International
Notification
Notification
Submit Cancel

முள்ளியவளையில் இராணுவப் புலனாய்வாளர்கள் குடும்பஸ்தர் ஒருவர் மீது துப்பாக்கிப் பிரயோகம்

முல்லைத்தீவு முள்ளியவளை பகுதியில் குடும்பஸ்தர் மீது இராணுவப் புலனாய்வாளர்கள் மேற்கொண்டுள்ள துப்பாக்கிப் பிரயோகத்தில், படுகாயமடைந்த நிலையில் அவர் மாவட்ட வைத்தியசாலையில் அனுமதிக்கப்பட்டிருக்கின்றார்.

இந்தச் சம்பவம் நேற்றிரவு 10 மணியளவில் இடம்பெற்றுள்ளது. சம்பவத்தில் ப.கிரிதரன் (வயது40) என்பவரே படுகாயமடைந்தவராவார்.

குறித்த சம்பவத்தின்போது இவரது வீட்டிற்குள் வந்த இரு இனந்தெரியாத நபர்கள், பெயரை கூறி வீட்டின் வெளியே வருமாறு அழைத்துள்ளனர். இதன்போது அவர் வெளியே வந்ததும் அவர் மீது துப்பாக்கிப் பிரயோகம் மேற்கொண்டு விட்டுத் தப்பிச் சென்றுள்ளனர்.

அதனையடுத்து, அங்குவந்த உறவினர்கள் அவரை மீட்டு வைத்தியசாலையில் அனுமதித்துள்ளனர். எனினும் இந்த தாக்குதல் சம்வம் எதற்காக மேற்கொள்ளப்பட்டது என்பது குறித்து எந்த தகவலும் தெரியவில்லை என தெரிவிக்கப்படுகின்றது.

advertisement