International
Notification
Notification
Submit Cancel

மாணவர்களை விடுவிக்குமாறு துணைவேந்தர் யாழ். தளபதியிடம் கோரிக்கை

advertisement

வகுப்பு பகிஷ்கரிப்பில் ஈடுபட்ட யாழ். பல்கலைக்கழக மருத்துவ பீட மாணவர்கள், ஆர்ப்பாட்டமொன்றில் ஈடுபட்ட அதேவேளை மாணவன் ஒருவரை பொலிஸார் கைதுசெய்ய முற்பட்டதைத் தொடர்ந்து பல்கலைக்கழகத்தில் சிறிது நேரம் பரபரப்பு ஏற்பட்டதாக தெரிவிக்கப்படுகின்றது.

கோப்பாய் பொலிஸாரினால் கைதுசெய்யப்பட்டு தடுப்புக் காவலில் வைக்கப்பட்டுள்ள சக மாணவர்கள் நால்வரையும் விடுதலை செய்யக் கோரியே இன்று மருத்துவ பீட மாணவர்கள் வகுப்பு பகிஷ்கரிப்பில் ஈடுபட்டிருந்தனர்.

இதன்போது, மாணவர் ஒருவரின் வீட்டிற்கு சென்ற பொலிஸார் மாணவன் எங்கே என தாயாரிடம் விசாரித்துள்ளனர். இது தொடர்பில் தகவலறிந்த மாணவர்கள், இது தொடர்பில் பல்கலைக்கழக துணைவேந்தருக்கு அறிவித்துள்ளனர்.

இவ்விடயம் குறித்து பல்கலைக்கழக துணைவேந்தர் யாழ். மாவட்ட பிரதிப் பொலிஸ் மா அதிபர் மற்றும் யாழ். கட்டளைத் தளபதியுடன் கலந்துரையாடியுள்ளார்.

இக்கலந்துரையாடலின் போது, பல்கலைக்கழக சுற்றுவட்டாரத்தில் இருக்கும் இராணுவ முகாம்கள் மற்றும் பொலிஸ் காவலரண்களை அகற்றுமாறும் பல்கலைக்கழக வளாகத்திற்குள் இராணுவத்தினர் நுழைவதையும் மற்றும் கைது செய்யப்பட்ட மாணவர்களை விடுதலை செய்யுமாறும் கோரிக்கை விடுக்கப்பட்டதாக தெரிவிக்கப்படுகின்றது.

advertisement