செய்தி
(4ம் இணைப்பு)
Photo
அதிரடி படையினர் - கைதிகள் மோதல்: 13 பேர் பலி! பிரதிப் பொலிஸ்மா அதிபர் உட்பட 45 பேர் வைத்தியசாலையில் அனுமதி
[ வெள்ளிக்கிழமை, 09 நவம்பர் 2012, 12:00.18 PM GMT ]
கொழும்பு வெலிக்கடை சிறைச்சாலையில் கைதிகளுக்கும் விசேட படையினருக்கு இடையில் முறுகல் நிலை ஏற்பட்டுள்ளது. இதில் 13 கைதிகள் வரை கொல்லப்பட்டனர். கொல்லப்பட்ட அனைவரும் சிங்களக் கைதிகள். தமிழ்க்கைதிகளுக்கு எதுவித பாதிப்புமில்லை என தெரிவிக்கப்படுகிறது.

பொலிஸ் விசேட அதிரடிப்படையினர் கொழும்பு வெலிக்கடை சிறைச்சாலையில் இன்று மாலை தேடுதல் நடவடிக்கைகளில் ஈடுபட்டுள்ளனர்.

இதன்போது கோபமுற்ற கைதிகள் குறித்த படையினருடன் வாக்கு வாதத்தில் ஈடபட்டதால் முறுகல் நிலை ஏற்பட்டு அது பின்னர் கலவரமாக மாறியுள்ளது.

இதனையடுத்து ஏற்பட்ட கலவரத்தை கட்டுப்படுத்துவதற்கு பொலிஸார் மற்றும் பாதுகாப்பு படையினர் குவிக்கப்பட்டு கண்ணீர்ப்புகை பிரயோகம் மேற்கொள்ளப்பட்டுள்ளது.

வெலிக்கடை சிறைச்சாலை பகுதியில் தொடர்ந்தும் பதற்றம் போக்குவரத்து தடை

வெலிக்கடை சிறைச்சாலையில் விசேட அதிரடிப் படையினருக்கும் கைதிகளுக்கும் இடையில் ஏற்பட்ட கலவர நிலையை அடுத்து அந்தப் பிரதேசத்தில் பதற்றம் ஏற்பட்டுள்ளது.

இதனையடுத்து பேஸ் லைன் வீதியின் பொரளை முதல் தெமட்டக்கொட வரையிலான வீதியின் போக்குவரத்து முழுமையாக தடை செய்யப்பட்டுள்ளது.

சிறைசாலைக்குள் இருக்கும் கைதிகள் வீதியை நோக்கி கல்வீச்சு தாக்குதலை நடத்தலாம் என்ற அச்சத்திலேயே இந்தப்பாதை மூடப்பட்டுள்ளது.

இந்தநிலையில் சிறைச்சாலைக்குள் சோதனை நடவடிக்கையை மேற்கொண்டு விட்டு விசேட அதிரடிப் படையினர் திரும்பும் போது கைதிகள் அவர்கள் மீது தாக்குதல் நடத்தியதாகவும் இதன்போது கண்ணீர் புகைப் பிரயோகம் மேற்கொள்ளப்பட்டு நிலைமை கட்டுக்குள் கொண்டு வரப்பட்டதாகவும் தெரிவிக்கப்படடுள்ளது.

இதன்போது எவருக்காவது சேதங்கள் ஏற்பட்டதா என்பதை அறியமுடியவில்லை.

மூன்றாம் இணைப்பு:

தற்போது வெலிக்கடை சிறைச்சாலையில் விசேட அதிரடிப்படையினருக்கும் கைதிகளுக்கும் இடையில் பரஸ்பர துப்பாக்கிச்சூடு இடம்பெறுவதாகவும் இதனால் ஐந்து பேர் பலியாகியுள்ளதாகவும் 13பேர் வைத்தியசாலையில் அனுமதிக்கப்பட்டுள்ளதாகவும் தெரிவிக்கப்படுகின்றது.

