அன்று வடக்கு கிழக்கின் பெரும்பகுதி தனிநாடாகவே காணப்பட்டது.

அமைச்சர் ஒருவருக்கு அந்தப் பிரதேசத்திற்கு சென்று சிங்கக் கொடியை ஏற்ற முடியாத நிலைமை காணப்பட்டது.

இந்த நிலைமை குறித்து மக்களுக்கு போதியளவு விளக்கம் கிடையாது.

சர்வதேச அழுத்தம் மற்றும் பொருளாதாரக் காரணிகளினால் போர் பல தசாப்தங்களுக்கு நீடித்தது.

30 ஆண்டுகளாக நீடித்த போரை ஜனாதிபதியின் தைரியமான தீர்மானங்களின் மூலம் இரண்டு ஆண்டுகளுக்குள் முடிவுறுத்த முடிந்தது.

30 ஆண்டுகளின் பின்னர் வென்றெடுக்கப்பட்ட சமாதானத்தை சில சக்திகள் இல்லாதொழிக்க முயற்சிக்கின்றன.

இந்த சக்திகளை முறியடிக்க ஜனாதிபதிக்கு மக்கள் ஒத்துழைப்பு வழங்குவார்கள்.

நாட்டு மக்களின் தனிநபர் வருமானத்தை அதிகரித்து அவர்களின் வாழ்க்கைத் தரத்தை உயர்த்த நடவடிக்கை எடுக்கப்பட வேண்டும் என கோத்தபாய ராஜபக்ச தெரிவித்துள்ளார்.

குருணாகல் பிரதேசத்தில் நடைபெற்ற நிகழ்வு ஒன்றில் கலந்து கொண்ட போது அவர் இதனைக் குறிப்பிட்டுள்ளார்.