அழுத்தங்களினால் இராணுவ மேஜர் வழக்கை வாபஸ் பெற்றார்! பதவி நீக்கம் செய்துள்ளதாகவும் தகவல்- ஐ.தே.க.

மோ்வின் சில்வாவின் மகனான மாலக சில்வாவினால் தாக்கப்பட்டதாக கூறப்படும் இராணுவ மேஜர் வழக்கை வாபஸ் பெற்றமைக்கு சில தரப்புகளிலிருந்து விடுக்கப்பட்ட அழுத்தங்கள் காரணமா என நாடாளுமன்றத்தில் ஐக்கிய தேசியக் கட்சி இன்று கேள்வி எழுப்பியது.

இராணுவ மேஜரின் வழக்குரைஞர் வழக்கை வாபஸ்பெற்றுள்ளதாகவும் அவர் மீது அழுத்தங்கள் பிரயோகிக்கப்பட்டதன் காரணமாக இது நடந்துள்ளதாக தென்படுவதாகவும் களுத்துறை மாவட்ட ஐ.தே.க. நாடாளுமன்ற உறுப்பினர் அஜித் பி. பெரேரா கூறினார்.

அமைச்சர் மேர்வின் சில்வாவினால் மரத்தில் கட்டப்பட்ட சமுர்த்தி அதிகாரி ஒருவரும் இதேபோன்று முறைப்பாட்டை வாபஸ்பெற்றதாகவும் நாடாளுமன்ற உறுப்பினர் அஜித் பெரேரா சுட்டிக்காட்டினார்.

சமுர்த்தி அதிகாரியின் நிலைக்கு இராணுவ அதிகாரியும் இறங்கிவிட்டாரா என தெரிந்துகொள்ள விரும்புகிறேன்' என அவர் கூறினார்.

அத்துடன், முப்படை பதவி உயர்வுகளிலும் அரசியல் நட்பே ஆதிக்கம் செலுத்துகின்றது. திறமை சேவைக்காலம் எல்லாம் புறக்கணிக்கப்படுகின்றன. தம்முடன் நட்பாக இருக்கும் போதே தளபதியாக நியமிக்கப்படுகின்றார்கள்.

போதைவஸ்து வியாபாரிகளும் பாதாள குழுக்களுமே நாட்டை நிர்வகிக்கின்றனர் என்று ஐ.தே.க. எம்.பியான அஜித் பி. பெரேரா சபையில் தெரிவித்தார்.

பாராளுமன்றத்தில் நேற்றைய அமர்வின் போது இடம்பெற்ற ரணவிரு சேவா அதிகார சபை திருத்தச் சட்டம் மீதான விவாதத்தின் போதே அவர் மேற்கண்டவாறு தெரிவித்தார்.

இதேவேளை, அமைச்சர் மேர்வின் சில்வாவின் மகன் மாலக சில்வாவினால் தாக்குதலுக்கு இலக்காகி இராணுவ வைத்தியசாலையில் அனுமதிக்கப்பட்டுள்ள இலங்கை இராணுவத்தின் உளவுப் பிரிவைச் சேர்ந்த மேஜரான சந்தன பிரதீப் சுசேன என்பவரை இராணுவ சேவையிலிருந்து உடனடியாக நீக்கி விடும்படி பாதுகாப்பு அமைச்சின் செயலாளரான கோத்தபாய ராஜபக்ச இராணுவத் தளபதிக்கு உத்தரவிட்டுள்ளார் எனத் தகவல்கள் வெளிவந்துள்ளன.

advertisement

பிந்திய செய்திகள்

மேலும் பிந்திய செய்திகளுக்கு

இதை படிக்கலனா படிச்சிடுங்க ப்ளீஸ்

மேலும் செய்திகளுக்கு