சிறைச்சாலையில் தற்போது நிலவும் அசாதாரண சூழ்நிலையுடன், அவ்வளாகத்தில் உள்ள ஆயுத களஞ்சியசாலையை உடைத்த கைதிகள்இ அங்கிருந்து துப்பாக்கிகளை எடுத்துக் கொண்டமை குறிப்பிடத்தக்கது.

வெலிக்கடை சிறையில் இடம்பெற்ற கலகத்தில் பிரதிப் பொலிஸ்மா அதிபர் படுகாயம்

வெலிக்கடைச் சிறையில் இடம்பெற்ற கலகத்தில் பிரதிப் பொலிஸ் மா அதிபர் ஒருவரும் காயமடைந்துள்ளார். விசேட அதிரடிப்படையைச் சேர்ந்த பிரதிப் பொலிஸமா அதிபர் ஆர்.டபிள்யு.எம்.சீ ரனவனவும் காயமடைந்துள்ளார்.

கைதிகள் கற்களையும் ஏனைய பொருட்களையும் விசேட அதிரடிப்படையினர் மீது வீசி தாக்குதல் நடத்தியுள்ளனர்.

இந்தத் தாக்குதல் சம்பவத்தில் காயமடைந்த பிரதிப் பொலிஸ் மா அதிபர் ரனவன, கெழும்பு தேசிய வைத்தியசாலையில் அனுமதிக்கப்பட்டுள்ளார்.

பிரதிப் பொலிஸ் மா அதிபர் ரனவன சத்திரசிகிச்சைக்கு உட்படுத்தப்பட்டுள்ளதாக தெரிவிக்கப்படுகிறது.

வெலிக்கடைச் சிறைச்சாலை கலகத்தில் உயிரிழந்தவர்களின் எண்ணிக்கை 10 ஆக உயர்வு

வெலிக்கடைச் சிறைச்சாலை கலகத்தில் உயிரிழந்தவர்களின் எண்ணிக்கை 10ஆக உயர்வடைந்துள்ளது. கைதிகளுக்கும் விசேட அதிரடிப்படையினருக்கும் இடையிலான மோதலில் 10 கைதிகள் கொல்லப்பட்டுள்ளனர்.

மொத்தமாக 40பேர் இந்த சம்பவத்தில் காயமடைந்த நிலையில் வைத்தியசாலையில் அனுமதிக்கப்பட்டுள்ளதாக தெரிவிக்கப்படுகிறது. காயமடைந்தவர்களில் ஆறு பேரின் நிலைமைக் கவலைக்கிடம் என மருத்துவமனைத் தகவல்கள் தெரிவிக்கின்றன.

அத்துடன் 11 அதிகாரிகள் காயடமைந்துள்ளதாகவும் தெரிவிக்கப்படுகிறது.

இன்று பிற்பகல் 1 மணியளவில் வெலிக்கடைச் சிறைச்சாலையில் மேற்கொள்ளப்பட்ட விசேட தேடுதல் வேட்டையைத் தொடர்ந்து கைதிகளும், சிறைச்சாலை அதிகாரிகளும் மோதிக் கொண்டதாகத் தெரிவிக்கப்படுகிறது.

இந்த மோதல் சம்பவம் பாரிய கலகமாக வெடித்ததாகக் குறிப்பிடப்படுகிறது. வெலிக்கடைச் சிறைச்சாலையை அண்டிய பிரதேசத்தில் விசேட அதிரடிப்படையினர் குவிக்கப்பட்டுள்ளனர்.

சில கைதிகள் முச்சக்கர வண்டியில் தப்பிச் செல்ல முற்பட்டதாகவும் விசேட அதிரடிப்படையினர் துப்பாக்கிச் சூடு நடத்தியதாகவும் தெரிவிக்கப்படுகிறது.

