International
Notification
Notification
Submit Cancel

இந்திய - இலங்கை வீஸா கட்டுப்பாடுகள் தளர்வு!

இந்திய இலங்கை உறவை வலுப்படுத்திக் கொள்ளவும் வேலை வாய்ப்பபை அதிகரிக்கவும் ஏற்ற வகையில் இரண்டு நாடுகளினதும் வீஸா நடைமுறைகளில் தளர்வை ஏற்படுத்த இரு நாட்டு குடிவரவு, குடியகல்வு அதிகாரிகள் பேச்சு நடத்தி வருவதாக இந்திய வர்த்தகத் துறை அமைச்சர் ஆனந்த் சர்மா நேற்றுத் தெரிவித்தார்.

உத்தியோகபூர்வ பயணம் மேற்கொண்டு இலங்கை வந்துள்ள சர்மா, நேற்று மதியம் ஜனாதிபதி மஹிந்த ராஜபக்சவை சந்தித்து இருதரப்பு உறவுகள் மற்றும் தனது வருகையின் நோக்கம் குறித்து கலந்துரையாடினார்.

இதன்போது வாகன உற்பத்தி, பொறியியல் பொருள்கள் உற்பத்தி மற்றும் மருந்து மையம் போன்ற தனித் தன்மையான நிலையங்களை உருவாக்கி சிறந்த பொருளாதார மண்டலம் ஒன்றை இலங்கையில் அமைக்க இந்தியா முடிவு செய்துள்ளதாக இந்திய அமைச்சர் ராஜபக்சவிடம் தெரிவித்தார்.

இதன்போது இலங்கையும் வீஸா நடைமுறையில் சில மாற்றங்களைக் கொண்டுவர நடவடிக்கையில் ஈடுபட்டுள்ளதாகத் மஹிந்த ராஜபக்ச தெரிவித்தார்.

இதன்போது இலங்கை ஜனாதிபதியை இந்தியாவுக்கு வருமாறு சர்மா கேட்டுக்ககொண்டார்.

இதேவேளை இலங்கை வெளிவிவகார அமைச்சர் ஜீ. எல். பீரிஸைச் சந்தித்த அவர் இருநாட்டு கடல் எல்ல பிரச்சினை குறித்தும் பேசியதாகவும்,விரைவில் இந்திய, இலங்கை கடல்சார் பிரச்சினைக்குத் தீர்வுகாண நடவடிக்கை மேற்கொள்ளப்படும் எனவும் தெரிவித்துள்ளார்.