சட்டக் கல்லூரி பெறுபேறு தொடர்பில் சுயாதீன விசாரணை தொடர்ந்தும் கோரப்படுகிறது

2012 ம் ஆண்டின் சட்டக் கல்லூரி பரீட்சை பெறுபேற்றில் இடம்பெற்றதாக கூறப்படும் முறைகேடு தொடர்பில் இலங்கையின் எதிர்க்கட்சிகளும் சட்டத்தரணிகள் சங்கங்களும் சுயாதீன விசாரணையை கோரியுள்ளன.

ஐக்கிய தேசியக் கட்சியின் கோரிக்கையில் இந்த முறைகேட்டின் பின்னால் அரசாங்கத்தின் சக்திமிக்க ஒருவர் இருந்துள்ளதாக குறிப்பிடப்பட்டுள்ளது.

குறித்த பெறுபேற்றின்படி, செல்வாக்குமிக்க பரீட்சாத்திகள் சித்திப்பெற்ற முதல் 50 பேருக்குள் உள்ளடங்கியுள்ளதாக ஐக்கிய தேசியக் கட்சியின் நாடாளுமன்ற உறுப்பினர் அஜித் பெரேரா குறிப்பிட்டுள்ளார்.

இந்த 50 பேரும் ஒரே கல்வி நிறுவனத்தில் ஒரே ஆசிரியரிடம் கற்றதாக தெரிவிக்கப்பட்டுள்ளது.

2012 ஆம் ஆண்டின் சட்டக்கல்லூரி பரீட்சையில் 6295 சிங்கள மொழி மாணவர்களில் 154 பேர் சித்தியடைந்துள்ளனர்.

705 தமிழ் மொழிமூல பரீட்சாத்திகளில் 133 பேர் சித்தியடைந்துள்ளனர்.

advertisement