செய்தி
ரிசானாவின் மரணதண்டனை சம்பந்தமாக முஸ்லிம் தலைவர்கள் எதை சொல்கிறார்கள்? பிரபா கணேசன்
[ திங்கட்கிழமை, 21 சனவரி 2013, 11:25.38 AM GMT ]
ரிசானா நபீக் சவுதி அரேபியாவில் சிரச்சேதம் செய்யப்பட்டது சம்பந்தமாக இந்நாட்டிலுள்ள முஸ்லிம் தலைவர்கள் நடந்து கொள்ளும் விதத்தைப் பார்க்கும் பொழுது வியப்பாகவும் கேவலமாகவும் உள்ளது என ஜனநாயக மக்கள் காங்கிரஸ் தலைவரும் கொழும்பு மாவட்ட நாடாளுமன்ற உறுப்பினருமான பிரபா கணேசன் தெரிவித்துள்ளார்.

மேலும் அவர் தெரிவித்ததாவது,

ரிசானா நபீக் குறைந்த வயதிலே வெளிநாட்டிற்கு வேலைக்கு அனுப்பி வைக்கப்பட்டது சம்பந்தமாக அனுப்பி வைத்த முகவர் கைது செய்யப்பட்டுள்ளார்.

ரிசானாவுக்கு நிறைவேற்றப்பட்ட மரணதண்டனை சம்பந்தமாக மனிதாபிமான முறையில் இவரது பெற்றோர்களுக்கும் உடன் பிறந்தோர்களுக்கும் எனது ஆழ்ந்த அனுதாபங்களை தெரிவித்துக் கொள்கின்றேன்.

இருப்பினும் இவரது இந்த நிலைக்கு காரணமாக அனுப்பி வைத்த முகவரை மட்டும் நான் பார்க்கவில்லை. மாறாக இவரது பெற்றோர்களும் இதற்கு பொறுப்பு கூற வேண்டும்.

போலியான வயதை காட்டி இவரை வெளிநாட்டிற்கு வேலைக்கு அனுப்பி வைத்து அவர் மூலமான வருமானத்தை பெற முற்பட்ட பெற்றோர்களுக்கும் தண்டனை வழங்கப்பட வேண்டும்.

அதன் மூலமாகவே வெளிநாட்டிற்கு பெண்களை வேலைக்கு அனுப்பி வைத்து அதன் மூலம் சுகபோகமடையும் கணவன்மார்களுக்கு பெற்றோர்களுக்கும் தகுந்த பாடத்தை உணர்த்தலாம்.

இது இப்படியிருக்க சவுதி அரேபியாவில் மரணதண்டனை நிறைவேற்றப்பட்ட பெண் முஸ்லிம் அல்லாது சிங்களப் பெண்ணாக இருந்திருந்தால் இன்று இந்நாட்டில் முஸ்லிம்களுக்கு எதிராக பாரிய தாக்குதல் நடத்தப்பட்டிருக்கும் என சம்பவங்களுக்காக அறிக்கை விடுபவர்கள் இந்நாட்டில் ஐக்கியமாக வாழ்ந்து கொண்டிருக்கும் சிங்கள முஸ்லிம் மக்கள் மத்தியிலே பிளவுகளை ஏற்படுத்தி அரசியல் விளம்பரம் தேடிக்கொள்ளப் பார்க்கிறார்கள்.

இருப்பினும் இவ்விடயம் சம்பந்தமாக முஸ்லிம் தலைவர்கள் எடுத்துக்கொண்ட நடவடிக்கை என்ன? ரிசானாவுக்கு அமெரிக்கா அல்லது ஏனைய மேற்குல நாடுகள் மூலமாக மரணதண்டனை நிறைவேற்றப்பட்டிருந்தால் வெள்ளிக்கிழமை நாளில் மேற்குலக நாடுகளின் தூதரங்கள் பயந்து ஓடும் அளவிற்கு பல விதமான போராட்டங்களை அரசாங்கத்திலிருக்கும் முஸ்லிம் தலவர்களும் எதிர்க்கட்சியிலிருக்கும் முஸ்லிம் தலைவர்களும் ஒன்றிணைந்து கொழும்பு நகரத்தை ஸ்தம்பிதம் அடையும் அளவிற்கு கொண்டு சென்றிருப்பார்கள்.

ஆனால் நிறைவேற்றப்பட்ட மரணதண்டனை முஸ்லிம் நாடான சவுதி அரேபியாவில் இடம்பெற்றதனால் இன்று வாய் மூடி மௌனித்திருப்பது ஏன்? சவுதி அரேபியா தூதரகத்தின் முன் இவர்களால் ஏன் ஒரு ஆர்ப்பாட்டத்தினையாவது நடத்த முடியவில்லை.

இனி எதிர்காலத்தில் முஸ்லிம் தலைவர்கள் நடத்தும் ஆர்ப்பாட்டத்தில் நம்பகத்தன்மை உள்ளதா என தெரிந்து கொண்டு அதற்கு முஸ்லிம் மக்கள் துணை போக வேண்டும்.

