International
Notification
Notification
Submit Cancel

பயங்கரவாதத் தடுப்பு தொடர்பில், இந்தியாவிற்கு பயிற்சி அளிக்கத் தயார்: கோத்தபாய

பயங்கரவாதத் தடுப்பு தொடர்பில் இந்திய படையினருக்கு பயிற்சி அளிக்கத் தயார் என பாதுகாப்புச் செயலாளர் கோத்தபாய ராஜபக்ச தெரிவித்துள்ளார்.

அண்மையில் இலங்கைக்கு விஜயம் செய்திருந்த இந்திய இராணுவத் தளபதியிடமும் இது தொடர்பில் விளக்கியிருந்தேன்.

பயங்கரவாத ஒழிப்பு தொடர்பிலான அனுபவங்களையும், நுட்பங்களையும் பகிர்ந்து கொள்ளத் தயார்.

இந்திய அரசாங்கம் விரும்பினால் இந்திய படையினருக்கு இந்தப் பயிற்சிகளை வழங்க முடியும்.

இலங்கையிடமிருந்து பயங்கரவாதத் தடுப்புத் தொடர்பில் பயிற்சி பெற்றுக்கொள்வதா என்பதனை இந்தியாவே தீர்மானிக்க வேண்டும்.

ஆண்டுதோறும் பல நூற்றுக்கணக்கான இலங்கை படையினர், இந்தியாவில் பல்வேறு துறைகளில் பயிற்சி பெற்றுக்கொள்கின்றனர்.

அதேபோன்று இந்திய படைவீரர்களுக்கும் இலங்கையில் பயிற்சிகளை வழங்க முடியும் என கோத்தபாய ராஜபக்ச தெரிவித்துள்ளார்.

இந்திய ஊடகமொன்றுக்கு அளித்த நேர்காணலில் அவர் இதனைக் குறிப்பிட்டுள்ளார்.

advertisement