விடுதலைப் புலி உறுப்பினர்கள் 20 பேருக்கு எதிராக போர்க்குற்றச்சாட்டு சுமத்த அரசு முயற்சி

பயங்கரவாதத் தடைச் சட்டத்தின் கீழ் தடுத்து வைக்கப்பட்டிருக்கும் தமிழீழ விடுதலைப் புலிகளின் 20 உறுப்பினர்களுக்கு எதிராக போர்க் குற்றச்சாட்டுக்கள் சுமத்தப்பட உள்ளதாகத் தெரிவிக்கப்படுகிறது.

கைது செய்யப்பட்டு தடுத்து வைக்கப்பட்டுள்ள விடுதலைப் புலி உறுப்பினர்கள் பாரியளவில் குற்றச் செயல்களில் ஈடுபட்டவர்கள் என்று அரசு குறிப்பிட்டுள்ளது.

சட்ட மா அதிபர் திணைக்களம் குறித்த புலி உறுப்பினர்களுக்கு எதிராக நீதிமன்றில் குற்றப்பத்திரிகைத் தாக்கல் செய்ய உள்ளது.

எதிர்வரும் ஆறு மாதங்களுக்குள் குறித்த சிரேஸ்ட விடுதலைப் புலி உறுப்பினர்களுக்குத் தண்டனை விதிக்கப்படும் எனவும் குறிப்பிடப்படுகிறது.

குற்றச்சாட்டுக்கள் நிரூபிக்கப்பட்டால் பயங்கரவாதத் தடைச்சட்டத்தின் கீழ் போர்க் குற்றத்தில் ஈடுபட்டமைக்காக குறித்த தமிழீழ விடுதலைப் புலி உறுப்பினர்களுக்குக் கடுமையான தண்டனை விதிக்கப்படக் கூடும் என சட்ட வல்லுனர்கள் தெரிவித்துள்ளனர்.