தாய்லாந்தில் தங்கியிருந்த 64 இலங்கையர் கைது

தாய்லாந்தின் பட்டாய பகுதியில் உள்ள ஹோட்டல் ஒன்றில் தங்கியிருந்த 64 இலங்கையர்கள் அந்த நாட்டு பொலிஸாரால் கைது செய்யப்பட்டுள்ளனர்.

வெளிநாடு ஒன்றுக்கு அனுப்பி வைக்க இவர்கள் குறித்த ஹோட்டலில் தங்க வைக்கப்பட்டிருந்ததாக சந்தேகிக்கப்படுகிறது.

இது குறித்து தாய்லாந்து பொலிஸாருக்கு கிடைத்த தகவலை அடுத்து குடிவரவு அதிகாரிகளுடன் இணைந்து குறித்த இலங்கையர்கள் கைது செய்யப்பட்டுள்ளனர்.

கைது செய்யப்பட்டவர்கள் தாய்லாந்து முகவர்கள் ஊடாக லீம் சபாங் துறைமுகத்தில் இருந்து படகு மூலம் வேறு நாட்டுக்கு அனுப்பி வைக்கப்படவிருந்ததாக தெரிவிக்கப்படுகிறது.

இவ்வாறு படகு மூலம் 100க்கும் மேற்பட்டவர்கள் தாய்லாந்தில் இருந்து வேறு நாட்டுக்கு அனுப்பி வைக்கப்பட்டுள்ளதாக தெரியவந்துள்ளது.

கைது செய்யப்பட்டுள்ள இலங்கையர்களிடம் சுற்றுலா விசா காணப்பட்டதாகவும் அவர்களுடைய கடவுச்சீட்டு பறி முதல் செய்யப்பட்டுள்ளதாகவும் இவர்கள் இலங்கைக்கு திருப்பி அனுப்படவுள்ள தாகவும் தாய்லாந்து குடிவரவு பிரிவு தகவல்கள் கூறுகின்றன.

advertisement