இராணுவத்தினர் இந்நிலைமையை கட்டுப்பாட்டுக்குள் கொண்டுவருவதற்கான முயற்சிகளில் ஈடுபட்டு வரும் அதேவேளை, சிறைச்சாலையின் பின்னால் அமைந்துள்ள மதிலொன்று உடைக்கப்பட்டு சிறைக்கைதிகளில் பலர் தப்பிச் சென்றுள்ளதாகவும் அங்கிருந்து வரும் செய்திகள் தெரிவிக்கின்றன.

4ம் இணைப்பு

வெலிக்கடை சிறைச்சாலை மோதல் 13 கைதிகள் மரணம். 45 பேர் காயம். 11 விசேட அதிரடிப்படையினரும் காயம்.

கொழும்பு வெலிக்கடை சிறைச்சாலையில் கைதிகளுக்கும் விசேட படையினருக்கு இடையில் ஏற்பட்ட மோதலில் 13 கைதிகள் வரை கொல்லப்பட்டனர்.

படையினரின் துப்பாக்கி சூட்டிலேயே கைதிகள் கொல்லப்பட்டனர்.

காயமடைந்த 45 பேர் கொழும்பு தேசிய மருத்துவமனையில் அனுமதிக்கப்பட்டனர்.

இவர்களில் 13 பேரே கொல்லப்பட்டனர். காயமடைந்தவர்களில் 11 விசேட அதிரடிப்படையினர் என்று அறிவிக்கப்பட்டுள்ளது.

கொல்லப்பட்டவர்கள் அனைவரும் சிங்கள கைதிகள் என்று தெரிவிக்கப்பட்டுள்ளது.

விசேட அதிரடிப்படையினர் கொழும்பு வெலிக்கடை சிறைச்சாலையில் இன்று மாலை தேடுதல் நடவடிக்கைகளில் ஈடுபட்டனர்.

இதனையடுத்து கோபமுற்ற கைதிகள் குறித்த படையினருடன் வாக்கு வாதத்தில் ஈடுபட்டு பின்னர் அது மோதலாக மாறியது.

இதனையடுத்து ஏற்பட்ட கலவரத்தை கட்டுப்படுத்துவதற்கு காவல்துறையினர் மற்றும் பாதுகாப்பு படையினர் குவிக்கப்பட்டு கண்ணீர்ப்புகை பிரயோகம் மேற்கொள்ளப்பட்டது.

வளாகத்தில் உள்ள ஆயுத களஞ்சியசாலையை உடைத்த கைதிகள், அங்கிருந்து துப்பாக்கிகளை எடுத்துக் கொண்ட பின்னரே இரண்டு தரப்புக்கும் இடையில் துப்பாக்கி சமர் இடம்பெற்றதாக தெரிவிக்கப்பட்டுள்ளது.

இதற்கிடையில் வெலிக்கடைச் சிறையில் இடம்பெற்ற கலகத்தில் விசேட அதிரடிப்படையைச் சேர்ந்த கட்டளையதிகாரி பிரதி பொலிஸ் அதிபர் ஆர்.டபிள்யு.எம்.சீ ரனவனவும் காயமடைந்துள்ளார்.

அவர் கொழும்பு தேசிய மருத்துவமனையில் சத்திரசிகிச்சைக்கு உட்படு;த்தப்பட்டுள்ளார்

எனினும் இந்த சம்பவங்களில் தமிழ்க் கைதிகளுக்கு எவ்வித பாதிப்பும் ஏற்படவில்லை என்று அறிவிக்கப்பட்டுள்ளது.

