International
Notification
Notification
Submit Cancel

எமனான மின்சாரம்: சுழிபுரம் மற்றும் நுவரெலியாவில் மூவர் பலி

advertisement

யாழ். சுழிபுரத்தில் மின்சாரம் தாக்கியதில் இளைஞர் ஒருவர் பலியாகியுள்ளார்.

விளையாடுவதற்காக சென்ற குறித்த இளைஞன் சனசமூக நிலையத்தில் மின்குமிழ் ஒன்றை பொருத்துவதற்கு முற்பட்ட வேளையிலேயே மின்சாரம் தாக்கி பலியாகியுள்ளார்.

இன்று திங்கட்கிழமை மாலை 5:00 மணியளவில் இடம்பெற்ற இச் சம்பவத்தில் 19 வயதான வசந்தன் தனுஷான் என்பவரே உயிரிழந்துள்ளார்.

அவரின் சடலம் யாழ். வைத்தியசாலையில் வைக்கப்பட்டுள்ளது.

நுவரெலிய கொத்மலையில் மின்சார தாக்கத்திற்கு இரண்டு தமிழர்கள் பலி

நுவரெலிய கொத்மலை பொலிஸ் பிரதேசத்தின் பிரதேசத்திற்கு கெல்வித்தென்ன பெருந்தோட்ட பிரிவில் இன்று பிற்பகல் இடம்பெற்ற மின்சார தாக்கம் காரணமாக இரண்டு தமிழர்கள் பலியாகினர்.

மரக்கறி தோட்டத்திற்கு தண்ணீர் பாய்ச்சிக் கொண்டிருந்த முதியவர் ஒருவரும் அவருடைய பேரனும் இதன்போது பலியானதாக தெரிவிக்கப்பட்டுள்ளது.

சட்ட விரோதமாக இணைக்கப்பட்டிருந்த மின்சார இணைப்பொன்றின் கசிவே இந்த மரணங்களுக்கான காரணம் என்று கூறப்பட்டுள்ளது