கலந்து கொண்ட போது அவர் இதனைக் குறிப்பிட்டுள்ளார்.

இதேவேளை, ஜெனீவா பிரச்சினை காரணமாக தேர்தல்கள் நடத்தப்படவில்லை என அரசாங்கம் அறிவித்துள்ளமை குறிப்பிடத்தக்கது.

advertisement