செய்தி
(2ம் இணைப்பு)
Photo
மஹிந்த ராஜபக்சவை அழிக்கக்கூடிய கட்சிக்கே மக்கள் வாக்களிக்க வேண்டும்: மட்டக்களப்பில் ரணில்
[ சனிக்கிழமை, 28 யூலை 2012, 01:15.49 PM GMT ]
ஐக்கிய தேசியக் கட்சியின் தலைவரும் எதிர்க்கட்சித் தலைவருமான ரணில் விக்ரமசிங்க இன்று மாலை மட்டக்களப்புக்கு விஜயம் செய்தார்.

கிழக்கு மாகாண சபை தேர்தலில் மட்டக்களப்பு மாவட்டத்தில் போட்டியிடும், ஐக்கிய தேசியக் கட்சியின் வேட்பாளர்களை சந்தித்து கலந்துரையாடினார்.

இக் கலந்துரையாடல் ஐக்கிய தேசியக் கட்சியின் கிழக்கு மாகாண சபையின் முன்னாள் உறுப்பினரும் மட்டக்களப்பு மாவட்ட தலைமை வேட்பாளருமான அரசரட்ணம் சசிதரனின் இல்லத்தில் நடைபெற்றது.

இந்த கலந்துரையாடலின் போது, தேர்தலில் ஐக்கிய தேசியக் கட்சியின் சார்பில் போட்டியிடும் வேட்பாளர்கள், கட்சித்தலைவர் ரணில் விக்ரமசிங்கவுக்கு அறிமுக்கப்படுத்தி வைக்கப்பட்டனர்.

கிழக்கு மாகாண சபை தேர்தலில் மட்டக்களப்பு மாவட்டத்தில் ஐக்கிய தேசியக் கட்சி மேற்கொள்ளவுள்ள பிரசார நடவடிக்கைகள் தொடர்பாக இதன் போது கலந்துரையாடப்பட்டது.

இந்த கலந்துரையாடலில், ஐக்கிய தேசியக் கட்சியின் பொதுச் செயலாளரும் பாராளுமன்ற உறுப்பினருமான திஸ்ஸ அத்தநாயக்க, பாராளுமன்ற உறுப்பினர் ரவி கருணாநாயக்க கொழும்பு மாநகர சபை மேயர் எ.ஜே.எம்.முஸம்மில் மற்றும் மேல்மாகாண சபை உறுப்பினர் முஜிபுர் றஹ்மான் உட்பட மாகாண சபை உறுப்பினர்கள் ஐக்கிய தேசியக் கட்சியின் உயர் மட்ட உறுப்பினர்கள் கலந்து கொண்டனர்.

இரண்டாம் இணைப்பு:

மஹிந்த ராஜபக்சவுக்கு வாக்களிக்காமல், மஹிந்த ராஜபக்சவை அழிக்கக்கூடிய கட்சிக்கே நீங்கள் இப்போது வாக்களிக்க வேண்டும். இலங்கையில், தமிழ், சிங்கள, முஸ்லிம், பறங்கியர் என அனைத்து இனங்களும் உள்ள கட்சி என்பதுடன்,அனைவரையும் ஒன்றிணைத்துள்ள ஒரேயொரு கட்சி ஐக்கிய தேசியக் கட்சியாகும் என எதிர்க்கட்சித்தலைவர் ரணில் விக்கிரம சிங்க தெரிவித்தார்.

இன்று சனிக்கிழமை மாலை மட்டக்களப்பு மாவட்ட அலுவலகத்தில் நடைபெற்ற வேட்பாளர் அறிமுக பிரசாரக் கூட்டத்தில் உரையாற்றும் போது அவர் இதனைத் தெரிவித்தார்.

தொடர்ந்து உரையாற்றிய அவர்,

இது தேர்தாலை நடத்தவதற்கான சந்தர்ப்பம் அல்ல, அதனால் இந்தத் தேர்தலைப் பார்த்தால் எனக்கு வெறுப்பாக இருக்கிறது. மஹிந்த ராஜபக்சவின் ஆட்சியை வீழ்த்துவதற்கு மிகப்பெரிய சந்தர்ப்பம் மக்களுக்கு இப்போது கிடைத்திருக்கிறது. அனேகமான பணம் எனது ரோக்கியோ பயணங்கள் மூலம் கிடைத்திருக்கிறது.

கிழக்கு மாகாண சபை அமைக்கப்பட்டதன் பின்னர் கிடைத்த பணம் கிழக்கின் அபிவிருத்திக்காக கிடைத்தது. யுத்தத்தின் பின்னர் கிடைத்த பணத்தினை வீணாகப் பயன்படுத்துகிறார்கள்.

