கோரிக்கைகள் நிறைவேற்றப்படாவிட்டால் புரட்சி வெடிக்கும்!- ரணில் விக்ரமசிங்க எச்சரிக்கை

ஐக்கிய தேசிய கட்சியினால் முன்வைக்கப்பட்ட கோரிக்கைகளை ஆட்சியிலுள்ள அரசாங்கம் நிறைவேற்றவில்லை என்றால் அரசுக்கு எதிராக புரட்சியை ஏற்படுத்தப் போவதாக எதிர்கட்சித் தலைவர் ரணில் விக்ரமசிங்க எச்சரிக்கை விடுத்துள்ளார்.

பொருளாதார வீழ்ச்சி, விவசாயிகளுக்கான நிவாரணம் இன்மை போன்ற காரணங்களால் நாடு வீழ்ச்சியான நிலைக்கு செல்கிறது.

இந்த மகிந்த அரசு ஆட்சியில் இருக்கும் வரையில் இந்த நிலைமை தொடரும் என அவர் சுட்டிக்காட்டியுள்ளார்.

இந்த நிலையில் ஆட்சியிலுள்ள அரசாங்கத்திடம் வேதன அதிகரிப்பு, நிவாரணம் உள்ளிட்ட பல்வேறு கோரிக்கையை ஐக்கிய தேசிய கட்சி முன்வைத்துள்ளது.

இந்த கோரிக்கைகள் நிறைவேற்றப்படாத பட்சத்தில், அரசாங்கத்துக்கு எதிராக புரட்சி நடவடிக்கையில் ஈடுபடப் போவதாக அவர் எச்சரிக்கை விடுத்துள்ளார்.