பிரதம நீதியரசரின் பிரச்சினைக்கான தீர்வு தொடர்பில் பொது நலவாய அமைப்பு தலையிட வேண்டுமெனக் கோரும் பாராளுமன்ற உறுப்பினர்களுக்கு எதிராக கடுமையான நடவடிக்கைகள் எடுக்கப்பட வேண்டும் என்றும் அவர் சுட்டிக்காட்டினார்.

இது தொடர்பாக அவர் மேலும் தெரிவிக்கையில்,

எமது நாட்டின் அரசியலமைப்பே இறையாண்மை கொண்டது. அதற்கமையவே நாம் செயற்பட வேண்டும். எனவே அரசியலமைப்பை பாதுகாப்போம் என சத்தியப் பிரமாணம் செய்த பாராளுமன்ற உறுப்பினர்கள் அதனை மீறமுடியாது.

ஆனால் இன்று பிரதம நீதியரசர் சிராணி பண்டாரநாயக்க மீது கொண்டு வரப்பட்ட அரசியல் குற்றப் பிரேரணை தொடர்பான தெரிவுக்குழு அறிக்கை தொடர்பில் பிரச்சினை தோன்றியுள்ளது,

அதைவிடுத்து இவ்விடயத்தில் பொது நலவாய அமைப்பு தலையிடுவதற்கான அதிகாரம் கிடையாது. அதேவேளை இப்பிரச்சினையில் பொது நலவாய நாடுகள் அமைப்பின் சட்டத்தரணிகள் தலையிட வேண்டுமென பாராளுமன்ற உறுப்பினர்கள் சிலர் கோரியுள்ளனர்.

இது அரசிலமைப்பை மீறிய செயலாகும். எனவே அரசியலமைப்பை மீறிய இப் பாராளுமன்ற உறுப்பினர்களுக்கு எதிராக கடுமையான நடவடிக்கை எடுக்கப்பட வேண்டும்.

அத்தோடு பிரதம நீதியரசர் வெளியேறியதும் தெரிவுக்குழுவிலிருந்து எதிர்க்கட்சி உறுப்பினர்களும் வெளியேறினார்கள். இவ்வாறு வெளியேறியமை பாராளுமன்றத்தின் உயர் தன்மையை, கௌரவத்தை அவமதித்த நடவடிக்கையாகும்.

எதிர்க்கட்சி பிரதிநிதிகள் தெரிவுக்குழுவில் தொடர்ந்தும் பங்குபற்றி தமது பக்க கருத்துக்களை தெரிவித்திருக்க வேண்டும். அத்துடன் தமது பக்க நியாயங்களை அறிக்கையாக வெளியிட்டிருக்கலாம்.

அதைவிடுத்து தெரிவுக்குழுவிலிருந்து வெளியேறியமை பாராளுமன்றத்தை அவமதிக்கும் செயலாகும்.

எனவே இவ்வாறு செயற்பட்டவர்களுக்கு எதிராக சபாநாயகர் ஒழுக்காற்று நடவடிக்கை எடுக்க வேண்டும் என்றார்.