இதன் காரணமாக பரந்தன் பகுதியில் பொலிசாருக்கும் மக்களுக்குமிடையில் தர்க்கம் ஏற்பட்டுள்ளது.

தகவல் அறிந்தவுடன் பா.உறுப்பினர் சி.சிறீதரன், கரைச்சி பிரதேசசபை தவிசாளர் குகராசா, உபதவிசாளர் நகுலேஸ்வரன் உட்பட பிரதேசசபை மற்றும் கட்சி அங்கத்தவர்கள் சம்பவ இடத்திற்கு விரைந்து பிரச்சனையை கேட்டறிந்துள்ளனர்.

தாக்கப்பட்ட இளைஞர்கள் கிளிநொச்சி பொதுமருத்துவமனையில் சிகிச்கைக்காக அனுமதிக்கப்பட்டுள்ளதாக தெரிவிக்கப்பட்டுள்ளது.

இரண்டாம் இணைப்பு-

கிளிநொச்சி- பரந்தன் பகுதியில் பொலிஸாரின் காட்டுமிராண்டித்தனமான தாக்குதலுக்குள்ளான தமிழ் இளைஞர்கள் இருவரும் வைத்தியசாலையில் அனுமதிக்கப்பட்டிருந்த நிலையில் விடுவிக்கப்பட்டிருப்பதுடன், குறித்த தாக்குதலுக்கு பொலிஸார் மன்னிப்பு கோரியிருக்கின்றனர்.

இன்று மாலை குறித்த பகுதியில் மோட்டார் சைக்கிளில் வந்த வட்டக்கச்சியை சேர்ந்த வி.விஜயரூபன் (வயது26),ஆ.லோகேஸ்வரன் (வயது24) ஆகிய இரு இளைஞர்களையு
ம் பொலிஸார் வழிமறித்துள்ளனர்.

எனினும், சடுதியாக நிறுத்த முடியாமையினால் குறித்த இளைஞர்கள் இருவரும் தமது வாகனத்தை சற்று தள்ளி கொண்டு சென்று நிறுத்தியிருக்கின்றனர். இதற்கிடையில் குறித்த இளைஞர்கள் இருவர் மீதும் பாய்ந்த போக்குவரத்துப் பொலிஸார் அவர்கள் மீது காட்டுமிராண்டித்தனமான தாக்குதல் நடத்தியிருக்கின்றனர்.

இதன் பின்னர் பொதுமக்கள் பொலிஸாருடன் தர்க்கப்படவே குறித்த இளைஞர்கள் இருவரும் தம்மை தாக்கியதாக பொலிஸார் பெல்டி அடித்துள்ளனர். இதன் பின்னர் சம்பவம் இடம்பெற்ற பகுதிக்கு பாராளுமன்ற உறுப்பினர் சி.சிறீதரன் சென்றிருந்தார்.

இந்நிலையில் விடயம் பெரிதாக்கப்படப் போகின்றது என்ற அச்சத்தில் பொலிஸார் சம்பவத்திற்காக மன்னிப்புக் கோரியதுடன், வைத்தியசாலையில் அனுமதிக்கப்பட்டிருந்த இளைஞர்களை விடுதலை செய்திருக்கின்றனர்.

இதேவேளை பரந்தன் சந்தியில் இன்று நடைபெற்ற இந்தச்சம்பவம் 5வது சம்பவமாகும், இதற்கு முன்னரும் படையினர், பொலிஸார் இணைந்து பல தடவை மக்கள் மீது தாக்குதல் நடத்தியிருக்கின்றமை குறிப்பிடத்தக்கதாகும்.