செய்தி
பிரதம நீதியரசருக்கு எதிரான நடவடிக்கைகளை இலங்கை அரசு மறுபரிசீலனை செய்ய வேண்டும்: ஐ.நா சிறப்பு பிரதிநிதி
[ வெள்ளிக்கிழமை, 16 நவம்பர் 2012, 03:52.29 AM GMT ]

இலங்கையின் பிரதம நீதிபதி ஷிராணி பண்டாரநாயக்கவை பதவிநீக்கம் செய்யும் ஒழுங்காற்று நடவடிக்கைகளை இலங்கை அரசு மறுபரிசீலனை செய்ய வேண்டும் என்று நீதிபதிகள் மற்றும் வழக்கறிஞர்களின் தனித்துவத்துக்கான ஐநா மன்றத்தின் சிறப்பு பிரதிநிதி கேப்ரியல் க்னவுல் கோரியுள்ளார்.

அப்படி இல்லாத நிலையில் ஷிரானி பண்டாரநாயக்க மீதான ஒழுங்காற்று நடவடிக்கைகள் அடிப்படை மனித உரிமைகள் மற்றும் நியாயமான நடைமுறைகளின் அடிப்படையில் அமையவேண்டும் என்றும் அவர் தெரிவித்திருக்கிறார்.

உச்சநீதிமன்ற நீதிபதிகளை நீக்குவது தொடர்பான இலங்கை அரசியல் சட்டத்தின் 107ஆவது பிரிவின் மூலம் இலங்கை நாடாளுமன்றம், இலங்கையின் நீதித்துறையின் மீது கணிசமான செல்வாக்கை செலுத்துவதாக தெரிவித்திருக்கும் கேப்ரியல் க்னவுல், இது இலங்கை நாடாளுமன்றத்திற்கும் நீதித்துறைக்கும் இடையிலான அதிகாரப்பகிர்வு என்கிற தத்துவத்திற்கு எதிராக இருப்பதாகவும், சிவில் மற்றும் அரசியல் உரிமைகளுக்கான சர்வதேச ஒப்பந்தங்களுக்கு எதிராக இருப்பதாகவும் தெரிவித்திருக்கிறார்.

இலங்கையின் நீதித்துறை குறித்து விடுத்திருக்கும் விரிவான அறிக்கையில், இலங்கையில் நீதிபதிகள் மற்றும் நீதித்துறை அலுவலர்கள் மீதான அழுத்தங்கள் மற்றும் தாக்குதல்கள் தொடர்பான செய்திகள் தொடர்பில் அவர் ஆழ்ந்த கவலை வெளியிட்டிருக்கிறார்.

இலங்கை நீதித்துறையின் சுயாதீனத்தன்மை மீதான தாக்குதல்கள், அச்சுறுத்தல்கள், பதில் நடவடிக்கைகள் மற்றும் தலையீடுகளின் ஒருபகுதியாகவே இந்த நடவடிக்கைகள் அமைவதாக கொள்ளவேண்டி வரும் என்றும் அவர் எச்சரித்திருக்கிறார்.

இலங்கை நீதித்துறை அதிகாரிகள் மீது நேரடி தாக்குதல்களோ மறைமுக அழுத்தங்களோ இல்லாமல் அவர்கள் தங்களின் தொழில்ரீதியிலான அலுவல்களை எந்தவித அச்சமும், முறையற்ற தலையீடும், வெளியார் அழுத்தங்களும் இல்லாமலும் இலங்கையின் சர்வதேச கடப்பாடுகளுக்கு அமையும் வகையிலும் செய்யக்கூடிய சூழலை இலங்கை அரசு உருவாக்கவேண்டும் என்றும் அவர் கோரியிருக்கிறார்.

இலங்கையின் நீதித்துறை மீதான தாக்குதல்கள் மற்றும் தலையீடுகள் தொடர்பாக இலங்கை அரசு உண்மையான விசாரணைகளை நடத்துவதில்லை என்றும், இதை செய்தவர்கள் அதற்கு பொறுப்பாக்கப்படுவதில்லை என்றும் சுயாதீனமான மனித உரிமை நிபுணர்கள் அறிக்கை அளித்திருப்பதாகவும் கேப்ரியல் க்னவுல் தெரிவித்திருக்கிறார்.

இலங்கை நீதிபதிகளை பதவிநீக்கம் செய்யமுடியாத தன்மையானது அந்நாட்டின் நீதித்துறையின் சுயாதீனத்தன்மையை தாங்கும் முக்கிய தூணாக இருப்பதாகவும் மிகவும் அரிதான சந்தர்ப்பங்களில் மட்டுமே இந்த கொள்கையில் தலையீடுகள் இருக்கவேண்டும் என்றும் தெரிவித்திருக்கும் கேப்ரியல் க்னவுல், நவம்பர் முதல் தேதி இலங்கை நாடாளுமன்றத்தினால் முன்னெடுக்கப்பட்டிருக்கும் தலைமை நீதிபதி ஷிராணி பண்டாரநாயக்க மீதான பதவிநீக்க நடவடிக்கைகள் தொடர்பாக தனது சங்கடங்களையும் தெரிவித்திருக்கிறார்.

