செய்தி
(2ம் இணைப்பு)
 
ஐ.நா. பொதுச்சபையின் 67வது கூட்டத்தொடரில் மகிந்த பங்கேற்கமாட்டார்! ஆங்கில ஊடகம்
[ வெள்ளிக்கிழமை, 21 செப்ரெம்பர் 2012, 08:04.09 AM GMT ]
ஐ.நா பொதுச்சபையின் 67வது கூட்டத்தொடரில் போர்க்குற்றவாளி மகிந்த ராஜபக்ச பங்கேற்கமாட்டார் என்று ஆங்கில ஊடகம் ஒன்று தகவல் வெளியிட்டுள்ளது.

நியூயோர்க்கில் நடைபெறும் இந்தக் கூட்டத்தொடரில் போர்க்குற்றவாளி மகிந்த ராஜபக்ச வரும் 26ம் நாள் பிற்பகல் அமர்வில் உரையாற்ற நேரம் ஒதுக்கப்பட்டிருந்தது.

இலங்கை ஜனாதிபதி வருகை உறுதிப்படுத்தப்பட்ட பின்னரே, அவருக்கான நேரம் ஒதுக்கப்பட்டு, ஐ.நாவின் நிகழ்ச்சி நிரலில் சேர்க்கப்பட்டது.

இந்தநிலையில் அவர் தனது அமெரிக்கப் பயணத்தைத் திடீரெனக் கைவிட்டுள்ளதாக அறிவிக்கப்பட்டுள்ளது.

இலங்கை ஜனாதிபதிக்குப் பதிலாக வெளிவிவகார அமைச்சர் ஜி.எல்.பீரீஸ் தலைமையிலான குழு இந்தக் கூட்டத்தில் பங்கேற்கும் என்று கூறப்படுகிறது.

ஐ.நா பொதுச்சபைக் கூட்டத்தில் பங்கேற்க வரும் போர்க்குற்றவாளியை கண்டித்து புலம்பெயர் தமிழர்கள் பேரணி நடத்த அழைப்பு விடுத்திருந்த நிலையிலேயே, இந்தப் பயணத்தை அவர் திடீரெனக் கைவிட்டுள்ளதாக தகவல் வெளியாகியுள்ளது.

போர்க்குற்றவாளி மகிந்த ராஜபக்சவின் பயணம் திடீரெனக் கைவிடப்பட்டதற்கான காரணம் ஏதும் வெளியிடப்படவில்லை.

2ம் இணைப்பு

ஐ.நாவிற்கான மகிந்த ராஜபக்சவின் அமெரிக்கப் பயணம் ரத்தானது ! நாடுகடந்த தமிழீழ அரசாங்கத்திற்கு கிடைத்த வெற்றியா!

ஐக்கிய நாடுகள் சபையின் வருடாந்தக் கூட்டத்தில் பங்கெடுத்து உரையாற்றவிருந்த இலங்கை அரசுத் தலைவர் மகிந்த ராஜபக்சவின் அமெரிக்கப் பயணம் இடைநிறுத்தப்பட்டுள்ளதாக கொழும்புச் செய்திகள் தெரிவித்துள்ளன.

இலங்கை அரசுத் தலைவர் மகிந்த ராஜபக்சவின் வருகைக்கு எதிராக, செப்ரெம்பர் 26ம் திகதி சனிக்கிழமையன்று நியூயோர்க்கில் உள்ள ஐ.நா தலைமையகத்திற்கு முன்னால், நாடுகடந்த தமிழீழ அரசாங்கத்தின் அழைப்பின் பேரில், அமெரிக்க மற்றும் கனேடியத் தமிழர்கள் கவனயீர்ப்பு போராட்டமொன்றிற்கு தயாராகி வரும் நிலையில், மகிந்த ராஜபக்சவின் அமெரிக்கப் பயணம் ரத்தாகியுள்ள செய்தி வெளிவந்துள்ளது.

இதேவேளை, பிரதமர் வி.உருத்திரகுமாரன் அவர்கள் வழக்காடும், மகிந்த ராஜபக்சவிற்கு அமெரிக்க அரசினால் வழங்கப்படும் இராஜதந்திர விலக்கிற்கு எதிரான வழக்கினை, அமெரிக்க மாவட்ட நீதிமன்றமொன்று தள்ளுபடி செய்துள்ள போதும், இவ்வழக்கினை மேன்முறையிட்டு நீதிமன்றுக்கு கொண்டு செல்லப்படவுள்ள நிலையில், மகிந்த ராஜபக்சவின் அமெரிக்கப் பயணம் ரத்தாகியுள்ளது.

இவ்விவகாரம் குறித்து இலங்கை அரச வட்டாரங்கள் உத்தியோகபூர்வமாக எதனையும் தெரிவிக்கவில்லை.

இலங்கை அரசுத் தலைவரது லணடன் பயணங்கள் அவருக்கு கசப்பான அனுபவங்களை ஏற்கனவே கொடுத்துள்ள நிலையில், மேற்குலக நாடுகளுக்கான மகிந்தவின் பயணங்கள் பெரும் சவால் மிகுந்ததாகவே உள்ளது.

