International
Notification
Notification
Submit Cancel

ஆளும் கட்சியின் சாதரண உறுப்பினர்களே தண்டிக்கப்படுகின்றனர்: ஐ.தே.க

மக்களை திசை திருப்பும் நோக்கில் ஆளும் கட்சியின் கடைநிலை அரசியல்வாதிகளே தண்டிக்கப்படுவதாக ஐக்கிய தேசியக் கட்சியின் ஊடகப் பேச்சாளர் கயன்த கருணாதிலக்க தெரிவித்துள்ளார்.

முடிந்தால் பாரியளவில் குற்றச் செயல்களில் ஈடுபட்ட சிரேஸ்ட உறுப்பினர்களை தண்டிக்கட்டும். அண்மைக்காலத்தில் குற்றச் செயல்களில் ஈடுபட்ட பிரதேச சபை தலைவர்கள், உறுப்பினர்களுக்கு தண்டனை விதிக்கப்பட்டதாக அரசாங்கம் பாரிய பிரசாரம் முன்னெடுத்து வருகின்றது.

மக்களின் ஆதரவினைப் பெற்றுக் கொள்ளும் நோக்கில் இவ்வாறான முயற்சிகள் மேற்கொள்ளப்படுகின்றன.

ரூபவாஹினியில் பேயாட்டம் ஆடிய, அரச உத்தியோகத்தர்களை மரத்தில் கட்டிய, நீதிமன்றத்திற்கு கல் வீசிய, ஊழல் மோசடிகளில் கோடிக் கணக்கில் சம்பாதித்த ஆளும் உறுப்பினர்களுக்கு எதிராக ஏன் நடவடிக்கை எடுக்கப்படவில்லை.

ஹெட்ஜின் கொடுக்கல் வாங்கல்களின் மூலம் பாரியளவு நட்டம் ஏற்பட்டுள்ளது. இந்த நட்டத்தை மக்களே சுமக்க நேரிடும் என கயன்த கருணாதிலக்க தெரிவித்துள்ளார்.

கொழும்பு எதிர்க்கட்சித் தலைவர் காரியாலயத்தில் நடைபெற்ற செய்தியாளர் சந்திப்பில் அவர் குறிப்பிட்டுள்ளார்.

advertisement