செய்தி
பிரதம நீதியரசருக்கு எதிரான குற்றப் பிரேரணை பாராளுமன்ற தெரிவுக்குழு நியமனம்
[ செவ்வாய்க்கிழமை, 13 நவம்பர் 2012, 11:47.48 PM GMT ]
பிரதம நீதியரசர் சிராணி பண்டாரநாயக்கவுக்கு எதிரான குற்றப் பிரேரணையை விசாரணை செய்வதற்காக சபாநாயகர் சமல் ராஜபக்‌ஷ நாளை பாராளுமன்றத் தெரிவுக்குழுவை நியமிப்பார் என்று பிரதி சபாநாயகர் சந்திம வீரக்கொடி தெரிவித்தார்.

இத்தெரிவுக் குழுவுக்கான தலைவரும் சபாநாயகரினால் நியமிக்கப்படுவார் என்றும் அவர் குறிப்பிட்டார். பிரதம நீதியரசர் சிராணி பண்டாரநாயக்கவுக்கு எதிராக 117 ஆளும் தரப்பு எம்.பி.க்களின் கையொப்பத்துடன் கூடிய குற்றப் பிரேரணை சபாநாயகரிடம் கையளிக்கப்பட்டது.

இதனை விசாரிப்பதற்காக 11 பேர் கொண்ட குழு நியமிக்கப்பட உள்ளதோடு, இதற்காக ஆளும் தரப்பு சார்பாக 7 பேரின் பெயரும், எதிர்த்தரப்பு சார்பாக 4 பேரின் பெயரும் சிபாரிசு செய்யப்பட்டுள்ளது.

இவர்களின் விபரங்கள் பாராளுமன்ற செயலாளர் நாயகத்திற்கு வழங்கப்பட்டுள்ளதாகவும் பிரதி சபாநாயகர் கூறினார்.

பாராளுமன்றம் நாளை காலை 9.30 மணிக்கு கூடும்போது பிரதம நீதியரசருக்கு எதிரான குற்றப்பிரேரணையை விசாரணை செய்ய தெரிவுக்குழு நியமிப்பது குறித்து சபாநாயகர் விசேட அறிவித்தல் ஒன்றை வெளியிட உள்ளார் எனவும் அவர் கூறினார்.

மேற்படி தெரிவுக்குழுவுக்கு ஆளும் தரப்பு சார்பாக அமைச்சர்களான நிமல் ஸ்ரீபால டி சில்வா, அநுர பிரியதர்சன யாப்பா, சுசில் பிரேம் ஜெயந்த், டொக்டர் ராஜித சேனாரத்ன, விமல் வீரவங்ச, டிலான் பெரேரா மற்றும் பிரதி அமைச்சர் நியோமால் பெரேரா ஆகியோர் நியமிக்கப்பட்டுள்ளனர். எதிர்த்தரப்பு சார்பாக எம்.பி.க்களான ஜோன் அமரதுங்க, லக்ஷ்மன் கிரியெல்ல, விஜித ஹேரத், ஆர். சம்பந்தன் ஆகியோர் நியமிக்கப்பட்டுள்ளனர்.

சபாநாயகரினால் நாளை நியமிக்கப்படவுள்ள இந்த பாராளுமன்றத் தெரிவுக்குழு ஒருமாத காலத்தில் தனது விசாரணை அறிக்கையை சபாநாயகரிடம் சமர்ப்பிக்க உள்ளதாகவும் பிரதி சபாநாயகர் கூறினார்.

தெரிவுக்குழுவிற்கான தலைவர் நாளை நியமிக்கப்பட்ட பின்னர், அதே தினத்தில் இருந்து தெரிவுக்குழு கூட முடியும் எனவும், அது குறித்து தெரிவுக்குழுத் தலைவர் தீர்மானிப்பார் எனவும் பிரதி சபாநாயகர் தெரிவித்தார். பாராளுமன்றத்தில் 2013 ஆம் ஆண்டிற்கான வரவு செலவுத் திட்ட விவாதம் நடைபெறுகிற போதும், தெரிவுக்குழுவின் செயற்பாடுகளுக்கு இதனால் எதுவித தடங்கலும் எழாது எனவும், தெரிவுக்குழு விசாரணைகள் புறம்பாகவே இடம்பெறும் என்றும் அவர் குறிப்பிட்டார்.

இத் தெரிவுக்குழுவின் இறுதி அறிக்கை இறுதியாக பாராளுமன்றத்தினூடாக ஜனாதிபதிக்கு கையளிக்கப்படும். பிரதம நீதியரசர் தொடர்பில் ஜனாதிபதியாலே இறுதி முடிவு எடுக்கப்படும் என்பது குறிப்பிடத்தக்கது.

