கிழக்கில் கோட்டைக்கல்லாறு பிரதேசத்தில் வீதி விபத்து! இளைஞர் ஒருவர் ஸ்தலத்தில் பலி
இவ் விபத்து கோட்டைக்கல்லாறு புத்தடி கோவிலுக்கு அருகில் இடம்பெற்றுள்ளது.
கல்முனை நோக்கி வந்து கொண்டிருந்த விமான படையினரின் கெப் ரக வாகனத்துடனே மோட்டார் சைக்கிள் மோதுண்டு இவ் விபத்து சம்பவம் ஏற்பட்டுள்ளது.
சடலம் களுவாஞ்சிகுடி வைத்தியசாலையில் வைக்கப்பட்டுள்ளது. பொலிஸார் விசாரணைகளை மேற்கொண்டு வருகின்றனர்.
இரண்டாம் இணைப்பு-
மட்டக்களப்பு மாவட்டத்தின் களுவாஞ்சிகுடி பொலிஸ் பிரிவுக்குட்பட்ட கோட்டைக்கல்லாறு பகுதியில் விமானப்படையினரின் ட்ரக் வண்டி மோதியதில் மோட்டார் சைக்கிளில் சென்றவர் உயிரிழந்துள்ளார்.
இன்று காலை மட்டக்களப்பு-கல்முனை பிரதான வீதியில் கோட்டைக்கல்லாறு புற்றடி நாகதம்பிரான் ஆலயத்துக்கு முன்பகுதியிலேயே இந்த சம்பவம் இடம்பெற்றுள்ளதாக களுவாஞ்சிகுடி பொலிஸார் தெரிவித்தனர்.
இதன்போது கல்முனையை சேர்ந்த பிரதான வீதியை சேர்ந்த சித்தார் ஜாபத் (46வயது) என்பவரே உயிரிழந்ததாக களுவாஞ்சிகுடி பொலிஸார் தெரிவித்தனர்.
உயிரிழந்தவர் கல்முனையில் இருந்து களுவாஞ்சிகுடி நோக்கி மோட்டார் சைக்கிளில் வந்துகொண்டிருந்தபோது வேகமாக வந்த விமானப்படையின் டரக் வண்டி பஸ்ஸை முந்திச்செல்ல முற்பட்டபோது எதிரே வந்த மோட்டார் சைக்கிளுடன் மோதியபோது அவர் படுகாயமடைந்துள்ளார்.
இந்த நிலையில் அவர் உடனடியாக களுவாஞ்சிகுடி ஆதார வைத்தியசாலைக்கு கொண்டுசெல்லப்பட்டபோதும் அங்கு சிகிச்சை பலனின்றி உயிரிழந்ததாக வைத்தியசாலை வட்டாரங்கள் தெரிவித்தன.
சடலம் பிரேத பரிசோதனைகளுக்காக மட்டக்களப்பு போதனா வைத்தியசாலைக்கு அனுப்பப்பட்டுள்ளதுடன் சம்பவம் தொடர்பில் களுவாஞ்சிகுடி பொலிஸார் விசாரணைகளை மேற்கொண்டு வருகின்றனர்.
Photo
]
]