நாடுகடந்த தமிழீழ அரசாங்கத்தின் முனைப்பில் மகிந்த ராஜபக்சவிற்கு எதிரான வழக்கு மற்றும் கவனயீர்ப்பு போராட்டம் ஆகியனவற்றின் ஊடாக, மீண்டும் ஒரு தடவை சர்வதேச அரங்கொன்றில் அசிங்கப்பட்டு நாடுதிரும்புவதை  இலங்கை அரசுத் தலைவர் விரும்பாமை காரணமாகவே இப்பயணம் ரத்தாகியிருப்பின், அது நாடுகடந்த தமிழீழ அரசாங்கத்திற்கு கிடைத்த வெற்றியாக கருதலாமென அரசியல் அவதானிகள் தெரிவிக்கின்றனர்.

மகிந்த ராஜபக்சவினது அமெரிக்கப் பயணம் ரத்தாகியுள்ளதாக செய்தி வெளிவந்துள்ள நிலையில் மகிந்தவிற்கு எதிரான 'பொங்குதமிழ்' கவனயீர்ப்பு எழுர்ச்சி நிகழ்வு இறுதிநேரம் வரை தயார் நிலையிலேயே இருக்குமென நாடுகடந்த தமிழீழ அரசாங்க வட்டாரங்கள் தெரிவித்துள்ளன.

Content of Popup
பிந்திய 5 செய்திகள்
[ Sunday, 19-04-2015, 04:00.21 PM ]
யாழ்.மாவட்டத்தில் மக்களுடைய நிலங்களை கையகப்படுத்தி உயர்பாதுகாப்பு வலயங்களை வைத்திருப்பதாக அரசாங்கமும், படையினரும் கூறிவந்த நிலையில் உயர்பாதுகாப்பு வலயத்திற்குள் உள்ளடங்கியிருந்த மக்களுடைய பெறுமதியான விவசாய நிலங்களை படையினர் குப்பை கொட்டுவதற்காக பயன்படுத்தியமையினை கண்டு மக்கள் அதிர்ச்சியில் ஆழ்ந்துள்ளனர்.
[ Sunday, 19-04-2015, 03:11.01 PM ]
வெளிநாடுகளின் நம்பிக்கைக்கு பாத்திரமாக இலங்கையின் புதிய அரசு தொடர்ந்தும் இருந்து வருகின்றதா? இந்தச் சந்தேகத்தை சர்வதேச ஊடகங்கள் பல எழுப்பி வருகின்றன.
[ Sunday, 19-04-2015, 02:37.42 PM ]

புலம்பெயர் மக்களின் உதவிகள் எமது மக்களுக்கு எப்பொழுதும் ஆறுதலை தரவல்லனவாக இருக்கின்றது என நாடாளுமன்ற உறுப்பினர் சிறீதரன் தெரிவித்துள்ளார்.

[ Sunday, 19-04-2015, 02:24.33 PM ]
மூன்றாம் உலகப்போர் நீரினால் தான் ஏற்படும் என்றும் இயற்கையால் தான் அது அமையும் என்றும் விஞ்ஞானிகளும் அறிஞர்களும் தெரிவித்துக் கொண்டிருக்கையில் மூன்றாம் உலகப்போர் என்று தன் படைப்பை படைத்தார் கவிப்பேரரசு வைரமுத்து.
[ Sunday, 19-04-2015, 02:17.17 PM ]
முன்னாள் போராளிகளில் 324 பேர் பல்கலைக்கழகங்களுக்கு அனுமதி பெற்றுள்ளதாக புனர்வாழ்வு ஆணையாளர் மேஜர் ஜெனரல் ஜெகத் விஜேதிலக தெரிவித்துள்ளார்.
[ Sunday, 19-04-2015 14:35:06 GMT ]
எத்தியோப்பிய நாட்டை சேர்ந்த 30 கிறிஸ்த்துவர்களை ஐ.எஸ் தீவிரவாதிகள் துடிக்க துடிக்க கொல்வது போன்ற இரண்டாவது வீடியோ வெளியாகி அதிர்ச்சியை ஏற்படுத்தியுள்ளது.
[ Sunday, 19-04-2015 13:22:28 GMT ]
மத்திய அரசின் ஏழைகளுக்கான திட்டம் குறித்து இந்திய பிரதமர் மோடி பாரதீய ஜனதா எம்.பி.க்கள் மத்தியில் பேசியுள்ளார்.
[ Sunday, 19-04-2015 15:19:41 GMT ]
பெங்களூர் அணிக்கெதிரான இன்றைய ஐ.பி.எல் போட்டியில் மும்பை இண்டியன்ஸ் அணி துடுப்பெடுத்தாடி வருகிறது.
[ Sunday, 19-04-2015 06:16:36 GMT ]
பொதுவாக நடைப்பயிற்சி சென்று வந்தவுடன் உடனடியாக சாப்பிட்டால் உடல் எடை அதிகரித்து விடுமோ என்ற கேள்வி பலரது மனதிலும் தோன்றும்.
Advertisements
நாளாந்தம் மின்னஞ்சலில் செய்திகளை பெற
[ Sunday, 19-04-2015 02:17:31 ]
கடந்த மாத இறுதியில் சீன - இலங்கைப் படையினருக்கு இடையில் ஆரம்பிக்கப்பட்ட போர்ப்பயிற்சிக்கு, சீனா வைத்திருக்கும் பெயர் பட்டுப்பாதை ஒது்துழைப்பு 2015  என்பதாகும்.