அதனால்தான் தற்போது இரண்டு பிரிவுகள் இருக்கிறார்கள். அந்தவகையில் இரண்டு குழுக்களை வேட்பாளர்களாக நியமித்திருக்கிறார்கள். தமிழ் வேட்பாளர்களை முதன்மைப்படுத்தி ஒன்று அரசாங்கத்தால் நியமிக்கப்பட்டிருக்கிறது.

முஸ்லிம் மக்களின் வாக்குகள் கிடைக்காது என்பது தெரிந்து சிறிலங்கா சுதந்திரக்கட்சியின், இரண்டாவது அணியாக முஸ்லிம் காங்கிரசு முஸ்லிம்களை நியமித்து உள்ளது.

நீங்கள் அரசாங்கத்திற்கோ, அல்லது முஸ்லிம்காங்கிரசுக்கோ அளிக்கும் வாக்குகள் எல்லாம் அங்கேயே போகும் என்பதே உறுதி. இரண்டுஅணிக்கு அளிக்கும் வாக்குகளும் அங்குதான் செல்லும். அதாவது வாக்குகளைப் பெற்றுவிட்டு ஆட்சியைந் நேர்ந்து அமைப்பது இதுதான். யாருக்கு வாக்களித்தாலும் மகிந்த காங்கிரசுக்குத்தான் போய்ச்சேரும்.

மஹிந்த ராஜபக்சவுக்கு வாக்களிக்காமல், அப்படி நடக்க வெண்டுமானால், மஹிந்த ராஜபக்சவை அழிக்கக்கூடிய கட்சிக்கே நீங்கள் இப்போது வாக்களிக்க வேண்டும். இலங்கையில், தமிழ், சிங்கள, முஸ்லிம், பறங்கியர் என அனைத்து இனங்களும் உள்ள கட்சி என்பதுடன்,அனைவரையும் ஒன்றிணைத்துள்ள ஒரேயொரு கட்சி ஐக்கிய தேசியக் கட்சியாகும். எங்களுக்கு இன பேதம் இல்லை.

பௌத்த, இந்து, இஸ்லாம், கிறிஸ்தவம் எல்லாம் சேர்ந்த கட்சிதான் ஐக்கிய தேசியக்கட்சி.

இந்தச் சந்தர்ப்பத்தினை முஸ்லிம் மக்கள் சரியாகப்பயன்படுத்த வேண்டும். அப்போதுதான். இந்த பிழையான சிந்தனையுள்ள கூட்டினை உடைக்க முடியும். கொழும்பில், அதிகமான சிங்கள பௌத்தர்கள் இருந்தாலும் அதனை ஐக்கிய தேசியக்கட்சி கைப்பற்ற முடிந்தது. அதனால் தான் முசம்மில் மேயராக இருக்கிறார்.

முன்னாள் கிழக்கு மாகாண சபை உறுப்பினரும், கிழக்கு மாகாண சபை தேர்தல் வேட்பாளருமான சசிதரன் தலைமையில் நடைபெற்ற இக்கூட்டத்தில், அவரது தலைமையுரையில், கடந்த தேர்தலில் முஸ்லிம் காங்கிரசும் சேர்ந்து போட்டியிட்டிருந்தது.

அப்போது ஐக்கிய தேசியக் கட்சியையே மக்கள் தூக்கி எறிந்திருக்கிறார்கள். இப்போது நியமிக்கப்பட்டிருக்கம் 9 தமிழ் வேட்பாளர்களும், 5 முஸ்லிம் வேட்பாளர்களும் நியமிக்கப்பட்டிருக்கிறார்கள்.

கடந்த முறை போன்று யாரும் முஸ்லிம் காங்கிரசுடன் சேர்ந்து ஐக்கிய தேசியக் கட்சியினை அழித்துவிட்டார்கள் என்று யாரும் கூறமுடியாது. இந்த் தேர்தலில் ஐக்கிய தேசியக் கட்சியைச் சேர்ந்தவர்களே நியமிக்கப்பட்டுள்ளார்கள். இந்த சந்தர்ப்பத்தைச் சரியாகப் பயன்படுத்தி ஐக்கிய தேசியக் கட்சியை ஆதரித்து வெல்லச் செய்யுங்கள் என்றார்.