Content of Popup
பிந்திய 5 செய்திகள்
[ Friday, 31-07-2015, 05:10.36 PM ]
ஜ.நா. அறிக்கை புரட்டாசி மாதம் வெளியான பின்னர் பொறுப்புகூறல் தொடர்பில் உள்ளக பொறிமுறை ஒன்று உருவாக்கப்படும் என தெரிவித்திருக்கும் பிரதமர் ரணில் விக்கிரமசிங்க பாதிக்கப்பட்டவர்கள் எந்த இனத்தை சார்ந்தவர்களாக இருப்பினும் நீதி பெற்றுக் கொடுக்கப்படும் எனவும் கூறியுள்ளார்.
[ Friday, 31-07-2015, 05:00.29 PM ]
எம் மண்ணை தின்று கொண்டிருக்கிற டக்ளசின் சின்ன குட்டிச்சாத்தான் சந்திரகுமார் இங்கு வந்தார். அவருடன் இங்குள்ள சிலரும் சேர்ந்துள்ளனர். இவர்களெல்லாம் ஏஜென்சி வேலை பார்த்து, மக்களின் பணங்களை கொள்ளையடிக்கின்றனர்.
[ Friday, 31-07-2015, 04:42.29 PM ]
தேர்தல் அறிவிக்கப்பட்ட பின்பு குழப்பத்தில் இருந்தேன். ஈபிடிபியில் சேர்ந்துவிடலாமென நினைத்தேன் என்கிறார் தமிழ் தேசிய கூட்டமைப்பின் கிளிநொச்சி மாவட்ட உபதலைவர் பொன்.காந்தன்.
[ Friday, 31-07-2015, 04:24.45 PM ]
இந்தியாவில் கன்னியாகுமாரி மாவட்டத்தில் பூரண மதுவிலக்கு கோரி போராட்டத்தில் ஈடுபட்ட காந்தியவாதி சசி பெருமாள் திடீரென உயிரிழந்துள்ளார்.
[ Friday, 31-07-2015, 04:01.00 PM ]
கொட்டாஞ்சேனை புளூமென்டல் வீதியில் ஐ.தே.கவின் ஆதரவாளர்கள் மீது நடத்தப்பட்ட துப்பாக்கிச் சூட்டுச் சம்பவத்தில் உயிரிழந்தவர்களின் எண்ணிக்கை இரண்டாக அதிகரித்துள்ளதாக, கொழும்பு தேசிய மருத்துவமனைத் தகவல்கள் தெரிவிக்கின்றன.
[ Friday, 31-07-2015 15:35:53 GMT ]
காரீபியன் கடலில் அமைந்துள்ள ஹைதி தீவில், கடலை ஒட்டியுள்ள சேரி மக்கள் உணவு கிடைக்காமல் அல்லல்பட்டு வருகின்றனர்.
[ Friday, 31-07-2015 13:04:53 GMT ]
மத்தியப்பிரதேசத்தில் ஆட்டோ திருடியதாகக் கூறி, சிறுவன் ஒருவனை பொது மக்கள் கண்மூடித்தனமாக தாக்கிய சம்பவம் பெரும் அதிர்ச்சியை ஏற்படுத்தியுள்ளது.
[ Friday, 31-07-2015 11:25:28 GMT ]
உலகக்கிண்ணம் வென்று நாட்டிற்கு பெருமை சேர்த்த இலங்கை அணியை கவுரவிக்கும் விதமாக கொழும்புவில் பிரம்மாண்ட கிரிக்கெட் கோபுரம் கட்டப்படுகிறது.
[ Friday, 31-07-2015 14:48:30 GMT ]
நாம் அன்றாடம் வாழ்வில் பயன்படுத்தும் பொருட்களில் ஒன்றான அரிசியின் பலன்கள் தெரியாமலேயே பலர் சமீபகாலமாக அதனை தவிர்த்து கோதுமைக்கு மாறி வருகின்றனர்.
Advertisements
நாளாந்தம் மின்னஞ்சலில் செய்திகளை பெற
[ Thursday, 30-07-2015 12:41:47 ]
'வேலுப்பிள்ளை பிரபாகரன் ஓர் உன்னதமான போராளி' - என்று நான் எழுதியதில் இருந்த ஒவ்வொரு எழுத்துக்கும் உயிரிருக்கிறது. அதிலிருந்த ஒவ்வொரு வார்த்தையும் நிஜம். வெற்று வார்த்தைகள் இல்லை அவை.