Warning: Invalid argument supplied for foreach() in /var/www/html/sites/tamilwin/desktop/system/app/template/meta_view.php on line 4
தமிழக மீனவர் ஒருவர் இலங்கைச் சிறையில் உயிரிழப்பு - Tamilwin

தமிழக மீனவர் ஒருவர் இலங்கைச் சிறையில் உயிரிழப்பு

advertisement

இலங்கைக் கடல் எல்லையில் வைத்து கடற்படையினரால் கைது செய்யப்பட்டு, சிறை வைக்கப்பட்டிருந்த தமிழக மீனவர் ஒருவர் நேற்று உயிரிழந்து விட்டதாகத் தகவல்கள் வெளியாகியுள்ளன.

இவர் கடந்த 8 ஆண்டுகளாக இலங்கை தலைநகர் கொழும்புக்கு அருகே உள்ள வெலிக்கடை சிறையில் அடைத்து வைக்கப்பட்டிருந்தார்.

கடந்த 2004ம் ஆண்டு மண்டபம் கடற்பகுதியில் இருந்து இலங்கைக்கு நாட்டுப் படகில் போதைப் பொருட்களை கடத்தியதாக இராமநாதபுரத்தைச் சேர்ந்த 2 மீனவர்களை இலங்கை கடற்படையினர் கைது செய்தனர்.

இவர்களில் 62 வயதான தங்கராசு என்பவர் நேற்று உயிரிழந்தார்.

இவரது இறப்புக்கு காரணம், மாரடைப்பு என்று கூறப்பட்டுள்ளது.

அவரது உடலைக் கொண்டு வரும்படி, தங்கராசுவின் உறவினர்கள் அதிகாரிகளுக்கு கோரிக்கை வைத்துள்ளனர். இதையடுத்து அவரது உடலை தமிழகம் கொண்டு வர கொழும்பில் உள்ள இந்திய தூதரகம் ஏற்பாடுகளைச் செய்வதாக தெரியவருகிறது.

advertisement