செய்தி
 Photo
தமிழீழ இராச்சியத்தில் அமெரிக்கரும் - சிங்களரும்: சிங்கள ஊடகங்கள் கொந்தளிப்பு!
[ வெள்ளிக்கிழமை, 17 ஓகஸ்ட் 2012, 08:07.34 AM GMT ]

நாடுகடந்த தமிழீழ அரசாங்கம் தனது மேற்சபைக்கான உறுப்பினர்களை அறிவித்துள்ள நிலையில், தமிழீழ இராச்சியத்தில் அமெரிக்கரும் - சிங்களரும் என தென்னிலங்கை சிங்கள ஊடகங்கள் கொந்தளித்துள்ளன.

அமெரிக்காவின் முன்னாள் சட்டமா அதிபரான ராம்சி கிளார்க் மற்றும் சிங்களக் குடிமகனான மனித உரிமைவாதியான கலாநிதி ப்ராயன் செனெவிரத்ன உட்டப ஒன்பது பேர், நா.த.அரசாங்கத்தின் மேற்சபை உறுப்பினர்களாக நியமிக்கப்பட்டுள்ள நிலையில், தென்னிலங்கையின் சிங்கள - ஆங்கில ஊடகங்கள் இச்செய்தியினை முக்கியத்துவம் கொடுத்து வெளியிட்டுள்ளன.

சுதந்திர தமிழீழத்திற்கான வேட்கையினை சனாநாயக வடிவமாக நாடுகடந்த தமிழீழ அரசாங்கம் அனைத்துலக அரங்கில் உள்ள நிலையில், மேற்படி இருவரும் நா.த.அரசாங்கத்தின் மேற்சபையில் பங்கெடுத்துள்ளமையானது, தமிழீழம் என்ற ஈழத்தமிழர்களின் அரசியல் நிலைப்பாட்டினை ஏற்றுக் கொண்டதாக கருத வேண்டியுள்ளதென சிங்கள ஊடகங்களின் அச்சத்தின் பின்னால் உள்ளது.

அமெரிக்காவின் முன்னாள் சட்டமா அதிபரான ராம்சி கிளார்க், அமெரிக்கச் சட்டத்திலும் அனைத்துலகச் சட்டத்திலும் துறைதோய்ந்த நிபுணனாகத் திகழ்ந்தவர். சளைக்காத ஒரு குடிசார் உரிமைகள் ஆர்வலன் என்று பெயரெடுத்தவர்.

கடந்த நூற்றாண்டின் மிகப்பெரிய சட்டவாக்கச் சாதனைகள் என்று கருதப்படும் வாக்குரிமைச் சட்டம்-1965, சமூக உரிமைகள் சட்டம்-1968 ஆகிய இரண்டையுமே உருவாக்கலிலும் நிறைவேற்றலிலும் முன்னின்று பணியாற்றிச் சரித்திரத்தில் தனக்கென்று ஒரு இடம் பிடித்தவர்.

அனைத்துத் தமிழராலும் உற்றதோர் நண்பனாகக் கருதப்பட்டவர். எமது உரிமைகள் எப்போது சரி எங்கு சரி மீறப்படினும் தயங்காது எழுந்து நின்று குரல் தருபவர்.

சிங்களக் குடிமகனான கலாநிதி ப்ராயன் செனெவிரத்ன அவர்கள் இலங்கையில் ஒரு மருத்துவப் பேராசிரியராகத் தொழில் புரிந்தவர். கடந்த 20 ஆண்டுகளாக உலகெங்கணும் சென்று பேரினவாத இலங்கை அரசின் கீழ் தமிழர் படும் அல்லல்களைப் புட்டுக்காட்டிக் கொண்டிருப்பவர். இலங்கையின் மனித உரிமைகள் வதம் பற்றி நூற்றுக்கணக்கான கட்டுரைகளை வரைந்தவர்.

சர்வதேச அரங்கில் நாடுகடந்த தமிழீழ அரசாங்கம் வலுப்பெற்று வருவது சிறிலங்கா அரசுக்கு கடும் நெருக்கடியாகவுள்ள நிலையில், அறிவிக்கப்பட்டுள்ள மேற்சபை நியமனங்கள் இன்னுமொரு நெருக்கடியினை ஏற்படுத்தும் என்பதன் வெளிப்பாடாகவே, சிங்கள ஊடகங்களின்  கொந்தளிப்பினை கவனிக்க முடியுமென அரசியல் அவதானிகள் தெரிவிக்கின்றனர்.

