International
Notification
Notification
Submit Cancel

களுத்துறையில் பிரித்தானிய பிரஜை ஒருவர் சடலமாக மீட்பு!

களுத்துறை பிரதேசத்தில் உள்ள பல்பொருள் வர்த்தக நிலையக் கட்டடத் தொகுதியொன்றின் கழிவறையில் இருந்து வெளிநாட்டுப் பிரஜை ஒருவரின் உடலம் மீட்கப்பட்டுள்ளது.

இந்த சடலம் 50 வயதான பிரித்தானிய பிரஜை ஒருவருடையது என அடையாளம் காணப்பட்டுள்ளதாக காவல்துறைப் பேச்சாளர் பொலிஸ் அத்தியட்சகர் அஜித் ரோஹன கூறியுள்ளார்.

அவர் நீண்ட காலமாக குறித்த பிரதேசத்தில் வசித்து வருபவர் என்பது தெரியவந்துள்ளது.

மீட்கப்பட்ட பிரித்தானிய பிரஜையின் உடலம் நாகொடை வைத்தியசாலையில் வைக்கப்பட்டுள்ளதாக பொலிஸார் குறிப்பிட்டுள்ளனர்.

அவரது மரணத்திற்கான காரணம் இதுவரை உறுதி செய்யப்படவில்லை எனவும், பிரேதப் பரிசோதனை இன்று நடைபெறவுள்ளதாகவும் காவல்துறையினர் தெரிவித்தனர்.