இன மத பேதமின்றி அநீதி எங்கு நடக்கின்றதோ அது எந்த நாடாக இருந்தாலும் அதற்கெதிராக நேர்மையான முறையிலே குரல் கொடுக்க வேண்டும் என்பதே எனது இந்த அறிக்கையின் நோக்கமாகும்.

Content of Popup
உங்கள் கருத்தை பதிவு செய்ய
பிந்திய 5 செய்திகள்
[ Saturday, 06-02-2016, 01:51.52 PM ]
தேசிய சுதந்திர முன்னணி, ஐக்கிய நாடுகள் மனித உரிமை ஆணையாளர் செய்த் ராட் அல் ஹூசைனின் இலங்கை வருகை எதிர்த்து எதிர்ப்பு ஆர்ப்பாட்டம் ஒன்றை நடத்தியது.
[ Saturday, 06-02-2016, 01:20.45 PM ]
ஒழுக்கத்தை மீறி செயற்பட்ட உள்ளூராட்சி சபைகளின் முன்னாள் தலைவர்களுக்கு விளக்கம் கோரி அனுப்பிய கடிதங்களை ஊடகங்களுக்கு எதிரில் கிழித்து, ஸ்ரீலங்கா சுதந்திரக் கட்சிக்கு சவால் விடுத்த சகலரையும் கட்சியில் இருந்து நீக்க தீர்மானித்துள்ளதாக அக்கட்சியின் பொதுச் செயலாளரான அமைச்சர் துமிந்த திஸாநாயக்க தெரிவித்துள்ளார்.
[ Saturday, 06-02-2016, 01:05.55 PM ]
எதிர்வரும் உள்ளூராட்சி சபைத் தேர்தலில் போட்டியிடும் விதம் குறித்து ஐக்கிய மக்கள் சுதந்திர முன்னணியின் முன்னாள் உள்ளூராட்சி சபை உறுப்பினர்கள் எதிர்வரும் 14 ஆம் திகதி நீர்கொழும்பில் கூடி கலந்துரையாடவுள்ளனர்.
[ Saturday, 06-02-2016, 01:05.38 PM ]
மன்னார் - பள்ளிமுனை 25 வீட்டுத்திட்ட மக்களுக்கும் சுவீஸ் நாட்டின் பிரதி நிதிக்கும் இடையிலான கலந்துரையாடல் ஒன்று இடம்பெற்றுள்ளது.
[ Saturday, 06-02-2016, 12:51.49 PM ]
எதிர்வரும் உள்ளூராட்சி சபைத் தேர்தலில் ஐக்கிய தேசியக் கட்சி பல அரசியல் கட்சிகளை இணைத்து கொண்டு ஐக்கிய தேசிய முன்னணியின் கீழ் போட்டியிட தீர்மானித்துள்ளது.
[ Saturday, 06-02-2016 09:01:57 GMT ]
சோமாலிய விமானத்தில் தீவிரவாதி ஒருவன் மாற்றுத்திறனாளி வேடமிட்டு சக்கர நாற்காலியில் வெடிகுண்டை மறைத்து வந்து விமானத்தை வெடித்து விபத்தை ஏற்படுத்தியுள்ளதாக தற்போது விசாரணையில் தெரியவந்துள்ளது.
[ Saturday, 06-02-2016 08:52:28 GMT ]
முதல்வர் ஜெயலலிதாவின் பிறந்தநாளை முன்னிட்டு நடத்தப்பட்ட திருமணத்தில் மணமக்களின் நெற்றியில் அம்மா ஸ்டிக்கர் ஒட்டப்பட்டது பெரும் அதிர்வலைகளை ஏற்படுத்தியுள்ளது.
[ Saturday, 06-02-2016 08:40:23 GMT ]
தென் ஆப்பிரிக்காவின் அதிரடி வீரரான ஹசிம் அம்லா, தொகுப்பாளினி முறையாக ஆடை அணியாத காரணத்தினால் பேட்டி கொடுக்க மறுத்துவிட்டதாக தகவல்கள் வெளியாகியுள்ளது.
[ Saturday, 06-02-2016 11:40:50 GMT ]
பெரியவர்கள் முதல் சிறியவர்கள் வரை அவதிப்படும் பிரச்னைகளில் ஒன்று தான் அல்சர் புண்.
Advertisements
நாளாந்தம் மின்னஞ்சலில் செய்திகளை பெற
[ Saturday, 06-02-2016 00:13:56 ]
தென்னிலங்கையில் சிங்கள மக்கள் மத்தியில் இனவாதத்தையும் மதவாதத்தையும் தூண்டுவதன் மூலம் அரசியல் ஆதரவைப் பெருக்கிக் கொள்வதற்கென சமீப தினங்களாக சில துரும்புகளை எதிரணியினர் பயன்படுத்தத் தொடங்கியுள்ளனர்.