அரசியல் எதிரிகள் தங்களது குறுகிய உள்நோக்கங்களை அடைவதற்காக இவ்வாறு பிரசாரம் செய்வதாக ஹக்கீமின் ஊடகச் செயலாளர் ஏ.ஆர்.எம் ஹபீஸ் வெளியிட்டுள்ள ஊடக அறிக்கையில் குறிப்பிடப்பட்டுள்ளது.

2013ம் ஆண்டுக்கான சட்டக்கல்லூரி நுழைவுத்தேர்வு பெறுபேறுகள் தொடர்பில் பல தரப்பினர் நீதியமைச்சர் மீது குற்றம் சுமத்தியுள்ளனர்.

சட்டக்கல்லூரி நுழைவுத் தேர்வு ஆங்கில வினாத்தாளை தமிழ் மொழியில் முஸ்லிம்களே மொழிபெயர்ப்பு செய்துள்ளதாகவும், வினாத்தாள்கள் முஸ்லிம் பரீட்சார்த்திகளுக்கு வழங்கப்பட்டுள்ளதாகவும் குற்றம் சுமத்தப்பட்டுள்ளது.

நீதிச் சேவையில் அதிகளவான முஸ்லிம்களை உள்வாங்கும் நோக்கில் இவ்வாறு வினாத்தாள் பரீட்சார்த்திகளுக்கு முன்கூட்டியே வழங்கப்பட்டுள்ளதாக குற்றம் சுமத்தப்பட்டுள்ளது.

இந்தக் குற்றச்சாட்டுக்கள் அனைத்தும் அடிப்படையற்றவை, இனங்களுக்கு இடையில் முரண்பாடுகளை ஏற்படுத்தும் நோக்கில் இவ்வாறு பிரசாரம் செய்யப்படுகின்றது.

மாணவர்களை உள்வாங்குதல் உள்ளிட்ட சட்டக்கல்லூரியின் நடவடிக்கைகளை பிரதம நீதியரசர் தலைமையிலான குழுவினரே மேற்கொள்வதாகவும், இந்த நடவடிக்கைகளில் நீதியமைச்சர் நேரடியாக தலையீடு செய்வதில்லை எனவும் ஊடக அறிக்கையில் குறிப்பிடப்பட்டுள்ளது.

இதேவேளை, சட்டக் கல்லூரி நுழைவுத் தேர்வு சர்ச்சை தொடர்பில் சுயாதீன விசாரணைகளை நடாத்துமாறு ஐக்கிய தேசியக் கட்சி கோரிக்கை விடுத்துள்ளது குறிப்பிடத்தக்கது.