செய்தி
கைதிகளின் படுகொலை வரிசையில் நிமலரூபன், டெல்றொக்சன் இவர்களுக்கு அடுத்தது யார்?- பா.உ சி.சிறீதரன்
[ வெள்ளிக்கிழமை, 10 ஓகஸ்ட் 2012, 04:15.27 PM GMT ]
வவுனியா சிறைச்சாலையில் அரசாங்கத்தின் பாதுகாப்பிலிருந்த தமிழ் அரசியல் கைதி அடித்து படுகொலை செய்யப்பட்டது மட்டுமல்லாமல், அவரது உடலை சுதந்திரமாக சொந்த ஊரில் மத அனுட்டானங்களுடன் நல்லடக்கம் செய்வதற்கு கூட இந்த அரசு தடை விதிக்க முயற்சிக்கின்றது.

இதன் மூலம் அரசாங்கம் தமிழர்களை இன்னமும் மனிதர்களாக கூட நினைக்கவில்லை என்பதையே உணரமுடிகின்றது. இந்த அரசாங்கம்தான் தமிழர்களுக்கொரு தீர்வினை பெற்றுத் தரும் என சர்வதேசம் இன்னமும் நம்பிக்கொண்டிருக்கின்றது.

இன்றைய நிலையில் நாம் ஒரு விடயத்தை மிகவும் தெளிவாக சர்வதேசத்திற்கு கூறிக்கொள்கின்றோம். மேற்கண்டவாறு பாராளுமன்ற உறுப்பினர் சி.சிறீதரன் தெரிவித்திருக்கின்றார்.

டெல்றொக்சனின் உயிரிழப்பு தொடர்பாகவும், அவரது உடலை நல்லடக்கம் செய்வதற்கு பொலிஸார் தொடர்ந்து இடையூறு விளைவிக்க எடுத்துக் கொண்ட முயற்சி தொடர்பாக கருத்துத் தெரிவித்தபோதே மேற்கண்டவாறு தெரிவித்தார்.

மேலும் இவர் இவ்விடயம் தொடர்பில் தெரிவிக்கையில்,

அதாவது டெல்றொக்சன் அரசாங்கத்தின் பாதுகாப்பிலிருந்த போது படுகொலை செய்யப்பட்டிருக்கின்றார். இவருக்கு முன்னர் நிமலரூபன் படுகொலை செய்யப்பட்டார். நாளை, நாளை மறுதினம் யார்..? என்ற கேள்வியோடுதான் நாங்கள் ஒவ்வொரு நாளையும் நாங்கள் எதிர்பார்த்துக் காத்திருக்கின்றோம்.

நாம் ஒருவரின் மரணத்தை அரசியலாக்க விரும்பவில்லை. ஆனால் அந்த இளைஞனின் மரணத்தின் பின்னால் எங்கள் இனத்தின் உண்மையான நிலைவரம் உலகத்தின் மனசாட்சிக்கு காண்பிக்கப்பட்டிருக்கின்றது. நாங்கள் அதையே மீண்டும் மீண்டும் கூறிக்கொண்டிருக்கின்றோம்.

நிமலரூபன், டெல்றொக்சன் இவர்கள் எங்கள் இனத்தின் நிலையை தங்கள் மரணத்தின் மூலம் காண்பித்திருக்கின்றார்கள். இந்த இளைஞர்களின் படுகொலைகளுக்கு நிச்சயமாக உலகம் பதில் சொல்லவேண்டும். அதற்கான காலம் நிச்சயமாக வரும், அதற்கான அந்த நோக்கத்திற்காக நாம் தொடர்ந்து பயணிக்க வேண்டும்.

யுத்தம் தீர்ந்து ஜனநாயகம் மலர்ந்துள்ள தேசத்தில் குரூரமாக படுகொலை செய்யப்பட்ட எங்கள் சொந்தங்களுக்காக எங்கள் உளமார்ந்த அனுதாபங்களை நாங்கள் கூறிக்கொள்கின் றோம்.

அவர்களுடைய தியாகங்கள் நிச்சயமாக ஒருநாள் அர்த்தமுள்ளதாக்கப்படும், இதற்கான அனைத்து தமிழர்களும், மக்கள் பிரதிநிதிகளும் ஒன்று திரளவேண்டும் என்றார்.