இப் பிரசாரக் கூட்டத்தில், கொழும்பு மேயர் முசம்மில், செயலாளர் திஸ்ஸ அத்தநாயக்க, பாராளுமன்ற உறுப்பினர் ரவி கருணா நாயக்க உள்ளிட்டோரும் மாகாண சபை உறுப்பினர் முஜிபுர் ரகுமான , மற்றும் மட்டக்களப்பு மாவட்ட வேட்பாளர்களும் கலந்து கொண்டனர்.

Content of Popup
பிந்திய 5 செய்திகள்
[ Monday, 03-08-2015, 08:26.20 AM ]
க.பொ.த உயர்தர பரீட்சையில் தோற்றவுள்ள அனைத்து பரீட்சார்த்திகளும் பரீட்சை அனுமதி அட்டை, தேசிய அடையாள அட்டை அல்லது கடவுச்சீட்டு என்பவற்றை பரீட்சை நிலையத்துக்கு எடுத்து வருவது அவசியம் என பரீட்சை ஆணையாளர் நாயகம் டப்ளியு. எம்.என்.ஜே புஷ்பகுமார தெரிவித்துள்ளார்.
[ Monday, 03-08-2015, 08:05.08 AM ]
கடந்த 24 மணித்தியாலத்திற்குள் பொதுத் தேர்தல் தொடர்பிலான 09 வன்முறைச் சம்பவங்கள் பதிவாகியுள்ளதாக தேர்தல்கள் செயலகம் தெரிவித்துள்ளது.
[ Monday, 03-08-2015, 07:54.46 AM ]
கொழும்பு பேஸ்லைன் வீதியின் சத்தர்ம மாவத்தை சந்தியில் சந்தேகத்திற்கு இடமான டிபெண்டர் வாகனம் ஒன்றை காவற்துறையினர் கைப்பற்றியுள்ளனர்.
[ Monday, 03-08-2015, 07:49.05 AM ]
மகிந்த ராஜபக்சவின் ஆட்சிக்காலத்தில் இலங்கைக்கு வராத முதலீட்டாளர்களை ஐக்கிய தேசியக் கட்சியின் அரசாங்கத்தின் கீழ் இலங்கைக்கு அழைத்து வருவதாக பிரதமர் ரணில் விக்ரமசிங்க தெரிவித்துள்ளார்.
[ Monday, 03-08-2015, 07:11.18 AM ]
மஹிந்த ராஜபக்ச தலைமையில் மாத்தளையில் நடைபெற்ற தேர்தல் பிரச்சாரக் கூட்டமொன்றில், ஐக்கிய தேசியக் கட்சி ஆதரவாளரை தாக்கியதாக கைது செய்யப்பட்ட முன்னாள் அமைச்சர் லக்ஸ்மன் வசந்த பெரேரா எதிர்வரும் 6ஆம் திகதி வரை விளக்கமறியலில் வைக்கப்பட்டுள்ளார்.
[ Monday, 03-08-2015 06:30:09 GMT ]
ஐ.எஸ் தீவிரவாதிகளிடமிருந்து தப்பி வந்த யாஸிதி பெண் ஒருவர் தான் அனுபவித்த துயரங்கள் குறித்து விவரித்துள்ளார்.
[ Monday, 03-08-2015 06:43:57 GMT ]
சீன மாணவி ஒருவர் தன் தமிழ் அறிவை மேம்படுத்திக்கொள்வதற்காக இந்தியா வந்திருக்கிறார்.
[ Monday, 03-08-2015 07:26:41 GMT ]
அவுஸ்திரேலிய கிரிக்கெட் அணி வங்கதேசத்தில் சுற்றுப்பயணம் செய்து இரண்டு டெஸ்ட் போட்டிகள் கொண்ட தொடரில் விளையாட உள்ளது.
[ Monday, 03-08-2015 08:16:21 GMT ]
உணவு வகைகளை சமைப்பதன் மூலமும், எண்ணெய் விட்டு வதக்குவதன் மூலமும் அதில் உள்ள சத்துக்கள் குறைந்து விடுகின்றன.
Advertisements
நாளாந்தம் மின்னஞ்சலில் செய்திகளை பெற
[ Monday, 03-08-2015 02:22:26 ]
பாராளுமன்றத் தேர்தலுக்கு இன்னமும், இரண்டு வாரங்களே இருக்கின்ற நிலையில், எல்லாக் கட்சிகளுமே தம்மால் இயன்றளவுக்கு மக்களின் ஆதரவைத் திரட்டிக் கொள்வதற்கான பிரசார உத்திகளைக் கையாண்டு வருகின்றன. வடக்கு தேர்தல் களத்திலும், பிரசாரங்கள் சூடுபிடித்திருக்கின்றன.