Content of Popup
பிந்திய 5 செய்திகள்
[ Sunday, 14-02-2016, 07:46.29 PM ]
பலாலி விமான நிலையத்தை தரம் உயர்த்துவதற்காக வடக்கில் உள்ள பிரதான ஆழ்கடல் மீன்பிடித்துறைமுகமான மயிலிட்டி பகுதியை சுவிகரிக்க அரசாங்கம் மேற்கொண்ட முயற்சிகள் மக்களின் கடும் எதிர்ப்பினைச் சந்தித்து நிற்கின்றது.
[ Sunday, 14-02-2016, 07:33.46 PM ]
உலகில் பிறக்கும் மனிதர்கள் அனைவரும் இன மொழி நிற வேறுபாடுகளின்றி தத்தம் பிராந்தியங்களில் (நாடுகளில்) உள்ள இயற்கையின் வரப்பிரசாதங்களை சமமாகப் பகிர்ந்து கொள்ளவும் சுதந்திரமாகத் தமது செயற்பாடுகளை முன்னெடுக்கவும் உரிமையும் சுதந்திரமும் உள்ளவர்கள்.
[ Sunday, 14-02-2016, 04:59.12 PM ]
தென்கொரிய ஷோலில் நடைபெற்ற சமாதான மாநாடு ஒன்றுக்காக சென்ற இலங்கையின் நாடாளுமன்ற உறுப்பினர்கள், ஆரம்ப நிகழ்வில் பங்கேற்க முடியாதநிலை ஏற்பட்டது.
[ Sunday, 14-02-2016, 04:23.45 PM ]
நல்லாட்சி அரசாங்கத்தினால் மேற்கொள்ளப்பட்டுவரும் புதிய அரசியலமைப்பு திருத்தச்சட்டத்திற்கு பொதுமக்களின் கருத்துகளை வழங்கும் வகையில் அவர்களை அறிவுறுத்தும் நடவடிக்கைகள் மேற்கொள்ளப்பட்டுவருகின்றன.
[ Sunday, 14-02-2016, 03:42.51 PM ]
திருகோணமலையை தனிச்சிங்கள மாவட்டமாக மாற்ற 30 ஆண்டு திட்டம் ஒன்றினை 2011ஆம் ஆண்டில் அரசு திட்டமிட்டு அதற்கான அமைச்சரவை அங்கீகாரத்தையும் பெற்று செயற்பட்டு வருவதாக முன்னாள் நாடாளுமன்ற உறுப்பினர் சுரேஸ் பிரேமச்சந்திரன் குற்றம் சாட்டியுள்ளார்.
[ Sunday, 14-02-2016 09:58:48 GMT ]
அண்டார்டிக்காவில் காலநிலை மாற்றத்தால் கொழும்பு நகரை விட 3 மடங்கு அதிக பரப்பளவு கொண்ட பனிப்பாறைகள் உடைந்து விழுந்ததில் சுமார் 1,50,000 பென்குயின் பறவைகள் பலியாகியுள்ளதாக அதிர்ச்சி தகவல்கள் வெளியாகியுள்ளன.
[ Sunday, 14-02-2016 10:47:51 GMT ]
அனிதா என்ற இளம்பெண் வேலை வாங்கி தருவதாகவும் கவர்ச்சிகரமான பேச்சின் மூலமாகவும் பலரை ஏமாற்றி உள்ளது தற்போது அம்பலமாகியுள்ளது.
[ Sunday, 14-02-2016 12:24:13 GMT ]
செய்தியாளர்கள் சந்திப்பில் ஹெலிகாப்டர் ஷாட் குறித்த நிருபரின் கேள்விக்கு இந்திய அணித்தலைவர் டோனி ஜாலியாக பதிலளித்துள்ளார்.
[ Sunday, 14-02-2016 14:26:10 GMT ]
உங்களுடைய சருமம் சீராக இல்லையெனில் என்ன பிரச்சனைகள் என்பதை கவனியுங்கள்.
Advertisements
நாளாந்தம் மின்னஞ்சலில் செய்திகளை பெற
[ Sunday, 14-02-2016 07:12:07 ] []
வடக்கின் முதலமைச்சர் விக்னேஸ்வரனுக்கும் கொழும்பின் மைத்திரி - ரணில் அரசாங்கத்துக்கும் இடையிலான முறுகல் தொடர்ந்தும் நீடிப்பதாகவும், தற்போது அது பெரிதாகியுள்ளதாக இந்திய செய்தித்தாள் ஒன்று தகவல் வெளியிட்டுள்ளது.