மிகமோசமான நடத்தைகள் அல்லது திறமையற்ற தன்மை ஆகியவை காரணமாக மட்டுமே நீதிபதிகள் பதவி நீக்கம் செய்யப்படலாம் என்றும் அதுவும்கூட முறையான சட்ட நடைமுறைகளின் அடிப்படையிலான நியாயமான வழக்கு விசாரணைகள் நடந்த பின்னரே அது செய்யப்பட வேண்டும் என்றும் அவர் கூறியிருக்கிறார்.

இந்த வழக்கு நடைமுறைகளின் முடிவுகள் கூட சுயாதீனமான மீளாய்வுக்குட்பட்டதாக இருக்க வேண்டும் என்றும் அவர் வலியுறுத்தியுள்ளார். சுயாதீனமான நீதிபதிகளை பழிவாங்குவதற்கான ஒரு வழிமுறையாக ஒழுங்காற்று நடவடிக்கைகளை பயன்படுத்துவதை ஏற்கமுடியாது என்றும் கேப்ரியல் க்னவுல் கண்டித்திருக்கிறார்.

Content of Popup
பிந்திய 5 செய்திகள்
[ Wednesday, 01-04-2015, 05:10.28 AM ]
பிரதமர் ரணில் இந்த கூட்டணி அரசாங்கத்தை நியமித்தது தனது அரசியல் அதிகாரத்தை பாதுகாக்கும் நோக்கத்திற்காக மாத்திரமே என மக்கள் ஐக்கிய முன்னணியின் தலைவர் தினேஷ் குணவர்தன தெரிவித்துள்ளார்.
[ Wednesday, 01-04-2015, 04:49.51 AM ]
ஆனைமடு - புத்தளம் பிரதேசத்தில் மின்னல் தாக்கத்தினால் பெண் ஒருவர் நேற்றிரவு உயிரிழந்துள்ளார்.
[ Wednesday, 01-04-2015, 04:48.30 AM ]
ஜனாதிபதி மைத்திரிபால சிறிசேன தலைமையிலான அரசாங்கம் தனது பாதுகாப்பை குறைத்து விட்டதாக முன்னாள் ஜனாதிபதி மஹிந்த ராஜபக்ஷ தொடர்ந்தும் குற்றம் சுமத்தி வருகிறார்.
[ Wednesday, 01-04-2015, 04:27.00 AM ]
அம்பாறை மாவட்ட பொத்துவில் பிரதேச பிரிவிற்கு உட்பட்ட மேட்டு நிலக்காணிகளில் பயிர்ச்செய்கையை மேற்கொள்வதற்கு தடை ஏற்படுத்தி அப்பிரதேசங்களில் பூர்வீகமாக வாழ்ந்த கிராம மக்களை நுழைய விடாது தடுக்கும் செயற்பாடுகள் தற்போதும் இடம்பெற்று வருவதாக கிழக்கு மாகாணசபை உறுப்பினர் த.கலையரசன் தெரிவித்தார்.
[ Wednesday, 01-04-2015, 04:24.40 AM ]
19வது அரசியலமைப்பிற்கு ஆதரவு தெரிவித்து தமிழ்த் தேசிய கூட்டமைப்பு தலையீட்டு மனுவொன்றை தாக்கல் செய்துள்ளது.
[ Tuesday, 31-03-2015 16:05:40 GMT ]
நேபாளத்தில் காண்டாமிருகம் ஒன்று ஊருக்குள் புகுந்து அங்கிருந்தவர்களை தாக்கியுள்ள சம்பவம் பரபரப்பை ஏற்படுத்தியுள்ளது.
[ Tuesday, 31-03-2015 16:45:31 GMT ]
ராமநாதபுர மாவட்டத்தில் ரதம் ஒன்று கடலில் மிதந்து வந்ததால் பொதுமக்கள் பீதியடைந்துள்ளனர்.
[ Wednesday, 01-04-2015 04:54:06 GMT ]
உலகக்கிண்ண தொடர் முடிந்தவுடன் அறிவிக்கப்பட்ட ஐ.சி.சி. கனவு லெவனில் இந்திய வீரர் ஒருவருக்கு கூட இடம் கிடைக்கவில்லை.
[ Wednesday, 01-04-2015 02:01:35 GMT ]
சில தினங்களுக்கு முன்னர் WhatsApp applicationனில் குரல் வழி அழைப்பு வசதி அறிமுகப்படுத்தப்படவுள்ளதாக தகவல் வெளியாகிய நிலையில் அனைத்து மொபைல் சாதன பாவனையாளர்களும் பலத்த எதிர்பார்ப்புடன் காத்திருந்தனர்.
Advertisements
நாளாந்தம் மின்னஞ்சலில் செய்திகளை பெற
[ Tuesday, 31-03-2015 15:18:41 ]
புதிய ஜனாதிபதியும் புதிய அரசாங்கமும் ஜனநாயக தன்மையில் இலங்கையில் தெரிவு செய்யப்பட்டு முழு நிறைவேற்று பணிகளை ஆற்றி வருகின்றனர். இந்த புதிய அரசாங்கம் நூறு நாள் வேலைத்திட்டம் என்ற தொனிப்பொருளில் பல வேலைத்திட்டங்களை மேற்கொண்டு வருகின்றது.