Warning: Invalid argument supplied for foreach() in /var/www/html/sites/tamilwin/desktop/system/app/template/meta_view.php on line 4
விடுதலைப்புலிகள் இருந்திருந்தால் சிறுவர் போராளிகள் பிரச்சினை தீர்ந்திருக்காது!– கோத்தபாய - Tamilwin

விடுதலைப்புலிகள் இருந்திருந்தால் சிறுவர் போராளிகள் பிரச்சினை தீர்ந்திருக்காது!– கோத்தபாய

தமிழீழ விடுதலைப்புலிகள்; மீண்டும் சண்டையிடும் ஆற்றலை கொண்டிருந்தால் சிறுவர் போராளிகளின் பிரச்சினையை தீர்த்திருக்க முடியாது என்பதை, சர்வதேசம் உணரவேண்டும் என்று பாதுகாப்பு செயலாளர் கோத்தபாய ராஜபக்ச தெரிவித்துள்ளார்.

இலங்கையில் சிறுவர் போராளிகள் தொடர்பிலான ஆவணத்தை ஐக்கிய நாடுகள் சபை மூடிவிடுவதாக அறிவித்துள்ளமையை அடுத்தே கோட்டாபய இந்த கருத்தை வெளிப்படுத்தியுள்ளார்.

1998 ஆம் ஆண்டு ஐக்கிய நாடுகள் சபையுடன் உடன்படிக்கை ஒன்று செய்துக்கொள்ளப்பட்ட போதும் விடுதலைப்புலிகள் சிறுவர் போராளி படையை தொடர்ந்தும் நடத்தி வந்தனர்.

எனினும் அவர்கள் 2009 ம் ஆண்டு தோற்கடிக்கப்பட்ட பின்னரே சிறுவர் போராளிகள் பிரச்சினையை தீர்க்கமுடிந்திருக்கிறது என்று கோட்டாபய சுட்டிக்காட்டியுள்ளார்.

போர் நிறுத்த உடன்பாடு அமுலில் இருந்தபோது, பாடசாலைகளில் விடுதலைப்புலிகளின் பயிற்சி நடவடிக்கைகள் முடிவடைந்து அணிவகுப்பு இடம்பெற்ற போது, அதில் தமிழ்த் தேசியக் கூட்டமைப்பி;ன் அரசியல்வாதிகளும் பிரதம அதிதிகளாக பங்கேற்றதாக கோத்தபாய சிங்கள நாளிதழ் ஒன்றிடம் குறிப்பிட்டுள்ளார்.

advertisement