Warning: Invalid argument supplied for foreach() in /var/www/html/sites/tamilwin/desktop/system/app/template/meta_view.php on line 4
யாழில் குடும்பஸ்தர் ஒருவர் வெட்டிப் படுகொலை - Tamilwin

யாழில் குடும்பஸ்தர் ஒருவர் வெட்டிப் படுகொலை

advertisement

யாழ்ப்பாணம்,  ஊரெழு பொக்கணைப் பகுதியில் குடும்பஸ்தர் ஒருவர் இன்று அதிகாலை வெட்டப்பட்டி படுகொலை செய்யப்பட்டுள்ளதாக கோப்பாய் பொலிஸார் தெரிவித்துள்ளனர்.

 

இன்று அதிகாலை ஒரு மணியளவில் இச்சம்பவம் இடம்பெற்றுள்ளதாகவும் சடலத்துக்கருகில் கோடரி ஒன்றும் காணப்பட்டதாக கோப்பாய் பொலிஸார் தெரிவித்துள்ளனர்.

கிளிசொச்சி, இராமநாதபுரம், புதுக்காட்டைச் சேர்ந்த முருகேசு சிவராசா (வயது 45) என்பவரே இவ்வாறு படுகொலை செய்யப்பட்டவர் என பொலிஸார் குறிப்பிட்டனர்.

இச்சம்பவம் தொடர்பாக மேலும் தெரியவருவதாவது,

தொழில் செய்வதற்காக யாழ்ப்பாணத்தில் உள்ள உறவினர் வீட்டில் குறித்த நபர் தங்கியிருந்துள்ளார்.

இந்நிலையில், பொக்கணைப் பகுதியில் உள்ள கோவில் ஒன்றில் நடைபெற்ற இசை நிகழ்ச்சியைப் பார்வையிட வந்ததாகவும், இடையில் அவரைக் காணவில்லை என்றும் உறவினர்கள் தெரிவித்துள்ளனர்.

இதனையடுத்து, நிகழ்வு முடிந்து வீடு திரும்பும் போது குறித்த நபரின் உறவினர் வீட்டில் தீப்பற்றி எரிவதைக் கண்ட மக்கள் தீயை அணைத்துவிட்டு பார்த்தபோது, அவர் கோடரியால் தாக்கப்பட்டு இறந்து கிடந்ததாகவும் தெரிவித்தனர்.

இது தொடர்பாக பொலிஸாரிடம் முறைப்பாடு செய்யப்பட்டுள்ளது.

குறித்த சடலம் பிரேத பரிசோதனைக்காக யாழ். போதனா வைத்திசாலையில் ஒப்படைக்கப்பட்டுள்ளதுடன் மேலதிக விசாரணைகளை கோப்பாய் பொலிஸார் மேற்கொண்டு வருகின்றனர்.

advertisement