Content of Popup
பிந்திய 5 செய்திகள்
[ Sunday, 25-01-2015, 01:21.45 PM ]
கொழும்பு பண்டாரநாயக்க மாநாட்டு மண்டபத்தில் நடந்த சட்டமா அதிபர்கள் மாநாட்டில் ஜனாதிபதி மைத்திரிபால சிறிசேன பங்கேற்கச் சென்ற போது, அங்கு பணியாற்றிய சீனர் ஒருவரிடம் இருந்து பாதுகாப்பு அதிகாரிகளால் முட்டை ஒன்று கண்டுபிடிக்கப்பட்டது.
[ Sunday, 25-01-2015, 11:56.07 AM ]
வெலிக்கடை பொலிஸ் நிலையப் பொறுப்பதிகாரி பிரதான பொலிஸ் பரிசோதகர் கமல் ரஷிக அமரசிங்கவிற்கு நுவரெலிய நீதவான் நீதிமன்றம் சிறைத்தண்டனை விதித்து தீர்ப்பளித்துள்ளது.
[ Sunday, 25-01-2015, 10:49.53 AM ]
முன்னாள் பாதுகாப்பு செயலாளர் கோத்தபாய ராஜபக்சவுக்கு எதிராக ரத்துபஸ்வெல மக்கள் இன்று வீதியில் இறங்கி ஆர்ப்பாட்டத்தில் ஈடுபட்டுள்ளனர்.
[ Sunday, 25-01-2015, 10:36.18 AM ]
புறக்கோட்டை ஸ்ரீஜயவர்த்தனபுர பல்பொருள் கூட்டுறவு நிலையத்திற்கு சொந்தமான இடத்தில் நடத்தப்பட்டு வந்த வாகனத் தரிப்பிடத்தில் இருந்து மீட்கப்பட்ட வாகனங்கள் சேவையில் இருந்து நீக்கப்பட்டவை என முன்னாள் ஜனாதிபதி செயலாளர் தெரிவித்துள்ளார்.
[ Sunday, 25-01-2015, 10:02.53 AM ]
வடக்கு, கிழக்கில் மாகாணங்களில் சுதந்திரம் மற்றும் அமைதியான சூழலை ஏற்படுத்த ஆயுதம் தாங்கிய குழுக்களின் ஆயுதங்களை களையுமாறு கடந்த ஆட்சி காலத்தில் நாட்டை விட்டு வெளியேறி தமிழ் ஊடகவியலாளர்கள் கோரிக்கை விடுத்துள்ளனர்.
[ Sunday, 25-01-2015 08:19:06 GMT ]
சவுதி அரேபியாவின் புதிய மன்னராகப் பொறுப்பேற்றுள்ள சல்மான் பின் அஜீஸ் அல் சௌத், மறைந்த மன்னரின் கொள்கைகளையே தான் பின்பற்றவுள்ளதாகத் தெரிவித்துள்ளார்.
[ Sunday, 25-01-2015 07:55:55 GMT ]
ஜெயலலிதாவின் சொத்துகுவிப்பு வழக்கில் அரசு வழக்கறிஞர் பவானிசிங் திடீர் ராஜினாமா செய்துள்ளார்.
[ Sunday, 25-01-2015 11:45:47 GMT ]
மும்பை ஹீரோஸ் அணிக்கு எதிரான டி20 போட்டியில் சென்னை ரைனோஸ் அணி 9 விக்கெட் வித்தியாசத்தில் அபார வெற்றி பெற்றது.
[ Sunday, 25-01-2015 11:59:59 GMT ]
ஆரோக்கியமான இயற்கை உணவுகளே வாழ்நாள் முழுவதும் நமது உடல்நலத்தில் பெரும்பங்கு வகிக்கின்றன.
Advertisements
நாளாந்தம் மின்னஞ்சலில் செய்திகளை பெற
[ Sunday, 25-01-2015 05:21:38 ]
அரசியல்வாதிகள் தமது அரசியல் நடவடிக்கைகளை இராஜதந்திரத்துடன் தொடர வேண்டும், மனித உரிமை ஆர்வலர்கள் ஆட்சி மாற்றம் ஏற்பட்டிருந்தாலும் தமது வேலைத்திட்டங்களை தொடருவதே வழமை.