International
Notification
Notification
Submit Cancel

கைதாகியுள்ள 100 சீனர்களை விசாரிக்க அந்நாட்டு குற்றத்தடுப்பு பொலிஸ் இலங்கை வந்துள்ளது

இலங்கையில் கைது செய்யப்பட்டுள்ள 100 க்கு மேற்பட்ட சீனப் பிரஜைகள் தொடர்பில் விசாரணைகளை மேற்கொள்ள அந்நாட்டு குற்றத் தடுப்புப் பொலிஸ் குழுவொன்று இலங்கை வந்துள்ளது. 

சர்வதேச பிடிவிறாந்து பிறப்பிக்கப்பட்ட நிலையில் இலங்கையில் கைது செய்யப்பட்டுள்ள சீனப் பிரஜைகள் தொடர்பில் விசாரணைகளை முன்னெடுக்கும் வகையிலேயே இந்தக் குழு இலங்கை வந்துள்ளது என செய்திகள் தெரிவிக்கின்றன.

இலங்கையைத் தளமாக வைத்து இணைய வலையமைப்பின் ஊடாகக் கோடிக்கணக்கான ரூபாய்களை மோசடி செய்தார்கள் என்ற குற்றச்சாட்டில் கைது செய்யப்பட்டு தற்போது விளக்கமறியலில் வைக்கப்பட்டுள்ள சீனர்களில் சர்வதேச பிடிவிறாந்து பிறப்பிக்கப்பட்டுள்ள சிலரும் காணப்படுகின்றனர்.

இவர்களை விசாரணை செய்யவே சீனாவின் குற்றத் தடுப்புப் பொலிஸ் குழு இங்கு வந்துள்ளதாகவும் அந்தச் செய்திகள் மேலும் தெரிவிக்கின்றன.

இதேவேளை, இலங்கையில் கைது செய்யப்பட்டுள்ள சீனப் பிரஜைகளை அந்நாட்டுக்கு அழைத்துச் செல்வதற்கான அனுமதியைப் பெற்றுக் கொள்வதற்காக சீனாவிலிருந்து மேலும் ஒரு குழு இலங்கை வந்துள்ளதாகவும் அந்தச் செய்திகள் தெரிவிக்கின்றன.

இணையத்தில் மோசடி செய்த 100 சீனர்களை நாடு கடத்தத் தீர்மானம்

இணையத்தின் ஊடாக மோசடிகளில் ஈடுபட்ட 100 சீனர்களை நாடு கடத்த தீர்மானிக்கப்பட்டுள்ளது. இணையத்தின் ஊடாக மோசடிகளில் ஈடுபட்டதாகத் தெரிவித்து 100 சீனர்களை பொலிஸார் கைது செய்திருந்தனர்.

இந்த சீனர்கள் இன்று நீதிமன்றின் முன்னிலையில் ஆஜர் செய்யப்பட்டிருந்தனர்.

சம்பவம் தொடர்பில் இலங்கையில் நடத்தப்பட வேண்டிய விசாரணைகள் பூர்த்தியாகியுள்ளதாக சீனப் பொலிஸார் நீதிமன்றில் அறிவித்துள்ளனர்.

இதனையடுத்து குறித்த சீனர்களை நாடு கடத்துமாறு குடிவரவு குடியகழ்வுத் திணைக்களத்திற்கு, கொழும்பு பிரதான நீதவான் ரஸ்மி சிங்கப்புலி உத்தரவிட்டுள்ளார்.

இணையத்தின் ஊடாக சீன வங்கிக் கணக்குகளில் மோசடி செய்துள்ளதாகக் குற்றம் சுமத்தப்பட்டுள்ளது.

advertisement