Content of Popup
பிந்திய 5 செய்திகள்
[ Wednesday, 10-02-2016, 01:39.35 AM ]
புதிய பயங்கரவாதத் தடைச் சட்டமொன்று தயாரிக்கப்பட்டுள்ளதாக தெரிவிக்கப்படுகிறது.
[ Wednesday, 10-02-2016, 01:18.39 AM ]
எமது நாட்டின் மீது சுமத்தப்பட்டிருக்கும் யுத்தக்குற்றங்கள் தொடர்பாக சர்வதேச கண்காணிப்பாளர்களுடைய பங்களிப்புடன் விசாரணைகள் முன்னெடுக்கப்பட வேண்டுமென முன்னாள் இராணுவத் தளபதியும் பாராளுமன்ற உறுப்பினருமான பீல்ட் மார்ஷல் சரத் பொன்சேகா தெரிவித்தார்.
[ Wednesday, 10-02-2016, 01:09.29 AM ]
ஊடகவியலாளர் பிரகீத் எக்னெலிகொட கொல்லப்பட்டமைக்கான சாட்சியங்கள் உண்டு என புலனாய்வுப் பிரிவினர் தெரிவித்துள்ளனர்.
[ Wednesday, 10-02-2016, 12:58.49 AM ]
வெல்லம்பிட்டி பிரதேசத்தில் நேற்றிரவு இடம்பெற்ற துப்பாக்கிச் சூட்டு சம்பவமொன்றில் மூன்று பேர் கொல்லப்பட்டுள்ளனர்.
[ Wednesday, 10-02-2016, 12:55.47 AM ]
ஐ.நா.தீர்மானம் அரசுக்கு சொந்தமானது. அது வெளித்தரப்பினரால் கொண்டுவரப்பட்டதொன்றல்ல. அத்தீர்மானத்தில் ஒன்றை அமுல்படுத்த முடியும். பிறிதொன்றை அமுல்படுத்த முடியாதென பிரித்து அரசாங்கம் செயற்பட முடியாது என்று ஐக்கிய நாடுகள் மனித உரிமைகள் ஆணையாளர் செயிட் அல் ஹுசைனிடம் தமிழ்த் தேசியக் கூட்டமைப்பு வலியுறுத்தியுள்ளது.
[ Wednesday, 10-02-2016 00:25:39 GMT ]
அல்ஜீரியா தலைநகர் ஆல்ஜியர்ஸ் பகுதியில் இருந்து புறப்பட்ட விமானத்தில் சக பயணி மீது சிறுநீர் கழித்த நபரை பாதி வழியில் விமானியால் இறக்கி விடப்பட்டார்.
[ Tuesday, 09-02-2016 10:11:46 GMT ]
வேறு பெண்ணுடன் ஊர் சுத்திய கணவரை ரயில் நிலையத்தில் வைத்து மனைவி அடித்து உதைத்ததால் பரபரப்பு ஏற்பட்டது.
[ Tuesday, 09-02-2016 12:21:02 GMT ]
இந்திய கிரிக்கெட் வீரர் விராட் கோஹ்லி- பாலிவுட் நடிகை அனுஷ்கா சர்மாவின் 2 வருட காதல் முறிந்து விட்டதாக தகவல் வெளியாகியுள்ளது.
[ Tuesday, 09-02-2016 15:33:08 GMT ]
உடற்பயிற்சி செய்வதற்கு சோம்பறித்தனம் படும் பெண்களுக்கு எடையை குறைக்க உதவுகிறது சும்பா நடனம்.
Advertisements
நாளாந்தம் மின்னஞ்சலில் செய்திகளை பெற
[ Tuesday, 09-02-2016 01:15:22 ]
சர்வதேச மனித உரிமை முன்னாள் ஆணையாளர் நவநீதம்பிள்ளை கொழும்பு வந்து ஹக்கீமை சந்தித்த போது, ஹக்கீம் உண்மைகளை மறைத்து இங்கு தமிழர்களுக்கு அநீதி நடக்கவில்லை, வடக்கில் படைகள் முகாம்களுக்குள்தான் இருக்கின்றார்கள், அழைத்தால் மட்டும்தான் வருகின்றார்கள் என்று மஹிந்த சார்பாக சான்றிதல் கொடுத்தார்.