இந்தியாவில் இலங்கைப் படையினருக்கு தொடர்ந்தும் பயிற்சி

இலங்கையின் படைவீரர்களுக்கு தொடர்ந்தும் பயிற்சிகள் வழங்கப்படுவதாக இந்திய இராணுவ அதிகாரி ஒருவர் குறிப்பிட்டுள்ளார்.

இலங்கைப் படையினருக்கு இந்தியாவில் பயிற்சிகள் வழங்கப்படக்கூடாது என்று தமிழக முதல்வர் உட்பட்ட கட்சி தலைவர்கள் வலியுறுத்தி வருகின்ற நிலையில், இந்த அதிகாரியின் தகவல் வெளியாகியுள்ளது.

இந்தியாவின் தென்பிராந்திய கட்டளைத் தளபதி லெப்டினன்ட் ஜெனரல் ஏ.கே.சிங் இதனை கூறியுள்ளார். இலங்கைப் படையினருக்கு இந்தியாவில் பல்வேறுப்பட்ட பயிற்சிகள் வழங்கப்பட்டு வருகின்றன.

அவை இலங்கைப் படையினருக்கு பாரியளவில் உதவக் கூடியவகையில் மேற்கொள்ளப்படுவதாகவும் சிங் குறிப்பிட்டுள்ளார்.

இந்திய படைப்பயிற்சிகளுக்கு இலங்கையில் நல்ல மதிப்பு இருப்பதாக குறிப்பிட்ட அவர், அந்த நாட்டின் விமான மற்றும் கடற்படையினரும் பயிற்சிகளை பெற்றுவருவதாக தெரிவித்துள்ளார்.