International
Notification
Notification
Submit Cancel

ஈரானிய கப்பலொன்று இலங்கையில் தடுத்து வைப்பு

advertisement

ஈரானிய கப்பல் கம்பனி ஒன்றின் கப்பலை இலங்கை அதிகாரிகள் கடந்த 14ம் திகதியிலிருந்து தடுத்து வைத்துள்ளதாக தெரிவிக்கப்படுகிறது.

ஜேர்மனிய வங்கியிலிருந்து 250 மில்லியன் யூரோ கடன் பெற்று வாங்கப்பட்ட எம்.வி சியர் எனும் பெயரில் பதிவுசெய்யப்பட்ட இக்கப்பல், வங்கிக்குரிய கடன் பணத்தை கட்டவில்லை எனவும் அத்துடன், கப்பலின் பெயர் சட்டவிரோதமாக எம்.வி அமினா என மாற்றப்பட்டுள்ளதையடுத்தும் தடுத்து வைக்கப்பட்டுள்ளதாக தெரிவிக்கப்படுகிறது.

இந்த கப்பலில் 8 இந்தியர்களும்,16 ஈரானியர்களும் ஊழியர்களாக பணியாற்றுகின்றனர். எனினும் கப்பலில் வேலை செய்யும் இந்தியர்கள் தமது ஒப்பந்தக்காலம் முடிவடைந்து விட்டதால், வேலை செய்ய விருப்பமில்லை எனவும் தெரிவித்துள்ளனர்.

அத்துடன் இது தொடர்பாக, இந்திய கப்பல் துறை அமைச்சருக்கு தெரியப்படுத்தியுள்ளதாகவும் அவர்கள் தங்களை மீட்பதற்கு நடவடிக்கை எடுப்பார்கள் எனவும் இந்திய ஊழியர்கள் தெரிவித்துள்ளனர்.

குறித்த கப்பல் சீனாவிலிருந்து கடந்த நவம்பர் 18ம் திகதி புறப்பட்டு வந்து காலி துறைமுகத்திற்கு அருகில் நங்கூரமிடப்பட்டு நின்றபோதே அதிகாரிகளினால் தடுத்து வைக்கப்பட்டதாக தெரிவிக்கப்படுகிறது.

advertisement